تزين الكيك والتورتات

وهذه تورته اخرى عملتها ايضا عند والدتى
الحشو
كريمه الشيكولاته ال$اء
مقادير الحشوه
عشر قطع جبنه كيرى وومكن استبدالها بعلبه فلادلفيا
ربع كوب لبن
كوب الا ربع شيكولاته $اء مبشوره
(للاخوات اللى فى مصر اكيد عارفين
محل درب البرابره او محل العتبه اللى بيتباع فيهم الحلويات الخام
والشيكولاته وكل شئ لعمل التورتات والحلويات)
الطريقه يسخن اللبن ويضاف اليه الشيكولاته المبشوره
ونتركها تسيح وتبرد تماما تماما
وبواسطه المضرب الكهربائى نضرب كل المكونات السابقه جميعا ونضعها فى
التلاجه ربع ساعه قبل التغليف والتزيين اسفه صور طريقه الحشو اتمسحت بس
اعتقد الطريقه واضحه وسهله

طبعا عملت الكيكه وقسمتها وحشيتها مثل الطرق السابقه وغلفتها كمان وده التزيين





ووضعت فى الجوانب شيكولاته فارمسيل وكريمه هكذا



تورته بحشوه الأيس كريم

زى ماقلت التورته دى تنفع
المبتدئات وكمان تنفع لو عندك كيك بايت او عملتى كيكه وباظت منك فى الفرن
مرتفعتش او هبطت او او اى سبب لفشلها
انا كان عندى كيكه باظت منى فى الفرن وده طبعا شئ وارد انه يحصل وده شكل الكيكه



واضح جدا انها مش مظبوطه فطبعا مرمتهاش عملت بيها ايه؟؟؟؟؟؟؟؟؟؟؟؟؟؟؟؟
اولا جبت نفس الصينيه اللى غملت فيها الكيكه
وبطنتها بالبلاستيك الشفاف ووضعت فيها حلقات اناناس


وجهزت ايس كريم ثلاث
اكواب كبيره انا استخدمته بالفانيليا وتركته يسيح الا حد ما يعنى خرجته من
التلاجه نصف ساعه تقريبا قبل العمل علشان يبقى سهل معايا ووضعت جزء منه
على الاناناس هكذا



وبعدها وضعت فواكهه





طبعا نوع الايس كريم او الحشوه متروك ليكى اختى الكريمه

ثم وضعت جزء من الكيكه قطعتها بنفس الطريقه اللى ذكرتها قبل كده
وشوفو كانت مفتته بس عادى لانها ستجمد مع الايس كريم


وبعدين وضعت ايس كريم مره اخرى وفواكه وهكذا


وطبقه اخرى كيك وهكذا ثم نغلق البلاستيك الشفاف عليها ونتركها بهذا الشكل فى التلاجه اربع ساعات مثلا




وبعد ذلك نضع طبق التقديم فوقها ونقلبها وبعدين نشيل الصينيه وننزع البلاستيك عنها معلش صوره الخطوه دى اتمسحت منى عموما ده شكلها



لو تلاحظوا انا عملت ايه
وضعت عالجوانب فارمسيل لزقت الى حد ما ووضعت داخل كل قطعه اناناس قطعه
كريز وومكن تضعى فراوله وزينت بالفارمسيل ايضا وده شكلها من فوق



ودى قطعه منها


قد ايه سهله وبسيطه وومكن تعمليها باى شكل انتى عوزاه وممكن تستبدلى الايس كريم بالكريم شانتيه او اى نوع كريمه
هنا انا غيرت شويه فى شكلها

وضعت فى النص فراوله واتبعت نفس الخطوات السابقه بالظبط





وده شكلها بعد ماقلبتها



ايه رأيكم بقى يا بنات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اتمنى تكون عجبتكن

نأتى الان لتورته اخرى بحشوه مختلفه وهى

تورته بحشوه كريمه الزبده بالشيكولاته


كريمه الزبده كريمه لذيذه
وبتدخل فى كتير من التورتات كحشو وتزيين طبعا هى دسمه الى حد ما بس انا
بحبها جدا جدا طبعا نجهز كيكه شيكولاته زى ما عملناها فى اول الملف

انا حبيت اعمل تزيين
مختلف للتورته من اختراعى وطلع رائع عملت ايه جبت شيكولاته خام مبشوره
حوالى كوب ونص ووضعتها فى قدر استانلس وبعدين وضعتها فى طاسه بيها ميه
وسيحتها على حمام مائى هكذا



وبعدين جبت ورق الزبده ووضعت عليه الشيكولاته



ووزعتها بملعقه فرشتها عالورقه هكذا



وتركتها حوالى خمس دقائق
فى الرف تحت الفريزر تتماسك فقط ولكن لا تجمد حتى يسهل تقطيعها هكذا انا
استخدمت شكل النجمه طبعا ننزعها بخفه وبشويش حتى لا تتكسر لانها حتكون لا
زالت لينه




وبعدين نتركها تكمل تجميد فى التلاجه



ونأتى لعمل الحشوه
مقاديرها

ثلثين كوب سكر بودره منخول تلت مرات
كوب زبده لينه وليست سايحه
ربع كوب لبن لتليينها
فانيليا
2 ملعقه كاكاو باودر كبيره
وممكن تبقى بدون كاكاو على حسب الذوق

نخفق الزبده الى ان تتحول للشكل الكريمه



نضيف السكر البودره على مرتين ونخفق ثم نضيف الفانيليا والكاكاو واللبن ونخفق جيدا الى ان يتحول الخليط للشكل الكريمى المتماسك



نتركها فى التلاجه ربع ساعه تتماسك وبعدين نقسم الكيكه ونضع جزء من الكريمه ونا اضفت حبوب الشيكولاته فيها هكذا




نغلق الكيكه والجزء المتبقى من كريمه الزبده نضيف عليه كوب كريمه مخفوقه مسبقا ونقلبهم معا ونغلف الكيكه ونبدا بتزين الجوانب هكذا








نسيت اقولكم ان بعد ما
الشيكولاته النجوم بردت عملت نقط عليها من الشيكولاته ال$اء وتركتها
تجمد ايضا وبدأت فى وضعها فوق التورته هكذا





بس بعد كده حسيت انى لو
وضعت عليها شيكولاته حبيبات حتبقى افضل فرجعتها المطبخ تانى ووزعت عليها
الشيكولاته هكذا ايه رأيكن مش كده احلى

ايه الجمال ده
شكرا على مجهودك

الشكر لله

دى حاجة بسيطة مما لديكم

ما شاء الله
تورتات جميلة
شكرا ليك يا تنين
وبعدين دة مش جديد علينا منك
احنا اتعودنا انك بتجيب لينا كل حاجة جميلة وتفيدنا

موضوع جميل اوى

وتورتات اجمل

شكراااااااا

الموضوع هايل بجد
مرسي علي مجهودك
بالصور اجمل بكثيررررررررررررررررررررررر