موضوع للنـــــــــــــــــــقـــــــــــــــــــــــــــــــــا ش

اولا كدة الموضوع الى انا طارحة للنقاش دة مش فكرتى انا

دة فكرة احد الاعضاء الى معانا هنا فى المنتدى وبالاخص فكرة العضوة ( سما ) انا كنت اتكلمت معاها فى الدردشة

وكانت بتقول انها بتعمل بحث للكلية مطلوب منها

وهيا اختارت تعمل البحث بتاعها فى الموضوع دة

( دور الاسرة فى انحراف الابناء )

وانا بصراحة الفكرة دى عجبتنى جدا جدا جدا

علشان دة بجد موضوع حيوى جدا وموضوع شائك ومهم والكل بيعانى من الموضوع دة حاليا

فانا بصراحة حبيت اعمل عنة موضوع ونتناقش فية ونشوف ارآء الناس وافكارهم المختلفة فى الموضوع دة

فياريت كلنا نتناقش بجدية شديدة فى الموضوع دة

علشان نقدر نتوصل لحل يرضى غرورنا

علشان طبعا المشكلة دى صعبة ومعقدة ومش هنقدر نحلها

بس احنا ممكن نرضى غرورنا ونحاول نفكر فى حل للمشكلة دى من باب الفضول

يعنى علشان لو حد مقرب لينا وقع فى مشكلة زى دى نقدر نحلها او نبين لة وجهة النظر المختلفة الى احنا هنشوفها من ارآء الاعضاء

اتمنى ان الفكرة تنال اعجابكم

واتمنى ان احنا نتناقش فيها بكل جدية بعيدا عن روح المرح الى احنا متعودين عليها

وشكرا ليكم

موضوع مفيد بجد يا برنس وانا لية اصحاب واقارب بيعانوا من المشكلة دى

بس اية عناصر الموضوع اللى احنا هنتكلم فيها
علشان نعرف نقول رائينا فيها بصراحة

وانا منتظر اى حد يبتدى فى الحوار وانا معاكم ان شاء الله

وبجد موضوع حيوى وبيناقش اجتماعيات كتيرة

احنا فعلا محتاجين نتناقش فى الموضوع ده بجد الموضوع جميل جدا ولازم نتكلم فيه بجد بس حقيقى على راي التنين لازم يكون فيه عناصر للموضوع عشان نعرف نتكلم فى كل نقطه وشكرا على الموضوع ده يا برنس انت وسما

يا جماعة عادى

احنا الى هنتكلم وهنتناقش

يعنى كل واحد شايف جانب او عنصر فى الموضوع دة يتكلم عنة براحتة وبوجهة نظرة

يعنى حدث ولا حرج

كل الى شايف اى حاجة تتعلق بالموضوع دة يكتبها ويوضحها لينا

اية الاسلوب والموضوع الجاااااااااااااامد دة يابرنس بس فكرة لذيذة

على العموم الهدف من الموضوع دة ان احنا نوصل لحل فى المشكلة دى على الاقل علشان نشوف الغلط والعيب فينا ولا فى الاباء ونعيش معاهم حياة مستقرة بقى

وان شاء اللة هنحدد النقطة الاولى فى المشكلة دى وياريت كلنا نشارك

جميل قوى يابرنس ممكن اقترح نقط
1-اسس التربية للولد اية الغرض
2-المعاملة للاطفال وكذلك الشباب
3-الفلوس المبذرة التى يمتلكها الولد ولا حس باى تعب
4-حرية تصرفة فى الراى الاسرة بتتعامل مع التصرف دة ازاى
5-الاعتماد على النفس ولا زى حمادة عزو
طبعا دة مش كل حاجة بس قلت نفتح الموضوع شوية
وشكرا بجد يابرنس

اية ياسيمبا دة اتكلم بتلقائية شوية انت محسسنى انك بتكتب موضوع انشا مش نقااااااااااااش خالص

على العموم احنا هنبدأ الاول بالحاجات اللى بتضايقك فى والديك يعنى تقول شى واحد $ايقك فيهم
وكل اللى بعديك يحاولوا يبرروا الشى دة على اد ما يقدروا علشان منكنشى منحازين وبنشتغل على طرف واحد وانا على قد ما اقدر هدافع عنهم وهحاول اقنع اللى هيقول الشى دة

اية رايكم وبعد ما نخلص دة نشوف جانب تانى نتكلم فية

شكرا ليك يا برنس على الفكرة الجميلة ديه
وشكراليكى انتى كمان يا سما ( الموضوع احلى )
هو الموضوع كبير جدا وله نواحى وجوانب كتيرة عشان نتكلم فيها
بس عشان سما حدد فكرة نتكلم فيها الاول وهى الحاجات اللى بتضايقك فى والديك
انا الحمد لله مفيش حاجة بضيقنى فى بابا وماما
بس انا بشوف فى ناس كتيرة بكون مفيش اصلا ترابط بينها وبين والديه
يعنى لو حد من الاولاد حصله حاجة ممكن الوالدين ميكونوش فى بالهم
وده بيخلى الاولاد يكرهوا الوالدين عشان مفيش حنان ولا عطف اللى مفروض يكونوا هم مصدره
وكمان ممكن القسوة اللى الاولاد يبلاقوها فى والديهم تخليهم يعملوا اى حاجة مش صح
فى كمان اولياء امور ممكن تكون مفكرة ان الدلع زيادة عن اللزوم بيكون كويس
بس هما ميعرفوش انهم بكده بيدمروا اولادهم وبيقضوا عليهم
يعنى تلاقى كل طلبات ورغبات الاولاد مجابه قولولى انتوا بالشكل ده الواحد
ممكن يعتمد على نفسه ازاى ويكون شخص صالح
مش معنا كده انا اقصد ان الاولياء مش يجيبوا الحاجات اللى اولادهم عاوزنها
بس يبقى فى اعتدال وتوسط فى كل حاجة

بس بعد ده كله احنا مش عاوزين نحمل الاولياء كل المسؤليه فة انحراف اولادهم
الاولاد نفسهم عليهم عاتق كبير عشان تحفظوا على نفسهم
وربنا يسترها معانا كلنا ويبعدنا عن الانحراف والطريق اللى مش مضبوض

وانا بشكرك يا سما انتى والبرنس على الفكرة الجميلة ديه
بصراحة انا اول مرة احس ان المنتدى الترفيهى له لزمة كده

اولا بشكرك يامايسة على مشاركتك الجامدة دى

ثانيا انتى بتتكلمى ان الولاد مبيعتمدوش على نفسهم بسبب ان الاباء مخلينلهم كل حاجة متاحة
طب انا معاكى فى دى بفرض ان الاباء سور مش بيفهموا حاجة
فاالابن بعد ما يبلغ اعتقد مفيش حاجة تمنعة انة يفكر بغقل ويعدل الغلط اللى والدية كانوا عملينوة خلط اصل الابن مش متخلف يعنى كل حاجة يقول بابا وماما السبب
طب ما انت كبرت ومخك كبر طب متعدل اللى كان خلط واعتمد على نفسك بقى

ولا اية

كلام جميل والله يا مايسة طبعا مش كل المسئولية على الوالدين بردة فى جزء على الانسان نفسة

انا ممكن اتكلم على نقطة مهمة جدا وهى ::تهميش دور الشباب وإحساس الشاب بالغربة وسط أهله.

فى بعض الاسر بتحسس ابناءهم او بعض اولادهم ان هما ما لهومش راى فى البيت وان رائيهم ما لوش لازمة
ودى بيخلى الشاب مننا او البنت بتحس ان هى ما لهاش قيمة او فايدة فى البيت فتحاول تخرج برة البيت
ولما بيقابل حد برة يفهمة بياخد كل وقتة ويديلة اهتمام وبيتكلم معاة فى كل حاجة تخصة بدل ما يتكلم مع حد من اخواتة او ابوة وامة
فا دة بيجعلة يخرج برة وما بيديش اى اهتمام باسرتة ولا بيسمع لكلامهم لانهم مش بيسمعوة ولا بيخدوا رائية فى حاجة

فلازم على افراد الاسرة ان هما يخدوا رائية فى المواضيع اللى تخص البيت حتى ولو مش هيعملو بيها بس على الاقل يديلة فرصة يعبر عن نفسة ويعرف مدى تفكير ابنهم

ودى وجهة نظرى وفى حاجات كتيرة عايز اقولها بس نبقى نكمل بعد ما نشوف راى الناس

ودى بعض الاسباب اللى ممكن نتكلم فيها

1 - ضعف الوازع الديني.

2 - ضعف التربية والرعاية من قبل الوالدين.

3 - أصدقاء السوء وشِلل الإجرام والفساد.

4 - تهميش دور الشباب وإحساس الشاب بالغربة وسط أهله.

5 - الترف الزائد.

6 - الفراغ القاتل.

7 - حبّ الشهرة والثراء السريع.

8 - سن الشباب الداعي إلى المراهقة والمغامرة.

9 - وفور الشهوة وطغيان الغريزة مع صعوبة الزواج.

10 - الإستعداد النفسي للانحراف.

11 - ضغوط المجتمع وعدم وجود بيئة صالحة.

12 - طول الأمل ونسيان أن أغلب من يموت من الشباب.

ويلا يا جماعة كل واحد يقول رائية

وجهة نظر مظبوطة

بس ياجماعة بردو وجهة نظرى موصلتلكوش

انتو فى الحالتين بتلفوا حولين نقطة واحدة
وان الوادين يهتموا بابنائهم ويخدوا رايهم ويحاولوا يعملوا ترابط بين اولادهم

طب انا بقول هما معملوش كل دة اصل مش كل حاجة عليهم زى ما بتقولوا
ومش متفتحين شوية

اية العمل والواجب على الابناء فى الوقت دة اكيد مينحرفوش يعنى ويبقى حجتهم ان مفيش حد من البيت مهتم بية
ياريت يكون حد فهمنى

انا مش معاكى يا سما
ده قليل لما بيحصل
يعنى لو الاب والام دايما يقولوا لولدهم مثلا انهم مش
هيعرفوا يعملوا الحاجة ديه وهما لسه صغنين هيتعلموا بعد ما يكبروا مثلا
يعنى الاب دايما يقولول للولد انت لسه صغير متعرفش تشترى ده ومينفعش تتكلم مع ده
ده ممكن يكون خوف من الاب على والدهم وهو من غير قصد كده يخلى يبعد عنه ويحاول يعمل من وراه كل حاجة سواء كانت كويسة او وحشة وفى الاخر نقول ياريت اللى حصل ما كان

وبرده فى ناس بعد ما تكبر بتعرف تسيطر على نفسها ونعمل اللى مكنتش بتعمله صح
بس انا بعتقد ان الناس ديه قليلة
يعنى التربية هى فى الاول والاخر عليها عاتقها

ولا انتى رايك ايه ؟

فهمتك شوية يامايسة
بس برضو ياجماعة محملين الاباء حجم كبير اوى
ما احنا لازم نساهم شوية فى كل حاجة حتى لو كانوا غلطانين مش كل حاجة عليهم يعنى

ونرجع نقول
ليس الفتى الذى يقول هذا ابى
وانما الذى يقول ها انا ذا

والله الموضوع جميل بس انا هرجع اتكلم فيه بعدين عشان الوقت ضيق حاليا بس ليا عودة
ان شاء الله وشكرا يا برنس وشكرا يا سما

» موضوع هاااااااااااااااااااااااااااااااااااااااااااااااااااام جدا
» موضوع هام جدااااااااااااااااااااااااااااااااااااااا
» موضوع عن رمضان
» موضوع مهم لكل الاعضاء
» أشـــعــــــل شـــمـــعــــه.... وأطــفـــئ شـــمـــعــــه