عشان تحط صورك على النت.. في مواقع كتير بتتيح لك إنك تعمل أبلود لأي صورة عندك وهي تديك وصلة ليها عشان تستخدمها
لكن مشكلتها إنها بعد فترة بتتمسح من على الموقع .. وطبعا مش هتظهر في الموضوع اللي إنت حاططها فيه تاني.. ولازم ترفعها تاني وتعدل الوصلات القديمة وتحط بدالها الوصلات الجديدة
لكن لقيت موقع ممتاز جدا .. وده اللي أنا باستخدمه في رفع الصور كلها
http://photobucket.com/الموقع ده بيخليك تسجل user name خاص بيك.. وده اللي بترفع عليه الصور بتاعتك وكمان تقدر ترفع الفيديوهات.. طبعا إنك تعمل user name دي ميزة كبيرة جدا لتلات أسباب
الصور بتاعتك مش هتتمسح
تقدر تقسم اليوزر بتاعك لـfolders
ممكن تعدل في الصور بتاعتك بالنقل من فولدر لفولدر أو بالمسح (نقل الصورة من فولدر لفولدر بيغير اللينك بتاع الصورة)
إنت طبعا ليك مساحة محددة وهي 1 جيجا... وليك bandwidth محدد وهو 25 جيجا في الشهر.. ودول كويسين جدا
(ولو احتجت مساحة زيادة اعمل يوزر تاني مع الأولاني)
عشان ترفع صورتك هتلاقي كلمة upload.. تختار الصور اللي عايز ترفعها وتضغط علي upload...
لما يخلص رفع الصور بيديك أربع وصلات تنسخ اللي إنت عايزها عشان تستخدمها
أهم وصلة بالنسبة لنا في الموضوع ده هي دي:
IMG code.. ودي اللي بنستخدمها لو عايزين نحط الصورة في منتدى، بننسخها ونحطها زي ما هي واحنا بنكتب رد أو بنكتب موضوع.. ولما نضغط إضافة رد هتظهر جوة الصفحة..
التلات وصلات التانيين:
Email & IM.. ودي تنسخها في الإيميل عشان تظهر في الإيميل لما تبعته
Direct Link.. ودي بتبقى وصلة مباشرة للصورة.. لو نسختها وحطيتها زي ما هي هتظهر في صورة وصلة ولما تضغط عليها تفتحلك الصورة في صفحة لوحدها
HTML code.. ودي لأصحاب صفحات الويب.. ممكن ينسخها في جسم الصفحة وهو بيكتبها عشان اللي يفتح الموقع تظهرله من ضمن الصفحة
---------
ده بالنسبة لرفع الصورة على النت.. اللي تقف حاجة قدامه يقول لي
--------------------------------------------
طيب ازاي نحط الصورة جوة الرد؟
حاجة من تلاتة..
* الحالة الأولى: لو أنا رافع الصورة على موقع photobucket بانسخ الوصلة اللي عنوانها IMG code من تحت الصورة.. وهاحطها زي ما هي..
يعني مثلا أنا عندي صورة... الوصلة بتاعتها هي دي:
كود PHP:
لو نسخت الوصلة دي زي ما هي وحطيتها في ردي هتظهر كده:
----
* الحالة التانية لو عندي وصلة مباشرة للصورة بانسخها وهلاقي في اسلوب الرد المتطور الصورة دي --> .....هاضغط عليها.. وأحط الوصلة اللي معايا في النافذة اللي هتظهر واضغط OKوبكده تظهر معاك في الرد
ملحوظة هامة جدا : النافذة اللي بتظهر بيبقى مكتوب فيها
http://ودي ممكن تبقى موجودة في الوصلة اللي معاك .. فيبقى لازم تشيل واحدة منهم لأنها لو اتكتبت مرتين الصورة مش هتظهر
----
* الحالة التالتة ودي سهلة جدا.. لو أنا شفت صورة على موقع معين وعايز أحطها في ردي.. أضغط على الصورة كليك يمين واضغط copy.. واروح للرد اللي هاحطه وأعمل paste.. هلاقيها تظهر في الرد
(لو ما رضيتش تتنسخ هاضغط كليك يمين على الصورة واختار properties هلاقي الوصلة بتاعتها.. أنسخها واستخدم الطريقة التانية في وضع الصورة في الرد)
sama
