كيف تحكم علي اخلاق الفتاه ؟؟!

كيف تحكم علي اخلاق الفتاه ؟؟!

لبس الشعوب بأنواعه يعتبر منظر حضاري وتاريخي

فأحيانا يتم التعرف على جنسية الشخص وبلده من خلال ملابسه

ولكن بعد ظاهرة الإنفتاح والعوامل التي أدت إلى جعل الكرة الأرضية كقريه واحده تداخلت الحضارات

مع بعضها وغيرت أزياء وأشكال الملابس .

ولكن ...

هل أصبحت الملابس وسيله لتحديد شخصية الانسان وأخلاقه ؟

الفتاة تلبس قصير=غير شريفه وتهين سمعه مجتمعها

الفتاة تلبس ضيق=غير شريفه وتهين سمعة مجتمعها

الفتاة لبسها واسع=إنها حقا 100%

الفتاة لبسها إسلامي=هذه الفتاة آية من الأخلاق

هل هكذا أصبحت الأحكام الآن .. ؟

وهل هي بنظركم صحيحه .. ؟

وفي نظركم ما هو الزي الاسلامي من غيره ..؟

هل أصبحت الملابس وسيله لتحديد شخصية الانسان وأخلاقه ؟
[i]

هل هكذا أصبحت الأحكام الآن .. ؟
اي نعم لان الناس بتهتهم بالمظاهر
وربنا واحدة هة اللى يعلم البطن
بس مش قاعدة عامة

وهل هي بنظركم صحيحه .. ؟
لا طبعا

وفي نظركم ما هو الزي الاسلامي من غيره ..؟

ان تتوفر فية جميع الشروط الاسلامية ومنها ...ان تكون
واسعة
غامقة وغير شفافة
لا تلفت النظر
وباقى الصفات اللى انتوا عارفينها

بس الاهم من دا كلة الانسان نفسة

ودا رائى ونشوف اية رائيكم

شكرااااااااا لمرورك ياجيجى والتنين

هل هكذا أصبحت الأحكام الآن .. ؟
اة بس مش علشان الناس بتهتم بالمظاهر زى ما قولت ياتنين علشان اصلا المظاهر بتكون نابعة من جوهر الانسان

وهل هي بنظركم صحيحه .. ؟
كل واحد براحتة و مسؤال عن عملة وهوة الى هيتحاسب علية

وفي نظركم ما هو الزي الاسلامي من غيره ..؟
بجد لحد دلوقتى معرفش الناس كل يوم بتغير وجهة نظرها فى الاحترام يعنى بلاحظ ان فى هبوط مستمر

موضوع جرىء منك يا sama وشكرا ليكى

الفتاة لبسها إسلامي=هذه الفتاة آية من الأخلاق

هكذا هى الفتاه التى يتمنى ان يراها كل مسلم وليست فقط الملابس بل والاخلاق ايضا

انا واحد من الناس ديه وبجد المظاهر بتكون نابعة من جوهر الانسان!

فلو البنت تم تربيتها بطريقه صحيحه لن تفعل ما يغضب الله ويجذب النظر اليها وتكون سيرتها بين كل الناس

صح ولا لا !

تمام صح ياسفير الغرام

شكرااااااااا لمرورك

فلو البنت تم تربيتها بطريقه صحيحه لن تفعل ما يغضب الله ويجذب النظر اليها وتكون سيرتها بين كل الناس

انا معاك ياسفير فى كلامك دا بس مش قاعدة عامة
او جزء منة صح وجزء منة غلط

يعنى مثلا ممكن تلاقى بنت لبسة مثلا مش محترم ودا الظاهر للناس واهلها مربينها كويس جدا
و من جواها بتكون انسانة محترمة وليها مبادئ وقيم وعلى درجة من الاخلاق

وبردة فى بنت بتلبس لبس محترم وزى محتشم زاى ما بيقولوا بس اهلها مش مربينها كويس
و من جواها مش محترمة و كذلك قليلة الادب ومعندهاش اى مبادئ ولا قيم

وللاسف دا اخطر على المجتمع من اللى ظاهر
لان كدة البنية التحتية للاخلاق والحاجات التانية اللى بلاش نقول عليها تكاد تكون محطمة
يعنى لا يوجد اساس للمجتمع

ودا رائى

معاك يا تنين فى بعض الكلام ومش كله

ممكن تلاقى بنت لبسة مثلا مش محترم ودا الظاهر للناس واهلها مربينها كويس جدا
و من جواها بتكون انسانة محترمة وليها مبادئ وقيم وعلى درجة من الاخلاق

يا صاحبى اسمع ديه قاعده عامه لو البنت محترمه ومتربيه عمرها ما هتعمل اللى انت بتقول عليه ده صح ولا لا

ده مش رايى لوحدى

اوك يا سفير

بس فى ظروف بتحكم على البنت تكون كدة
يعنى مثلا اهلها بيكون من مستوى عالى اجتماعيا وماديا
وبيكون المظهر عندهم مختلف شوية عننا

وهى بتكون متربية كويس جدا
بس المظهر هو اللى مختلف

بدليل على كدة دكاترة الجامعة

وارجع اقول مش قاعدة عامة على كل البنات
ولكل قاعدة حالات خاصة
ولازم تكون فاهم كدة
ودا مش رائ لوحدى

معلش ياتنين ف التعليق ع ردك
المستوى يختلف ف كل شئ لكن المبادئ مبتتغيرش
يعنى تختلف ف المعيشة والرفاهية بس اللبس
والاخلاق مبادئ نابعة من جوا الانسان
لازم يسال نفسة هلبس كدة لية مش البيئة الى تفرض علية

تقبل مرورى وشكرا ليك

وشكرا ليكى ياسما ع الموضوع الجامد دة

انا معاك يا سيمبا فى رائيك
بس عايز اقولك على حاجة
ان الناس كلها مش زاى بعض ولا نظرتها للامور زاى بعض

ثانية لو انت غنى يا سيمبا حياتك مش هتبقى هى هى لو انت فقير
يعنى لو انت ابوك وزير طريقة حياتك وتفكيرك ولبسك واكلك حتى بيتك هيكون هو هو لو كان ابوك موظف عادى زاى بقيت الناس

متهايلى الوضع هيختلف
بس بردة قاعدة مش عامة

حتى المبادئ نفسها بتتغير من شخص لاخر
وعايز اقولك على ابسط مثال شوف البنت فى القاهرة واسكندرية وشوف البنت فى المنوفية
هتلاقى فرق فى التفكير واللبس وحتى طريقة الكلام بتختلف

وعايز اقولك من الحاجات اللى بتغير الواحد للاحسن او الاسوء
الظروف المحيطة بة

اصل الواقع خلاف الكلام
ودائ رائ

شكراااااااا ياسيمبا والتنين

خلاص انتوا وصلتوا فى النهاية ان الواقع خلاف الكلام ومش اللبس بيحكم على اخلاق البنت

بترجى منكوا لما تشوفوا اى واحدة لابسة مش متدين متظنوش انها مش محترمة ومش عاوزة تتغير ممكن تكون عاوزة تبقى احسن بس ظروفها وبيئتها مش مساعداها زى البنات اللى التنين وضحهم بتوع مثلا بعض بنات القاهرة واسكندرية ودى النقطة اللى اللى عاوزة اوصلها

شكرا يا سما على الموضوع

وانصح كل شاب وكل فتاء
لو عمك جة واخد عقد الشقة بتاعتكم وضربك على افك
بوس ايدة شعر ودقن

وعايز اسمع اغنية سيد الحنانة يا حنانة انت
وعلى رائ تنت سمسمة

وما الدنيا الا ماسنجر كبير
ههههههههههههه

ههههههههههههههههههههههههههه اتيه اتيه انت بتقول شعر ولا ايه يا تنين

ههههههههههههههه
اثر الصيام بقى

» الظروف تحكم...؟؟؟؟؟
» مبادئ تحكم التسويق الدولي
» الفتاه التى سحرت العالم بجمالها
» من يلعب بمشاعر الشخص اكتر الشاب ام الفتاه؟
» الفتاه التركيه التى ابكت معظم الفنانين وعمرو خالد