من يلعب بمشاعر الشخص اكتر الشاب ام الفتاه؟

هناكَ منْ البشر من هوايتهم التلاعب بمشاعر الآخرين , فتجدهُ مثلاً


يقولُ لِفُلانة ((احبك)) , ثمَّ يذهب إلى فتاةٍ أُخرى ويقولُ لها نفس الكلام

ثم يتنقّل بين الفتيات كالبستاني الذي يتنقّلُ بين الورود !!...

هؤلاء النوعية من البشر هم كثيرين جداً ولا حصرَ لهم , ولكنْ باعتقادي أن هذا الشاب يفعل ذلك

من باب الشهوه ومن باب قلة الوازع الديني والبعد عن الله وعدم رقابه الأهل وقد تعود على التكبر

وعلى قسوة القلب والغفله الدائمه والأمان من مكر الله ........


وكذلك يوجد من (الفتيات) من هوايتهنَّ التلاعب بمشاعر الشباب والضحك

عليهم , فينطبق عليها مثلما ينطبق على الشاب تماماً......


في رأيك من هوَ أكثرُ تلاعباً بالمشاعر الفتاة أم الشاب ؟!...

وماهو السبب الذي جعلَ هؤلاء يتلاعبون بمشاعر الناس ولماذا جعلوا

من قلوبهم فنادق ذات خمس نجوم فهي تتّسع لمجموعة أشخاص ؟


هل البنت والولد نفس الشي؟؟


اعطونا رايكم ....

اعتقد الشباب اكتر
والسبب زى انت ماقولت قلة النزعة الدينية .........الخ
بس ممكن نضيف عدم تحمل المسؤليه

عندك حق بس ممكن تكون البنت برده هى اللى بتلعب بمشاعر الشاب خصوصا اذا كانت متكبره وانانيه

وشكرا على مرورك

شكرا ليك يا تنين

و برده النسان ده مش اهبل كل انسان

ليه نظرة فى الى قدامه لان كل انسان

ليه اكيد خبرة ونظرة فى الى قدامه ممكن يدحك عليك

بس القلب دليلك لو انت او انتى قريبة من ربنا

وبرده قلة تربية من الاتنين زى ما التنين قال

شكرا ليكم

اناشايفه انى الولد ذى البنت بالضبط
والدنيا مليانه انواع


وفعلا التربيه
ومراقبه النفس
ليها عامل كبير قوى


وكمان ذى ماقال التنين
كما تدين تدان



موضوع حلو
ياريت كلنا نفكر ونشوف احنا فين منه
كامجتمع
وكاشباب



الف شكر ليك

لا يا سما اللوم مش على الولد بس بالعكس انا من رايئ ان الوم كلة للبنت الولد اسمة ولد انما البنت دا يقلل من كرامتها وقيمتها مع الى بتكلمة ويقول زى ما بتعمل وتتكلم معايا هتعمل نفس الشى مع غيرى الولد ممكن تلومية برضو بس مش نفس نسبة لوم البنت وبرضو انا مع التنين لما قال ان التربية هى الاساس وقلة دينهم وبعدهم عن ربنا لا النت لة استخداماتة مش علشان التسلية والعب بمشاعر الناس


وزى ما بيقولو كما تدين تدان زى ما هو بيلعب بمشاعرها ويتسلى بيها اكيد هيجى اليوم الى دا يحصل مع اقرب الناس لية وهى برضو كدا

وانا قولتها اكتر من مرة البنت سمعة البنت سمعة لما واحد يروح يحكى لصاحبة ويقولة انا اعرف فلانة وبتقولى كذا وكذا دا يبقى كويس ويعرفة هى مين وبنت مين كمان

والله يا جماعة انا بنت اهوة بس بقول ان البنت هى الى بتدى الفرصة للشباب انة يعمل فيها كدا سوءا كان يعاكسها او يضايقها او حتى يتسلى بيها وكل دا باسلوبها وطرية مشيتها وكلامها ولبسها كمان وبرضو الى بتبقى عملاة فى نفسها وهى خارجة من البيت عاملة فرح فى وشها طب فين دور الاهل بقى يا فرحتى البت دخلت الجامعة وكبرت وبقت على وش جواز الكلام دا كلة غلط وفى الاهل بيودى هى داهية ويرجعو بعد كدا يقولو ياريت الى جرى ما كان


ربنا يسترها مع جميع المسلمين امين يارب العالمين

دا رايئى وياريت محدش يزعل منة مفيش احلى من الطريق الحلال الى فى النور والى كل الناس تبقى شايفاه

(اللهم استرنا فوق الارض وتحت الارض ويوم العرض عليك )اللهم امييييييييييين

معلش طولت عليكوا بس فلا دا موضوع جدير ان الكل يتناقش فية

انا اعتقد ان الكلام ف الموضوع ده مش كلام على قاعدة واحدة وواضحة بتقول اننا نلوم ع الشباب ونقول انهم دايما بيتسلو بمشاعر البنات والعكس ان البنت هيا اللى بتتسلى بمشاعر الولد التعميم هنا غلط فيه نوعية شباب بيحبو يتسلو بالبنات وفيه نوعية من البنات بتحب تتسلى بالولاد والنوعيتين بيتعبرو فى نظرى احقر من بعض لان بكدا هعرف ان مافيش تربية ولا فى دين ولا اى اساس ومبادئ اتربو عليهم وانا اذا كنت هلوم فانا بلوم الاهل فين هما من كل ده اليومين دول تلاقى الولد لما يعمل الغلط ابوه يسكت قال ايه هوا ولد وحر ف تصرفاته وليه الحرية فى سلوكه وفى حاجات كتير بصفته انه ولد لدرجة ان المجتمع خلاص بقى بيتعامل مع الولد كأنه سيد مسيد يعمل اللى عاوزه ويقول اللى عاوزه ويمشى مع اللى عاوزها من ورا اهله واهلها والاهل نايمين فى العسل تيجى ع البنت مافيش اى اسس البنت اتربت عليها مافيش حاجة اسمها حياء مافيش حاجة اسمها التزام بالشارع الى انتى ماشية فيه ولا المواصلات اللى انتى راكباها ده اللبس نفسه مابقاش عليه قيود وشروط ولا اى حاجة تيجى للام مثلا شايفة الانسة بنتها نازلة الشارع تقولها ايه ده ده منظر انسه ادخلى حطى على وشك حاجة ؟؟؟؟؟؟؟؟؟؟؟؟؟؟؟؟؟؟؟؟ ايه ده؟ ايه الانحطاط ده بقى انتى المفروض تحافظى على بنتك تقومى معرضاها للقيل والقال والاذى والناس مابقتش ترحم بلاش دى كام مرة الام بتسأل البنت ولا الولد انت صليت الفروض ولا لأه ؟

فعلا الاهل المتديين اللى عارفين الحلال من الحرام دول اكبر نعمة وفخر لاى انسان فعلا دول اللى اقدر اثق فيهم واتحامى فيهم واشيل اسمهم وانا فخورة ان دول اهلى وفى نفس الوقت بنعمل حسابهم فى كل خطوة بنخطيها
انا مش معنى انى بشيل الاهل المسؤلية الاكبر فى التربية والاخطاء اللى معظمنا واقعين فيها ومش لاقيين الى ياخد بايدينا الابناء ليهم دور برضه ف انهم مابقوش صغيرين دول خلاص كبرو والمفروض انهم يتحملو مسؤلية يت وزوجة واولاد ويوم اما يتوفاهم الله ربنا هيحاسبهم على اعمالهم مش على سنهم ياما شباب كتيرة بتموت وبتموت فى سن صغيرة معنى كدا انهم مش هيتحسبو لالالالا دول هيتحاسبو على كل فعل وكل كلمة قالوها من لحظة بلوغهم للحظة وافتهم حتى ولو كانو فى ريعان شبابهم بس للاسف احنا فى غفلة وغفلة كبيرة جداااااااا ومحتاجين اننا نفوق منها
وربنا يهدينا ويهدى شباب المسلمين

انا بصراحه شايفه ان الغلط ع الاتنين طبعا لان فيه كده وفيه كده ومش قادره احدد مين فيهم؟
وانا متفقه معاكو من ناحيه نقص الدين والتربيه والاخلاق وكمان انتشار القنوات الفضائيه والنت وغيره