الفرق ما بين جهاز الولد والبنت

طبعا الكلام ده بينطبق على نسبة كبيرة مننا وتابع معايه الفرق ما بين جهاز الولداولا جهاز البنت
من النظرة الاولى من بعيد للشكل العام للجهاز
تلاقى الجهاز نضيف ومرتب وحواليه دباديب او عرايس او لعبها وتلاقيها لازقة عليه صور فراشات او صور رقيقة وقلوب وحجات كلها دلع ورقة وتلاقى كرسيها نضيف وسليم وشكلة حلو ومحطوط بشكل صحيح ادام المكتب
تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة
تقلب فى الملفات تلاقى اسماء الملفات عندها جميلة زى
صور اطفال
صور فساتين
صور موضة
افلام رومانسية
اغانى عاطفية
تفتح الهيستورى بتاع الجهاز تلاقيها كانت مشغلة حجات زى
فيلم تيتانيك
مواقع نكت
مواقع موضة
قهوة كتكوت
اغنية تملى معاك
اغنية بهواك
مواقف كوميدية
تفتح الميل بتاعها تلاقيها حاطة نك نيم رقيق زى
بنوتة شقية
دلع
حبوبة
حب عمرى
لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش
تيجى تشم ريحه الجهاز تلاقى رحتة برفان جميل
ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شوددوان وتسمع نغمة رقيقة والجهاز بيقفل
نخش على اجهزة التماسيح
من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة
تلاقى الكيسة مفتحه من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدو
الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطافية فى كل حته من الجهاز
وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو
يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة
تعدى كل ده وتبتدى الويندوز تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية حنش او جمجمة مرعبة او صورة غريبة ليه هو واصحابة تفكرك بالمخلوقات الفضائية الى جاية من عالم غريب
تدخل تقلب فى الملفات تلاقى اسماء الملفات غريبة وعجيبة
حشحش
دحدح
بتنجانة
صور معيز
صور حوادث
مصارعة
و 70% من الملفات هتلاقيها تحت سلسلة اسماء
New Folde11
New Folde12
New Folde13
New Folde14
New Folde15
الى ما لا نهاية
تفتح الهيستورى بتاعه تلاقى اخر حجات شغلها زى
ساو 3
ديد سيلنت
اغنية البلح البلح
صور مصارعين
كليب بوس الواوا
اسماء مواقع تخاف اصلا تخشها
نكت حشاشين
تفتح الميل بتاعه تلاقيه حاطط نك نيم يرعب البنات
الشيطان 10
البجح
سفاح المعيز
المحشش
كمبورة
عاشق الموت
لو دققت فى تاريخ تسطيب الويندوز ممكن تلاقيه مسطبها قبل متيجى بساعتين
طبعا ريحه الجهاز هتلاقيها شبة متور العربية المحروق
ولما يجى يطفى الجهاز لو فاتح ايه ميقفلهمش واحده واحده لا شد ام الكابل علطول من غير تفاهم اكنه بيعزب كافر
لانه طبعا ميعرفش حاجة اسمها امر شود داون
كمان لو فى فلاشه يا لهوى
فلاشه البنت نضيفه ورحتها حلو وبالغطا بتعها وفى علبتها
اما فلاشه الولد
طالع عينها مكسوره ومن غير غطا اصلان وتحس ان قطار معدى عليه ومفرومه
لا وكمان الاغانى تحسى اول ما تشغليها ان انتى فى ميكروباس او مولد

موضوع رائع تسلم ايدك
فكاهى جدا

ههههههههههههههههههههههههههههههههههههههههههههههههههههههههههههههههههه

موضوع جامد جداااااااااااااااااااااااااااااااااااااااااااااااااااااااااااااااااااااا

موضوع جميل
بس ليه انتم مبتغروش من اخواتكم البنات وتعملوا زيهم

احنا مينفعشى نعمل غير كدة

انا اعرف واحد صاحبى حبيبى يعنى

جهازة بيشتغل زى الغسالة بالضبط

يعنى بمجرد ميوصل فيشة المشترك بتاع الجهاز الجهاز يشتغل
من غير ميدوس على البور والعكس صيحيح

ههههههههههههههههههههههههههههههههههههههه

متقلقشى يا جوست سرك فى بير ملوش قرار

هههههههههههههههههههههههههههههههههههههههههههههههههههههههههههههههههههه

ماشى يا كبير
مش احسن ولا بلاش ولا هنشرد بعض يعنى
كل يوم نسخه
هههههههههههههههههههههه
عايز تعمل نسخه

ههههههههههههههههههههههههههههههههههه

ماشى ياجوست

تشريدة بتشريدة بقى؟؟؟؟؟؟؟؟؟؟؟؟؟؟؟؟؟؟؟؟؟؟؟

ولا بلاش خلى الطابق مستور

هههههههههههههههههههههههههههههههههههههه

ساو 3
ديد سيلنت
اغنية البلح البلح
صور مصارعين
كليب بوس الواوا
اسماء مواقع تخاف اصلا تخشها
نكت حشاشين


هههههههههههههههههههههه
حاجة اخر حاجة

انتا يا اسلام اتعلمت
حاجه اخر حاجه

خرطوا عليك
هههههههههههههههههههههههههههههههههه

متنساش يا برنس تبقا تشيل الدبيحه(الهارد) من على كارتونة السيديهات

ههههههههههههههههههههههههههههه


انتو من البجحخانت



ولاانتو منين


ايه التشريد ده

هههههههههههههههههه
بجد موضوع يضحك

انتا مالك يا ماتريكس

شكرا ليكم على الردود

حاضر انتا تأمر يا معلم

ميرسى

الله يرحم

يارب