طرق مختلفة عشان تنكدى على جوزك و تقرفيه فى عيشته

جايبلكم يا بنات طرق مختلفة عشان تنكدى على جوزك و تقرفيه فى عيشته

1. اظبطى المنبه من بالليل على ميعدا متأخر عن ميعاد شغله يعنى لو المفروض يكون فى شغله الساعة 8 اظبطى المنبه على 8 الا ربع عشان يروح متأخر و يأخدله كلمتين فى جنابه

2. لما يصحى للشغل اعملى نفسك نايمة عشان ينزل من غير فطار

3. لو صحاكى بالعافية و قالك اعملى شاى
تروحى بسرعة و تقفلى محبس الميه و قوليه بما أن مفيش ميه يبقى مفيش شاى

4. و لو صحاكى بالعافية و قالك اعملى فطار عشان جعان
اتلكعى لحد ما يتأخر على شغله و قوليه مفيش وقت ابقى هات ساندوتش فى الشارع (طبعا فى خباثة انتى عارفة ان مفيش حد فاتح الصبح(

- 5 اتصلى بيه فى عز شغله و قوليله على حاجات كتير قوى انتى عايزاها عشان الأكل
(و حاولى تكون الحاجات دى مكان وجودها بعيد أوا مش موجودة فى المنطقة)
و بعد أما يدوخ و يجيب الحاجات دى كلها و يروح ع البيت قبل ما يقعد ع الكرسى قوليله ( أخ نسيت أقولك تجيب طماطم عشان السلطة و دقيق عشان السمك و شامبو عشانى بس كده

7- حاولى تنزليه كتير عشان ينهد حيله

8- احجزى مكانك قبليه فى التليفزيون و هاتى اللى انتى بتحبيه و حاولى تكون مسلسلات مملة
أو أغانى هبلة أو فيلم كرتون عشان يجيله شلل أطفال

9- حاولى تشفرى قنوات الرياضو و الأخبار و ما تخليش الا اللى انتى بتحبيه

10- لما ييجى من الشغل اتلكعى فى عمل الأكل عشان يموت من الجوع و ياريت تحرقى الأكل و تقوليه ( أنا آسفة يا حبيبى غصب عنى الأكل اتحرق و لو كنت جعان روح هات أكل جاهز ) و ده عشان يدفع فلوس كتير بدل ما هو حاططهم على قلبه

11- و لما يحب ينام العصر شوية عشان هو راجع تعبان شغلى بسرعة أغانى عالية أو أعملى أى حركة فى الأوضة و ولعى النور كل شوية بأى حجة عشان ما ينامش

12- و لما يقعد معاكى اقعدى احكيله عن أى حد و ارغى معاه عشان يصدع و مخه ينفجر

13- و لو قعد يوم أجازة عشانك خديه و روحى عند مامتك أو عند أى حد من أهلك و لو مرضاش روحى لوحدك بحجة انهم حالفين عليكى
أما لو مرضاش و صمم انك تقعدى معاه تقومى بكل خباثة و تعزمى أى حد عندك بس يكونوا كتير و لما ييجوا قوليله بكل براءة ( ما قالوليش انهم جايين دول حبوا يعملوها مفاجأة)

و كل لما يحبوا يمشوا اعزمى عليهم يقعدوا كمان شوية ان شا الله حتى يباتوا

و بكده جوزك حيروح ينتحر و تبقى خلصتى منه

تحياتى للجميع

واى خدمة يا بنانيت

اى واحدة تروح للماذون انا مش مسئولة

مع تمنياتى بحياة زوجيه سعيييييييدة

ربنا يعينك على الاذى ده لو حد سمعك كلامك يتخرب بيته فى اقل من اسبوع
هههههههههههههه
بلاش المواضيع اللى بتحرض على الاضراب دى

هههههههههههههههههههههههههههههههههههههههههههههه

لا موضوع جامد جدا

ربنا يجعلك دايما من ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ههههههههههههههههههههههههههههههههههههههههههههههه

انا بهزر اوعوا حد يعمل كدة الا لو جوزك كان منكد عليكى يبقى يستاهل

gege كتب:

انا بهزر اوعوا حد يعمل كدة الا لو جوزك كان منكد عليكى يبقى يستاهل

تغرقيهم وتلحقى نفسك
اراكى ذكيه
مقدامه على فعل الخير

طبعا من الجنس ده يعمل الخير لبعضه

اتصلى بيه فى عز شغله و قوليله على حاجات كتير قوى انتى عايزاها عشان الأكل
(و حاولى تكون الحاجات دى مكان وجودها بعيد أوا مش موجودة فى المنطقة)

انتى يابنتى متعرفيش تنزلى مواضيع غير من النوع دة

اية دة

غيرت اهه