اقولك شوية حاجات لو لقاها الرجل فى الست يقول يا فكيك....

اوعى تكونى من الستات دول

*1-النكـــــــــــــدية


هو: السلام عليكم

هى: ايه اللى جابك بدرى كده من الشغل؟ انا لسه مطبختش وورايا غسيل وو......

هو: طب ردى السلام الاول ، انهارده يا ستى اخدت مكافاة من الشغل فقلت امشى بدرى واشتريلكم شوية حاجات

هى: ياما جاب الغراب لامه، ايه اللى يخليك تروح تشترى كده من نفسك ، انت عارف ان ذوقك وحش كنت اديتنى الفلوس اجيب انا

هو: يعنى دى جزاتى، الامر لله ، عدينى بقى خلينى ادخل اريح شوية علشان هنخرج بالليل نتعشى برا

هى: تعدى فين، انت مش شايف الارض لسه ممسوحه استنى مكانك لغاية ما تنشف ، ولا انا الجارية اللى جابوهالك

هو: @!؟# روحى يا شيخه اللهى ينكد عليكى زى ما نكدتى على

^
^
^
^
خميرة عكننه، هدفها الاساسى انها تكرهك فى الحياه وتقضى على شوية الامل اللى عندك ووسيلتها فى كده البوز المتين اللى بيظهر مع اى حوار او مناسبة او مبادرة منك او اقتراح لاى حاجه، وساعات بيكون مش محتاج سبب علشان يظهر لان بيبقى خلاص الوش اطبع ع القالب ده ، واحب اطمنك ان مفيش فايدة حتى لو ادتلها صوابعك العشرة شمع، فوفر الشمع ده لواحده ممكن تكون سعادتها انها تقعد على ضوئه معاك

**المهملــــــة

هو: فين القمصان بتاعتى؟ مش لاقى ولا واحد فى الدولاب

هى: اصلهم فى الغسيل، منا نسيت اغسل امبارح

هو: مش كفايه البيت يضرب يقلب ومفيش حاجه فى مكانها ، والعيال شكلهم ولا الشحاتين كمان مفيش هدوم نظيفه طب هنزل الشغل ازاى دلوقتى

هى: معلش اتصل بيهم وخد انهارده اجازة ، مش هيجرا حاجه

هو: وانتى على بالك ايه ، بصى بقى مبدهاش انا هاخد بعضى واروح اقعد عند امى على الاقل الاقى حته نظيفه اقعد فيها بدل المزبله دى

هى: طب طالما كده بالمرة خد معاك القمصان تتغسل عند مامتك !!

^
^
^

قمه البرود اللى فى الدنيا ، عندها قدرة غريبة على التعايش فى وسط الفوضى وقله النظافه ومتجاهله حقيقه ان مظهر البيت والزوج والاولاد مسئولية الست ، وطبيعى ان الاهمال يكون فى نواحى حياتها كلها من اول مظهرها لحد بيتها وولادها ، ودى مينفعش معاها انسان منظم او منضبط فى حياته ، دى محتاجه فنان بوهيمى زى العيسوى حياته عبارة عن فوضى كبيرة وبيستحمى من السنة للسنة


هى: فين الفلوس اللى قلتلك عليها ؟

هو: فلوس ايه انتى مبتشبعيش ، اجيبلك منين؟

هى: ماليش دعوه اتصرف ، اشمعنى انا اللى بختى قليل من دون الناس ، مش شايف اختى سوسن جوزها مهنيها ازاى ومغرقها فلوس هى وعيالها

هو: طب هو راجل مقتدر وربنا كارمه ، انا اجيب منين اسرق يعنى ولا انهب علشان ارضيكى

هى : معرفش ، الراجل الشاطر هو اللى يعرف يجيب القرش من بق العــوو
هو: @!؟#؟@#! ياخى عــوو لما يلهفك



الست اللى زى دى تفضل تقولك هات هات لحد ما تجيبلك الهيتهات، الحياه بالنسبة لها مش اكتر من مشروع استثمارى كبير الهدف الوحيد منه هو الربح المادى، واكيد انت هتكون فى حياتها صفقه ، ودورك الاساسى انك تبقى ممول وراعى رسمى، وياويلك لو مقدرتش تقوم بالدور ده لانها هتفضل طول عمرها تقطمك بالكلام وتقارنك بفلان وعلان ، ومش بعيد تلاقى نفسك من كتر زنها على ودانك فتحت الدرج او مديت ايدك للحرام ، ودى فيها كلابوش يا حلو
الغيــــــــــــــورة
------------------------

هى: انت متشيك كده وخارج على فين

هو: هكون رايح فين يعنى ، عندى انهارده اجتماع مهم فى الشغل مع مديرين الفرع الرئيسى ولازم يكون مظهرى كويس قدامهم

هى: مديرين ؟ وهما المديرين بيتلبس لهم احسن بدلة وكمان بيتحطلهم برفان

هو: لا ماليش حق المفروض اروح بالبيجامه ومن غير حموم كمان علشان ترتاحى

هى: قدامك حاجه من اتنين، يا تغير البدله دى وتلبس واحده على مزاجى ياما مش هتنزل من البيت خالص

هو: انا عندى حل تالت ، ما تيجى معايا الشغل احسن @#؟!#؟

هى: والله فكرة، استنى لما اقوم البس !!


الغيرة مرة وقاتله، خصوصا غيرة الست لانها ساعات بتكون انعكاس لحب التملك ، وممكن توصل انها تخنق الانسان وتحسسه ان انفاسه محسوبة عليه ، مع الست اللى زى دى علشان تريح دماغك يبقى تصور يومك صوت وصورة لكى يطمئن قلبها عن تحركاتك ، وتمضى قدامها حضور وانصراف وتعتبر ان زيك زى اللى عليه مراقبه مع الفرق ان هو بيبات فى القسم وانت بتبات فى بيتكم

ده مش هيقول يافكيك ده ممكن ينتحر منها

هههههههههههههههههههههههههه

معاك حق واللة ياجوست

موضع جامد

وواصل بدون فواصل

هههههههههههههههههههههههههههه

ايه هوا الرد ده انتا واخده كوبى وبتوزعه فى المنتدى

قمه البرود اللى فى الدنيا ، عندها قدرة غريبة على التعايش فى وسط الفوضى وقله النظافه ومتجاهله حقيقه ان مظهر البيت والزوج والاولاد مسئولية الست ، وطبيعى ان الاهمال يكون فى نواحى حياتها كلها من اول مظهرها لحد بيتها وولادها ، ودى مينفعش معاها انسان منظم او منضبط فى حياته ، دى محتاجه فنان بوهيمى زى العيسوى حياته عبارة عن فوضى كبيرة وبيستحمى من السنة للسنة

موضوع جامد

هههههههههههههههه
حاجة جميلة والله

هية اية دى اللى حاجة جميلة
دة منيل

ياسبحان اللة

بلاش يا جماعه الردود النشفه دى

خلاص نطريها شوية يا جوست

او نرش عليها شوية مية

متزعلشى يا عم

شكرا ليكم بس يا سما هو مش موضوع وحش اعملى موضوع احسن عن الولاد وعيوبهم اوك

موضوع جميل
وفعلا فى ناس كده
المفروض اننا نكون احسن
شكرا جى جى

ياساتر يارب هوا فيه كدا استر يارب هوا مين الراجل بالظبط فى الموضوع ده لأنى شايفة ان الظاهر الحكاية اتشقلبت واتعصبت الصراحة ههههههههههههههههههه