ايااااااااااااااام

--------------------------------------------------------------------------------


السلام عليكم و رحمة الله و بركاته


اعضاء المنتدى الكرام صباح الفل


موضوع جميل جدا كان لازم نتكلم فيه من زمان !!



طبعا معظمنا دخل مدارس ابتدائيه !




و ممكن برضه يكون فيه ناس دخلت مدارس اعدادى





و منها على الثانوى




و كلية كمان !





و احلى ذكرياتنا كانت فى المدارس دى



الموضوع ده

موضوع مفتوح ... كل واحد مننا يقول لنا المواقف اللى حصلت
معاه فى المدرسه او الكليه او رياض الاطفال حتى


كل واحد يقول المواقف السعيده
و المواقف اللى مش سعيده




الكل يحكى و يقولنا هو كان ازاى




مستنياكم !!


و اوعدكم بحاجات جميله اوى !

ع العموم زمااااااان اوي


كان عندي 6 سنين او اصغير شويه


وانا فى البيت كنت بتغاظ اوي من العيال اللي بتلعب تحت بيتها


ف كنت بقف ف البلاكونه واجيب اكياس و املاها مايه


واللي يعدي من تحت البلاكونه


اقوم


طخخخخخخخخخخخخخخ


فوق دماغه

طبعا مش عايز اقولكم ان مره واحده بس جت ف العيال


وبقيت المرات انتو عارفين بقي


وايه ؟ طابور شكاوي مني كل 5 دقايق حد يطلع


يقولها البنت اللي عندكم دا بيحدف علينا مايه !!!!!!!


وانا طبعا الطفلة البرئ


اللي يسألني

اقوله انا ؟؟؟؟؟؟؟

انا قاعدة ع السرير وبلعب ب العجله


مش بدخل البلكونه خالص


ف يفتكروا مين ؟ ولاد عمى


ساكنين فوقينا


لحد بقي ما ف مره واحد ماشي ف الشارع


قمت حادفة عليه كيس مليان علي اخره مايه


ومقولوكوش بقي


ع اللي حصلي من ماما


كلت حته علقه


عشان دي المره الوحيده اللي معرفتش انكر فيها و اقول انا ؟؟؟؟؟؟؟؟؟


ليه بقي ؟


عشان اللي حدفت الكيس عليه كان












عمي

ههههههههههههههههههه

ههههههههههههههه

حلو الموضوع يا سما

هو الواحد فاكر اكل اية امبارح

هية زكريات الطفولة دى تتنسى ابدا
طب انا هقول على حاجة مرة حصلتلى برضو
فى تانيه اعدادى كنت انا رئيسة الفصل . و كان الغياب بيكون معايا
و المدير بيبعت حد يلم الغياب كل حصه و كده

المهم كان فيه مره مناسبه مش عارفة ايه كده
و قالو ان يوم الاربع و الخميس هيبقو اجازه و كده

روحت انا مبسوطة اوى و روحت جاىة ماسكة القلم و قعدت اشطب
و اشخبط على مكان يوم الاربع و الخميس فى الغياب
و كنت برسم بقلم فلوماستر كمان

ماهو الاربع و الخميس اجازه بقى
و مكانهم فى الغياب بيتكتب اجازه و كده

و عمالة اكتب بطول الصفحه .. اجااااااااااااااااااااااااااازه
و ارجع تانى اكتب بعرض الصفحه .. اجاااااااااااازه

ماهو اجازه بقى



و مش عارفة حصل ايه كده

و دخلو قالولنا بكره الاربع .. دراسه عادى خالص و كمان الخميس دراسه
و مافيش اجازه!



هههههههههههههههههههههههههههههه
هههههههههههههههههههههههههه


انا جاتلى صدمه عصبيه هستيريا اول ما عرفت ان اليومين مش اجازه

و بقيت يا عينى افتح الغياب و ابص فيه .,
الاقى انى شخبطت على كل حته فى مكان اليومين


يا خرااااااااااااااااااااااااابى

و طلع الاستاذ بتاع الغياب .. و بص فى الغياب كده
و قال فين رئيسة الفصل


هههههههههههههه
قصده عليا
فقومت

قالى ايه اللى انتى عملتية ده .

لا و ايه انا لما شخبطت كمان فى الغياب
مضيت تحت الشخبطه و كتبت اسمى .. ماهو اجازه بقى !


هههههههههههههههههههه
ههههههههههههههههههه


بصو يا جماعه

الراجل ده بيفوت كل يوم على الفصول يضرب اللى كان غايب
4 عصيان جامدين


ما بالكو بقى بواحدة بوظت له غياب يومين !


!!!!!!


يا لهوى ..

ده انا فى اليوم ده شوفت العجب !


هههههههههههههههههههههههههههه



ايام !

عينيا مفيش اكتر من بلاوى الثانوى

ههههههههههه

شقيه ياسما قوى بس جامد
هافتكر واقولكوا

هو الموضوع جميل جدا بس مفيش حد يقدر يقول على موقف مش سعيد فى الابتداى علشان اعتقد انها كلها مواقف مش حلوه خاااااااااااالص انما بنسبه للاعدادى اعتقد لمعضم الشباب حاليا انه كان عايز يكام بنت وحلقتله ( نفضتله يعنى ) بنسبه بقى للثانوى فى حجات كتير فى الثانوى زى النتيجه واكتر موقف بقى انه يبقى ماشى مع بنت وتنفضله

وبجد بجد الموضوع ده جاااااااااااااااااااااااااااااااااااااااااااااااامد كيك كيك كيك

محدش هيقول اى حاجة من زكرياتة ياجماعة
فقدتوا الزاكرة ولا اية

اقول على حاجة من ايام الثانوى ولا حد هيقووووووووول

معلش بقى الزهايمر مالى البلد اليومين دول الحقى استخبى بقى

اقول لكم موقف فى خمسة ابتدائى
كنت فى درس مخطلط وكنت انا اوصحابى بنلعب مع البنات وفى مرة حصل مشكلة بنا وبين البنات فقالت لينا الابلة لازم تصالحو البنات فقمنا بتشكيل لجنة من الاولاد انا من ضمن هذة الجنة وبعد الدرس مشينا وراء البنات علشان نصالحهم بس اول يوم معرفناش نصالحهم بس تانى يوم البنات قالو للاستاذ جوز الابلة واحنا منعرفش وبعد الدرس مشينا وراهم تانى بس المفاجاة الاستاذ كان ماشى ورانا وبعد شوية اتصدمنا عندما مسكنا الاستاذ واخذنا الى مكان الدرس وعينك متشوف الا النور قال حمدكم على رجليكم وواحد من زميلنا سمع الكلمة دة وهاتك يا .......
واحنا عمالين........
وشكراااااااااااااااااااااااااااااااااااااااااااااااااا

احسسسسسسسسسسسسسسسسسسن علشان تسيبوا البنات فى حالهم

انا افتكر يوم مكنت هاخد طرد من المدرسه تلات ايام فى اول اسبوع

ههههههههههههههههههههه


كنا بنهزر انا وزمايلى وبنحدف بعض بالشنط وكان اليوم المشؤم ده لسه مستلمين الكتب اوله ثانوى بقا كتب هم ما يتلم

وتقع الشنطه من الدور التالت على مراية العربيه بتاع الابله عندنا
وتنكسر

والمدير راسه بالف سيف لازم نصلح العربيه

وكنا خلاص هناخد الرفض او الطرد لمده تلت ايام بس الابله طلعت جدعه وتنزلت عن المرايه


يعنى كنا هنقضى اول اسبوع فى الثانوى نصه فى المدرسه ونصه فى البيت