قولها فى رسالة

موضوع حلو اوي اوي يا صن,,
بجد راااائع..

بس انا مع سارة
من الصعب ان حد يحب ناس ويسامحهم و هما اللى اجبروه على كرههم

عشان صعب اوي ان تسامحي حد بعد محول الحب اللي جواكي كله لكره وعرفك معني ازاي تكرهي حد بجد

بعد مكنتي متعرفيش اصلا يعني اية تكرهي ولا حتي تزعلي من حد!!!

التوبيك جااااااااااااامد يا صن
حقيقي رائع..
شكرا ليكي,,

منورة يانومى بجد ده اولا
اما فيما يتعلق بالكره بعد الحب فتاكدى انى عارفه انه صعب انك تسامحيه او تسامحيها بعد اما وصلك للدرجة دى بس انتى توصلى قلبك للدرجة دى ليه عشان خاطر انسان او انسانة جرحك او كرهك فيه بعد اما عرفتيه على حقيقته وانه كان بس مجرد انسان تسبب فى توصيلك للدرجة دى وانا واثقة انك بمجرد انك حسيته انك بتكرهيه اعتقد حستيتى ايضا انك بتكرهى نفسك وتكرهى اليوم اللى عرفك بيه
كل ده موجود وكل ده واقعى جدا بس انتى اللى هتخسرى صدقينى احساس الكره ده صعب اوى احساس مستفز فماتستفزيش نفسك بايدك كفاية تفكير فى الانسان ده لحد كدا لان بمجرد انك بتكرهيه يبقى انتى لسه بتفكرى فيه او لسه فى شوية اوجاع جواكى المفروض انك تنقى نفسك من الاحساس ده عشان على رأى المثل " مااتبقاش فى العمر قد اللى راح منه" جددى قلبك عشان تقدرى تعيشى ومسير الايام هتهديلك انسان او انسانةة احسن من اللى راح بمليون مرة
شكرا ليكى يانيرفى وياريت مااكونش تقلت عليكى

لا تجعل من ماضيك المؤلم شوكة تؤلمك فلربما فى هذا الماضى اهداك احدهم وردة عطرة ملأت حياتك بأجمل واسمى المعانى وتذكر حينها ان تلك الوردة ماهى الا حدث افرحك فى هذا الماضى فكلما جن عليك هذا الماضى فلا تتذكر فيه سوى تلك الوردة وتذكر شعورك حينها فلا تندم وتتحسر ابدا على ماض عشته سوى ماضيك مع الله فهذا احق بالحسرة لاننا مهما عبدنا الله فلم ولن نوفيه حقه.

sunshine

ردك حلو اوي يا صن ومنطقي جدا,,

شكرا ليكي يا جميله,,

صعب اننا نلاقي حد يفهمنا من غير كلام كتير,,

ثانكس يا صن..

عايزه اقولك يا نومى حاجه
محدش بيكره حد بعد ماحبه
ولو انا حاسيت انى كارهت حد بعد ماكنت بحبه
فده دليل على انى لسه حطاه فى دماغى ولسه بحبه
(زى ماصن قالتلك)
بس ممكن اوى ارجع احب الشخص اللى انا معتقده انى كرتيه
ممكن اوى ارجع احبه تانى
لما انسى اى حاجه غلط عملها او عملتها فى حقى
وصدقينى هقدر ارجع احبه تانى(مع انى برده من رايى انى مدام معتقده انى كرهته فده دليل على انى لسه حطاه فى دماغى ولسه بحبه )
وبالذات لو كان الحد ده يستاهل انى انسى اى حاجه غلط عملتها فى حقى
واكيد هوة يستاهل انى انسى الغلط اللى عمله فى حقى
لانه لو مايستاهلشى ماكنتش حبته من الاول
يعنى اكيد فى جوايا حاجات كويسه عملها عشانى
معلش طولت عليكى
بس حبيت اضيف رايى

mona كتب:

عايزه اقولك يا نومى حاجه
محدش بيكره حد بعد ماحبه
ولو انا حاسيت انى كارهت حد بعد ماكنت بحبه
فده دليل على انى لسه حطاه فى دماغى ولسه بحبه
(زى ماصن قالتلك)
بس ممكن اوى ارجع احب الشخص اللى انا معتقده انى كرتيه
ممكن اوى ارجع احبه تانى
لما انسى اى حاجه غلط عملها او عملتها فى حقى
وصدقينى هقدر ارجع احبه تانى(مع انى برده من رايى انى مدام معتقده انى كرهته فده دليل على انى لسه حطاه فى دماغى ولسه بحبه )
وبالذات لو كان الحد ده يستاهل انى انسى اى حاجه غلط عملتها فى حقى
واكيد هوة يستاهل انى انسى الغلط اللى عمله فى حقى
لانه لو مايستاهلشى ماكنتش حبته من الاول
يعنى اكيد فى جوايا حاجات كويسه عملها عشانى
معلش طولت عليكى
بس حبيت اضيف رايى

انا معاكى بامنى فى اللى انتى قولتيه بس القلوب كلها مش زى بعضها فى قلوب تقدر تستمر وكأن شيئل لم يحدث ولا تكره ولا تحب ودى قليلة الوجود واللى زى دول بيبقوا حذرين جدا فى اى علاقة ليهم بعد كدا وفيه قلوب بتعيش اسيرة لكره الطرف الاخر ومش بتقدر تنسى اللى اتعمل فيها ودى مااكثرها يعنى قلبك مش زى قلبى مش زى قلب نيرفى
شكرا ليكى ومنورة

اولا انا بتمنا للبرنسيسه كل خير ويارب ترجع هى وصحبتها زى زمان لانهم كانو اجمل صحبه واجمل شله
مع ان ده كان بيجى ع دماغى انا وصحابى طبعا البرنسيسه فهمانى هى وباقى الشله
بس بصراحه انا م اكتر الناس اللى زعلو ع اللى حصل ده لانى مجربه احساسها ده
بس احب اقولها انتهزى فرصه ان احنا ف رمضان وادعى اوى واحب اطلب منكو كلكو انكو تدعولها معايا
اسفه ع الاطاله بس بجد اصل الموضوع ده كان مضايقنى ومزعلنى اوى وكان نفسى اقدر اعمل حاجه

(عسى ان يجمعنى الله مع من احب عما قريب)

اللهم اجمع شمل البرنسيسة بصويحباتها جمعا جميلا لا فراق فيه



اللهم انى أسألك بانى اشهد ان لا اله الا الله الاحد الصمد الذى لم يلد ولم يولد ولم يكن له كفوا احد ان تجمع لينكس بمن يحب قريبا



أمين ................. آمين .................... آمين

شكرا ليكو ع الاهتمام

انا مش قادرة اوصفلكو كمية السعادة والفرحة اللى فيا دالوقتى بسبب الموضوع ده " قولها ف رسالة" وفرحانه جدا بتواصلكو هنا شكرا ليكو ...............sunshine

بيتهيألي يا مني ان رد صن كفاية علي كلامك,,
انا شايفه انه كفي ووفي,,
يمكن انت تقدري تعملي كدة,,
ويمكن انا كان ممكن اعمل كدة بس من فترة حوالي 4 شهور,,
لكن دلوقتي انا مقدرش,,
وعموما رأيك يحترم في كل الاحوال..


اما انجل فهي اتكلمت عن موضوع تاني,,
بس هو انا بما اني كنت واحدة من افراد الشلة,, دة مش فاهمة,,
ازاي بيجي علي دماغك؟؟!!
عموما ثانكس علي مشاعرك الجميلة,,,


اما انت يا صن,,
حقيقي التوبيك حلو,,
وانا شايفة انه راااائع,,
ودة اللي خلانا ندخل ونتكلم فيه,,
وكمان عايزة اقولك انت باين من كلامك انك حد محترم وخلوقة,,
ربنا يديكي علي قد نيتك..

Nervy Nomy كتب:

بيتهيألي يا مني ان رد صن كفاية علي كلامك,,
انا شايفه انه كفي ووفي,,
يمكن انت تقدري تعملي كدة,,
ويمكن انا كان ممكن اعمل كدة بس من فترة حوالي 4 شهور,,
لكن دلوقتي انا مقدرش,,
وعموما رأيك يحترم في كل الاحوال..


اما انجل فهي اتكلمت عن موضوع تاني,,
بس هو انا بما اني كنت واحدة من افراد الشلة,, دة مش فاهمة,,
ازاي بيجي علي دماغك؟؟!!
عموما ثانكس علي مشاعرك الجميلة,,,


اما انت يا صن,,
حقيقي التوبيك حلو,,
وانا شايفة انه راااائع,,
ودة اللي خلانا ندخل ونتكلم فيه,,
وكمان عايزة اقولك انت باين من كلامك انك حد محترم وخلوقة,,
ربنا يديكي علي قد نيتك..

شكرا ليكى يانيرفى على اعجابك بالموضوع وعلى تواصلك معانا وعلى زوقك فى التحاور والموضوع عمره ماكان هيبقى حلو لولا تواصل الاعضاء فيه وربنا يجازينا كلنا خير عليه ويكون الموضوع مكان للتصالح والحب والالفة وممكن برضه العتاب لان العتاب جزء من الحب لانك مش هتعاتبى حد الا اذا كنتى بتحبيه بس ارجو انه مايكونش مكان للمشاكل او تذكر الاشياء المؤلمة يعنى ممكن تعتبريها كدا زى بوسطة هههههههههههههههههههههههههه بوسطة الرسائل الجميلة
شكرا ليكو
كان معكم ساعى البريد " البوسطجى" " sunshine " ههههههههههههههههههههههه

رسالتى هيا انك لو لقيت او لقيتى اللى يحبك بجد وبأخلاص حتى لو كان الحد ده بعيد عنك اوعى تفرط فيه بسهولة وتاكد انه عمره ماهيفرط فيك انت كمان وتبقى غلطان لو قولت ان مافيش حد يستاهلك لانك لو صدقت كدا هتعيش وتموت وانت مش تلاقى اللى يحبك لانك كدبت كدبة وصدقتها

هههههههههههههههههه
عسل يا صن
وموضوعك كمان جميل جدا
وبجد جزاكى الله خيرا عن الموضوع الجامد ده

شكرا ليكى يامنى على الاطراء ده وجزانا الله واياكم خير الجزاء

اصعب شئ ممكن الانسان يتحمله هوا الامانة بجد صعبه جدا
قال الله تعالى : "انا عرضنا الامانة على السموات والارض والجبال فا ابين ان يحملنها واشفقن منها وحملها الانسان انه كان ظلوما جهولا"
فارجوكم لو انت كنت مأتمن على حاجة او حد واخد عهد عليك اوعى تنكث بعهدك واحفظ امانتك واستحمل واصبر وان شاء الله ربنا هيعوضك ويجزيك خير على وفائك وامانتك ارجوك اوعى تنكث بعهدك ارجوك

رسالتى دى هتكون لصاحبتى وحبيبتى هدى
انا احبك فى الله يا مس هدى ومااقدرش على زعلك والله مااقدر على زعلك منى قولولها انى مش بحب حد يزعل منى وبالزات لو كان الحد ده انا بحبه
انتى فعلا اختى والله وانا قولتك ان الامانة والوفاء صعبين وعشان كدا انا مسيرى هوفى بوعدى اللى وعهدتهولك بس كل حاجة فى ميعادها
لو كنت جرحتك انا اسفة لو كنت حسستك انى خايفة منك انا اسفة
انا اسفة فى كل الاحوال وياريت تعذرينى
ياريت لو بتحبينى بجد تعذرينى
انا أســـــــــــــــفة يامس هدى

"اوعدني جنبي تعيش ولا ليله تنساني
وليك عليا اعيش واموت ياحبيبي وانا وياك
اوعدني ماتسبنيش ولا حتى لثواني
دي عمري كله هيسوى ايه لو يوم مكنش معاك"

رسالتي هي:
اذا لم تجد من يحبك,,, فلا تكره نفسك..

Nervy Nomy كتب:

رسالتي هي:
اذا لم تجد من يحبك,,, فلا تكره نفسك..

اكيد يانيرفى فيه بس احنا محتاجين ندور على الناس اللى بيحبونا بس انا حسة ان احنا بنشترى اللى يبيعنا ونبيع اللى يشترينا وفى الاخر بقول اننا محتاجين نحب نفسنا الاول ونسامحها
شكرا ليكى

ممكن يكون كلامك صح بنسبة كبيرة بس احيانا بنبقي فعلا مش لاقين الحب دة,,

فمش ينفع كمان نكره نفسنا ولا اية؟؟

طب وتكرهى نفسك ليه يانيرفى او اى حد يكره نفسه ليه ؟؟؟؟؟؟؟
اذا كان قصدك ان الواحد يعيش فى قصة حب ويهيم هوا وحبيبه والكلام ده فطبعا يبقى غلطان وتبقى غلطانه اللى يكره نفسه عشان حاجة زى كدا والاصح ان اللى مش عارف يلاقى الحب اللى من النوع ده مايتعبش نفسه ويتنيه يدور عليه ويشغل باله عليه وامتى؟ ومش امتى؟ الحب هوا اللى بيدور على القلوب وبيروحلها لحد عندها اما الناس اللى بتجرى وراه فمش بيروحلهم ولو راحلهم بيعذبهم
اما اذا كان الانسان مش لاقى حب الناس وحب اصحابه ليه ده يكره نفسه ويدور فيها انت بتعمل ايه عشان الناس تكرهك واكيد هيلاقى الاجابة فان ربنا اصلا مش بيحبه ولا راضى عنه وده مش كلامى ده كلام الرسول صلى الله عليه وسلم لما قال ((إن الله تعالى إذا أحب عبداً دعا جبريل، فقال : إني أحب فلانا فأحببه، فيحبه جبريل، ثم ينادي في السماء فيقول : إن الله يحب فلاناً فأحبوه فيحبه أهل السماء، ثم يوضع له القبول في الأرض، وإذا أبغض عبداً دعا جبريل، فيقول : إني أبغض فلانا، فأبغضه، فيبغضه جبريل، ثم ينادي في أهل السماء إن الله يبغض فلاناً، فأبغضوه ، فيبغضه أهل السماء ثم توضع له البغضاء في السماء ))
فالاولى اننا ندور عن حب الناس لينا ونسعى لكدا وبعدين الحب التانى ده مانستعجلش عليه هييجى لوحده
شكرا ليكى يانيرفى

رسالتى هى " عيش بما يرضى الله " عشان ربنا يرضيك ولو عاوز ربنا يحققلك كل اللى بتحلم بيه ارضيه وحافظ على اوامره جرب وحاول انك ترضى ربنا ولو مرة واحدة وشوف الحلاوة اللى هتكون فى قلبك وحاول تكون صادق مع نفسك حتى لو كنت بتكدب على كل اللى حواليك خليك صادق مع نفسك وشوف الفرق

كل سنة وكل اعضاء المنتدى بخير وبصحة وسلامة وعيد فطر سعيد " عساكم من عوادة" وتقبل الله منا ومنكم ان شاء الله
كل سنة وانتم دايما طيبين

وانت طيبة يا صن يا عسولة انت..

كل سنة وكل المنتدي بخير..