قولها فى رسالة

بسم الله الرحمن الرحيم

اعذرونى فى البداية كدا لانى هتكلم بالعامية اكتر حاجة بعرف اتكلم بيها فاستحملونى

[i]امبارح كنت بسمع برنامج مشهور جدا اعتقد كلنا عارفينه اسمه " ع القهوة" للمذيع الشهير والمحترم احمد يونس على اذاعة نجوم اف ام المهم فيه فقرة فى البرنامج ده لذيذة جدا جدا اسمها قولها بصوتك وهيا ان حد يكلمه ويقوله انا عاوز اقول لفلان مثلا اى حاجة وهما بيسجلو صوته وبيتصلو بالفلان ده ويسمعهوه الرسالة بتاعة الشخص التانى


[left]فانا فكرت وقولت احنا اكيد كلنا نفسنا نقول لاى حد عزيز علينا كلمة او نشكره اونتأسفله على حاجة احنا عملناها فى حقه او اى شئ من هذا القبيل

كمان قولت ان لازم كل شخص فينا يحاول يصلح اخطاء هو عملها او بيعملها فى حق نفسه وحق غيره وان الدنيا مش مستهلة اننا نخاصم بعض فيها ولا اننا نشيل من اى انسان على وجهها

والانسان اللى بيقول ان مافيش حد يستاهل انا بقوله لأه فيه وكل انسان يستاهل اننا نحاول معاه مرة واتنين وتلاتة لحد ماهو يزهق من نفسه ويحاول يغير وبمناسبة كدا حبة اقول قصة

" كان فيه زوجة من الزوجات متزوجة واحد كويس جدا وبيحبها اوى بس كان فيه مشاكل كتيرة

جدا بينها وبين حماتها وكانت حماتها قلباها ولعة بينها وبين جوزها المهم الزوجة دى قررت انها

تتخلص من حماتها فراحت للعطا وقالتله انا عاوزة اسم حماتى وفى نفس الوقت مش عاوزة

ينشك فيا انى انا اللى سمتها قالها خدى السم دا وحطيه ليها كل يوم فى الاكل لمدة 25 يوم

متواصل بس حاولى تتملقيها وتحسنى علاقتك بيها عشان ماحدش يشك انك انتى اللى

عملتيها وسمتيها وبالفعل الزوجة اخدت السم وبدأت تحطه لحماتها فى الاكل وفى نفس

الوقت بدأت تعاملها حلو والكل بدأ يستغرب من ان المعاملة بينهم اتغيرت جدا وبعد اسبوعين

الزوجة اتعلقت بحماتها جدا وحماتها حبتها جدا جدا جدا وغيرت اسلوبها معاها نزلت الزوجة

جرى للعطار قالتله انا عاوزة حاجى توقف مفعول السم لانى بقيت بحب حماتى قوى وهيا كمان

بدأت تتعلق بيا وتحبنى اكتر قام العطار ضحك وقعد يضحك قالها على فكرا انا ماادتكيش سم ولا

اى حاجة انا قولت اخليكى انتى اللى تبدأى وتغيرى معاملتك معاها يمكن انتى اللى تكونى

من البداية فى اسلوب المعاملة وحبيت انك تبدأى بنفسك .....................................

فياريت كل واحد فينا يبدأ بنفسه ويدور على اللى جواه يمكن هوا غلطان فى تقدير الامور

ومن هنا بقول لو سمحتو لو فيه حد زعلان من حد هنا فى المنتدى

لو فيه واحدة زعلانة مع خطيبها او العكس

لو فيه حد مقاطع ابوه وامه

لو فيه واحدة زعلانة مع صحبتها او واحد زعلان مع صاحبه

لو حد زعلان من اخوه او اخته
وعلى النقيض

لو فيه حد بيحب حد

لو فيه حد عاوز يشكر اى انسان عزيز عليه

لو فيه حد عاوز يقول لحد " انى احبك ف الله " بصورة صافية

يكتب كل اللى عاوز يقوله فى رسالة هنا فى الموضوع يمكن الرسالة دى تغير حاجات كتير جدا جواه ويكون كاتبها بنية انه يصفى نفسه وقلبه من اللى جواه
والرسول صلى الله عليه وسلم بيقول " لاتحقرن من صغار الامور"
يمكن انت تكون مستصغر الرسالة دى او بتقول هيا هتعملى ايه بس حاول وجرب واعملها بنية سليمة بنية انك عاوز تنام وانت مافيش ذرة حقد او كره جواك لاى انسان مهما عمل معاك

شكراااااااااااااااااااااااااااااااااااااااااااا طولت عليكو


sunshine

انا هبدأ بنفسى واقول لكل واحد هنا او واحدة انا زعلته او قولتله كلمة غصب عنى ضايقته او زعلته منى انا اسفة وسامحنى

وهقول لكل انسان بحبه وعزيز على قلبى ربنا يديم الحب والالفة بينا وبرضه سامحنى ان كنت فى يوم زعلتك منى او ضايقتك بكلمة

سامحونى كلكم

وفى الاخر بقول لماما حبيبة قلبى ونور عينى كل سنة وانتى طيبة يااغلى واحن ام ف الدنيا من غيرك انا مااسواش نكلة ولبابا الله يرحمه ياريت تكون راضى عنى وتكون فخور بيا وربنا يرحمك ويسكنك فسيح جناته

اولا شكرا يا صن شاين على الموضوع الجميل دة

وانا على فكرةانا بحب اوى البرنامج ومقدمه احمد يونس لانه انسان محترم وشخصيه جميله جدا غير المذعين الاخرين لنجون اف ام وانا متابع البرنامج دة من اول ما بدأ

اوانا بقــول اولا لكل واحد احتل مكانه فى قلبى خاصه يارب تسمحنى لو كنت غلط فيك او زعلتك فى يوم من الايام ويارب يديم الحب ما بينا والمعروف يارب

انا عاوز اقول حااااااااااااااااااااااااااجه واحده اللى زعلاااااااااااااااااااااااااااااااااااان منى يبقى معلش يا جمااااااااااااااااااااااااااعة كان غصب عنى اكيد وانا على فكرة مبحبش حد يزعل منى مهما ان كان


وتانيا انا نفسى اقول للبنت اللى كنت عاوز اخطبها ليه اللى انتى بتعمليه ياريت تفسريلى اللى انتى بتعمليه معايا انا شايف انى م

من الجميل ان الانسان يتصافى مع نفسه بس الاجمل انه يكون سامح من قلبه ويا ريت ميكنشى فى حد زعلان منى وحاجه كمان من الصعب ان حد يحب ناس ويسامحهم و هما اللى اجبروه على كرههم

انى مش غلطان فى حاجه معاكى ولو انتى شايفه غير كده ياريت تعرفينى غلطى او بمعنى اصح عملت كل حاجه وانتى فى الاخر اللى بتوقفى الدنيا ليه مش عارف على العموم ان كان فيه نصيب يبقى ربنا يسهل وان مكنش فيه نصيب يبقى كده فله كفاية من الحب واللى بييجى منه


وكمان عاوز اقول لبابا انا نفسى اخليك احسن اب فى الدنيا وبالله عليك ما تزعل منى ولماما كمان كل سنة وهى طيبة واوعى تكونى زعلااااااااانه منى فى اى حاجه عملتها

وبقول لكل حد من اللى انا بحبهم يارب دايما جنبى ونفرح سوا ان شاء الله

وشكرا يا صن موضوعك حلو بجد ومش هزاااااااااااااااااااااااار الف شكر ليكى

منوروين ياجماعة والله اسعدنى كلامكم جدا واسعدنى اهتمامكم

شكرا ليك يالينكس
شكرا ليكى ياتنين وفعلا عمر ماكان الاسف ضعف نفس او ذله بالعكس انا بشوف فيه كرامة وقوة وحب كبير جدا منور ياتينين

وانت كمان ياBm نورتنى بردك وبوجودك وبقولك الخيرة فيما اختاره الله ماتستعجلش
وربنا يرزقك بواحدة احسن ان شاء الله

منورة ياسارة وفعلا انا معاكى هيا صعبة بس هقولك ايه " ادفع بالتى هى احسن " حاولى ماتخليش نفسك توصل للمرحلة دى لان ربنا مدينا قلب عشان نحب بيه مش نكره صدقينى الكره ده اوحش مشاعر ممكن تحسى بيها وفى الاخر هتوصلى لمرحلة انك هتكرهى نفسك

منورين والله ............................

بصى يا صن الواحد مننا ممكن يحب ده ويصااااحبة بغض النظر عن انها بنت او ولد وفى الاخر لما ينخدع او ينجرح من ولد او بنت بعد ما صاحبه او حبه وييجى فى الاخر يجرحه او يحرجه فيبقى من الصعب انه يرجع زى الاول مهما ان كان وعن نفسى انا كده مش من الساهل انى اسااااااااااااااااااااااااامح اى حد جرحنى


ومعلش طولت عليكى

اولا يا bm اللى بيحب بيسامح
وانت حد انا حساه قلبه كبير جدا مع انى متعاملتش معاه
وشكراا ليكى على موضوعك الرائع ياصن
وانا عن نفسى نفسى اعتذر لحد زعلان منى
واقوله انا اسفه جدا جدا
وعاوزه اقولكم
انى بحبكم كلكم فى الله
ربنا يكرمكم ويكرمنى

بصى يا ايوتا عسولة زى انتى ما قلتى اللى بيحب بيسااااااااااااااااااااااااااااااااااااااامح


بس بعد ما ما يعرف سبب الغلط او سبب الخلااااااااااااااااف بين الطرفين اما الاصعب اما الواحد يحب من كل قلبه وفى الاااااااااااااااااااااخر ياخد على قفاه سورى فى اللفظ بس الموضوع مضايقنى لانى فعلا مش غلطان


وشكرا ليكى على رايك فيا وبجد احنا ممكن نكون مجموعة من اكبر اصحااااااب على المنتدى واجمد اصحاب فى الدنيا انا بجد يا ايوتا لما بحب حد من جوه قلبى لايمكن انى ابيعة الا لما احس انى انجرحت منه جرح كبير جدا

ومعلش صدعتكوا

وموضوعك حلو يا صناية وان شاء الله ربنا يعوضنا خير وربك مبيجبش حاجة وحشة

والحمد لله على كل حاااااااااااااااااااااال
تقبلى مرورى

elprince كتب:

موضوع جميل جدا يا صن

شكرا ليكى

وانا احب اقول

بشروا أبناءكم، أن ما مضى هو آخر الحروب ونهاية الآلام، وأن ما هو قادم هو البداية الجديدة، للحياة الجديدة، حياة الحب والخير والحرية والسلام .
ويا أيتها الأم الثكلى،
ويا أيتها الزوجة المترملة،
ويا أيها الابن الذي فقد الأخ والأب،
يا كل ضحايا الحروب،
ـ املأوا الأرض والفضاء بتراتيل السلام .
ـ املأوا الصدور والقلوب بآمال السلام .
ـ اجعلوا الأنشودة حقيقة تعيش وتثمر.
ـ اجعلوا الأمل دستور عمل ونضال.

وإرادة الشعوب هي من إرادة الله.

ياسلاااااااااااااااااااااااااااااااااااااااااااااااااااام ياريس الله عليك ده كلام الزعيم انور السادات ياسلام عليك يابرنس يازين ماقولت واخترت صراحة منور يابرنس ووجودك شرفنى

الله عليك يا سيدى انا




الساااااااااااااااااااااادات فى عزة والنبى


والله يا صن مواضيعك لو مش حلوة ومثيرة بجد مكنش حد رد عليها


تقبلى مرورى

ربنا يخليك يابى ام ده من زوقك بس


عاروزة اقول للعضوة هدى فينك من زمان وحشتينا والله هيا ونريد شمسا
ايه ياهدى هوا اللى بينخطب بيختفى ولا ايه ولا العيال اللى انتى بتديهم خطفوكى ولا ايه ؟؟؟؟؟؟؟؟؟؟؟؟؟؟؟؟؟؟ وحشتينا ياهدى انتى ونريد شمسا اللى مابقتش حتى اشوفها فى الكلية

لا نريد عايشة انا شفتها قريب اما هدى هى اللى من ساعة ما اتخطبت واحنا مش سانعين عنها اى اخبار وبعدين احنا ما شربناش الساقع بتاعها

وشكرا ليكى يا صن على المواضيع الحلوة دى


تقبلى مرورى

هقول لماما ان انا كمان بحبها ومااقدرش استغنى عنك وسامحينى لو ف يوم غلط فى حقك وقصرت معاكى

وهقول لاخواتى انا بحبكوا قوى وفخورة بيكو قوى قوى وشكرا على تفاهمكو معايا واهتمامكم بيا

ولو فيه اى حد زعلان منى ف حاجة ياريت تسامحنى وتعذرنى


رمضان كريــــــــــــــــــــــــــــــــــــــــم

حلو أوى الموضوع دا ياصن

وحابه إن أوصل لإنسانه عزيزه عليا أوى رساله

أقولها

أولا : رمضان كريم وكل سنة وإنتى طيبه لتانى مره

ثانيا :حابه اقولك إنك وحشتينى أوى وإن صحوبية أربع سنين لو هانت عليكى عمرها ما هتهون عليا


وكمان لو كنت غلطانه فى حقك حقك عليا مع إنى معرفش أيه سبب الزعل ولو مش غلطانه برضه حقك عليا

وبقولك أنا موجوده فى أى وقت لو طلبتينى فى نص الليل والله العظيم هتلاقينى جنبك

بجد أنا بحبك أوى ومهما حصل بينا عمر الاختلافات ما هتخلى صحوبية أربع سنين كلية تهون

وعموما بتمنى بجد من ربنا إن يوفقك وأسمع عنك دايما أخبار كويسه


وأخر حاجه هقولهالك
لا إله الا الله خدى بالك من نفسك

Elbrensesa كتب:

حلو أوى الموضوع دا ياصن

وحابه إن أوصل لإنسانه عزيزه عليا أوى رساله

أقولها

أولا : رمضان كريم وكل سنة وإنتى طيبه لتانى مره

ثانيا :حابه اقولك إنك وحشتينى أوى وإن صحوبية أربع سنين لو هانت عليكى عمرها ما هتهون عليا


وكمان لو كنت غلطانه فى حقك حقك عليا مع إنى معرفش أيه سبب الزعل ولو مش غلطانه برضه حقك عليا

وبقولك أنا موجوده فى أى وقت لو طلبتينى فى نص الليل والله العظيم هتلاقينى جنبك

بجد أنا بحبك أوى ومهما حصل بينا عمر الاختلافات ما هتخلى صحوبية أربع سنين كلية تهون

وعموما بتمنى بجد من ربنا إن يوفقك وأسمع عنك دايما أخبار كويسه


وأخر حاجه هقولهالك
لا إله الا الله خدى بالك من نفسك

وجودك شرفنى فعلا يابرنسية وبجد انتى انسانة تستحق كل احترام وتقدير على طريقة كلامك وتمسكك بصاحبتك وانا بقول لصاحبتك اوعى تفرطى فى واحدة زى البرنسيسة فى يوم من الايام لانها بتحبك وبتعزك ولو فرطى فيها تبقى انتى الخسرانة مش هيا وطالما هيا اعتذرتلك يبقى احق عليكى انك تقبلى اعتذارها لان فيه حديث عن الرسول صلى الله عليه وسلم بيقول فيما معنها ان اذا المسلم ذهب لاخيه المسلم يعتذرله له ولم يقبل اعتذراره فلن يجد ريح الجنة والله يشهد انى لا اعرفك ولا اعرف البرنسيسة عشان اتدخل بس ده لله
وشكرا ليكى يابرنسيسة مرة تانية

عندى رساله تانيه ومهمه جدا

وهيا لروح قلبى وحياتى أيوتا وكريزى

متزعلوش منى أنا عارفه إنى معاملتى ليكوا اليومين دول مش حلوه خالص

والله غصب عنى اعذرونى إنتوا عارفين أنا بحبكم أد أيه وعارفين خاطركوا وغلاوتكوا عندى

ماشى ياكريزى ياريت تكونى عارفه كده كويس وعارفه إنتى أد أيه غاليه عندى بجد متزعلوش منى

والكلام دا برضه لبوسى وياريت ياكريزى متضربيش بوز تانى زى النهارده أنا بحبكم أوى



وبوسى حابه أقولك وحشانى أوى أوى أوى بجد وإنتى كمان يانونا وحشانى يارب تكونى بخير

دا إنتى طبعا اللى تستاهلى الشكر على الكلام الحلو دا

وإنتى فعلا شكلك إنسانه محترمه وتشرفى أى حد يتعرف بيكى

الى كل من ظلمنى ارحمونى وفكروا كويس قبل الحكم وانت بعت وفانا بعت

elprince كتب:

اسأل الله العظيم رب العرش العظيم أن يشفيك.

اللهم رب الناس مذهب البأس اشف أنت الشافي لا شافي إلا أنت.



لا إله الا الله الحليم الكريم .. لا اله الا الله العلي العظيم ..

لا إله الا الله رب السماوات السبع و رب العرش العظيم ..

لا إله إلا الله وحده لا شريك له ..

له الملك .. و له الحمد و هو على كل شيء قدير ..

الحمد لله الذي لا إله إلا هو .. و هو للحمد أهل .. و هو على كل شيء قدير ..

و سبحان الله .. و لا إله إلا الله .. و الله أكبر .. و لا حول و لا قوة إلا بالله ..

إلهي ..

أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً .

إلهي ..

أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..

إلهي ..

إني أسألك من عظيم لطفك وكرمك و سترك الجميل أن تشفيه و تمده بالصحة و العافية ..

إلهي ..

لا ملجأ و لا منجا منك إلا إليك .. إنك على كل شيء قدير


آمين يارب العالمين

آميــــــــــــــــــــــــــــــــــــــن

خير يابرنس فيه حد تعبان؟

محمد حجاج كتب:

الى كل من ظلمنى ارحمونى وفكروا كويس قبل الحكم وانت بعت وفانا بعت

ياما فى الحبس مظاليم يااستاذ محمد لو حد ظلمك فده حسابه عند ربنا سبحانه وتعالى بس انت ليك الحق انك تدافع عن نفسك ده لو فعلا انت مظلوم وبعدين سبحان الله اللى بيظلم عمره مابيفكر هوا بيظلم ليه وناسى ان فيه اللى اقوى منه واعدل منه ونسى المنتقم الجبار اللى مش بيرد دعوة المظلوم وبيقولها " لانصرنك ولو بعد حين" قول دايما " حسبى الله ونعم الوكيل " بس نصيحة منى ماتخليش الكره يسيطر على قلبك عشان انت اللى هتخسر فى الاخر وافتكر دايما ان ليك رب كريم يرد عنك
شكرا لمرورك