نصيحة الست فتحيه

فتحيّة : ألووووووووو
سَنيّة : أهلا يا توحة ازيك ؟
فتحية : مين سنسن ازيك انتي وعامله ايه ؟
سنية : الحمد لله ياختي بصي عندي ليكي خبر حلو
فتحية : خير ان شاء الله
سنية : فتكات بنتـي اتخطبت لمحسن ابن الأستاذ مسعود جارنا
فتحية : لولولولولي مبروك يا حبيبتي
سنية : الله يبارك فيكي عقبال بنتك رَوحيّة يا رب
فتحية : يا رب


سنية : طبعا ح تشرفونا
فتحية : فين؟
سنية : هنا في بيت أبوها وكتب الكتاب في المسجد
فتحية : ايه ده ! الخطوبة في البيت ؟ هوّ بيتكم حايكفي أهل الشارع والجيران ؟ ده حتى عيلتكم كبيرة
سنية : ح يكفّي بس قولي ان شاء الله


فتحية : ان شاء الله ويا ترى جبتم الشبكة ؟
سنية : أمال ايه ...إسورة وخاتم زي العسل
فتحية : ايه إسورة وخاتم بس ! ده انتي بنتك تستاهل تُـقلها دهب
سنية : الله يخليكي المهم السعد


فتحية : لا لا لا لا يا سنية انتو اتساهلتوا ..لازم العريس يدفع علشان يحس بقيمة عروسته, كده رخّصتوها

سنية : تفتكري ياختي ؟

فتحية : طبعا ولازم يجيبلها أحسن فستان كمان
سنية : بس هي ح تلبس فستان أختها
فتحية : ايه....ده كلام ؟ ...دي ست العرايس

سنية : طب أعمل ايه ياختى ده خلاص الخطوبة بكره ؟

فتحية : كلّمي أبوه وأمه واتمسكي بموقفك .. لازم يجيب لها فستان ويزوّد الشبكة وأعملوا الحفلة في نادي


سنية : بس انتي عارفة جوزي ما بيحبش كده
فتحية
: خلاص خليكي كده سلبيّـة وسيبي بنتك تتهان وتتباع رخيصة , فين الايجابية
؟ هو انتي ياختي ما سمعتيش عن صناع الحياة واللي بيعملوه
سنية : آه سمعت في التليفزيون
فتحية : خلاص أعملي حاجه بسرعة
سنية : أنا ح أقفل معاكي وأكلم أهل محسن

وفـعلاً.. استجابت سنية لوسوسة فتحية وكلمت العريس وأهل العريس


واتفركشت الجوازة




وعيّطت فتكات ... ومرت الأيام وفي ليلة من الليالي سمعت سنية زغـروطة كبيرة ولولبيّـة

سنية : فتكات
فتكات : أيوه يا ماما
سنية : سامعة اللي أنا سامعاه ؟
فتكات : اهيء اهيء أيوه يا ماما
سنية : دي زغـاريـط ..يا ترى منين؟
فتكات : من عند طنط فتحية
سنية : الله...روْحيّـة اتخطبت ؟
فتكات : اهيء اهيء أيوة يا ماما


سنية : طب بتعيطي ليه..عقبالك يا نور عيني...ما تزعليش

فتكات : عارفة اتخطبت لمين يا ماما ؟
سنية : لأ...اوعي تقولي
فتكات : محسن يا ماما .. وقدّم لها نفس الإسوِرة والخطوبة ح تكون في بيتهم مش في النادي.. وكمان لبست فستان بنت عمها

إهـيء إهـيء
إهـيء إهـيء

شفتو كلام الستات بيودين لفين

طيـــــــــــــــــــــــــــــــــــــــــــــــــب

هههههههههههههههههههههه
تسلم على النصيحه الحلوه دى
بس مش كل الستات كدا

هاهاهاهاهاهاهاهاهاااااااااااااااااااااااااااااااااااى هههههههههههههههههههههههههههههههههههههههه
لا حول ولا قوة الا بالله مافيش احلى من الرضا والقاعة كنز لا يفنى
هههههههههههههههههههههههههههههههههههه

ههههههههههههههههههههههههههههههههههه بيخطفوا العرسان من بعض السوق نايم ههههههههههههههههههههههههههههه



عموما كل دا نصيب ومحدش بيعرف نصيبة فين وبرضو كلام الحريم بيودى فى داهية

وبرضو كلام الحريم بيخرب البيوت

شكرا ليكم وفعلا يا لؤلؤة مش كل الستات زي بعض
علشان فيهم اللي بيرضي بقليله وبيحب بجد وعمر المال والمنظره ما كان ليها مكان في حياتهم والاهم انهم مخلصين

السلام عليكم
ممكن اشترك معاكم فى البرنامج اللذيذ دا
اكيد طبعا ممكن تشترك
طب شئ جميل والله

طب ممكن اسمع اغنية سيدى الحنانا يا حنانا انت