بداية جديدة لعهد جديد

السلام عليكم ورحمة الله وبركاته

اذا الشعب يوما اراد الحياة .......................فلابد ان يستجيب القدر

بيت من ابيات الشعر اللى كلنا درسناها او على الاقل سمعناها وحفظناها بس اعتقد كدا كلنا مافهمناش

معنى البيت ده غير فى الشهرين اللى فاتو دول بدأ من احداث ثورة الشعب التونسى الى احداث ثورة

الغضب المصرية الشبابية اللى هزت العالم كله واصبح كل الساسة فى العالم على مرأى ومسمع منها

وفى البداية احب اوجه تحية واجلال لكل ارواح الشهداء اخواتنا اللى ضحو بدمهم ونفسهم عشان احنا نعرف

الحرية ونقدر قيمتها الحرية المسلوبة مننا لمدة 30 سنة ويمكن كمان قبل المدة دى كمان بسم الله

الرحمن الرحيم " ولا تحسبن الذين قتلو فى سبيل الله امواتا بل احياء عند ربهم يرزقون" صدق الله العظيم

حزنت اوى اوى اوى لما لقيت ناس متعلمة وفاهمة موالية للنظام الراحل او متعاطفة معاه وللاسف انهم

ناس متعلمة وكان عزايا الوحيد اننا انتصرنا وفهمناهم ان كل اللى كان ضد النظام سواء كانت احزاب او

جماعات او افراد لا يرتضوا بالاحزاب او بالجماعات فهمناهم اننا الصح ولو حتى مافهموش فاحنا اجبرناهم

انهم يفهمو فيه ناس ليها عذرها وبالزات جيل ثورة 56 الجيل ده مع كل احترامى اتربى على الزل مااتعلمش

يقول لأه مااتعلمش يقول لولاده احمو بلادكم وقولو لأه فى وجه الظلم مهما كان التمن كان خوفوا من النظام

هوا اللى مسيطر علينا وبيوجه فيه يابنى بلاش تمشى فى مظاهرات ياابنى احلق دقنك ماتوديناش فى

داهية ياابنى خليك جنب الحيط وكلام كتير كلنا او الاغلبية مننا سمعوه لدرجة ان بقى مننا شباب بيقولو

لبعضهم كدا بلاش سياسة ماتوديناش فى داهية !!!!!!!!!!!!

حاجات غريبة اوى حصلت فى الفترة اللى فاتت حاجة غريبة اننا نتهم شباب كل حلمهم ان بلدهم تبقى بلد

نضيفة وديموقراطية نتهمهم بالعمالة والخيانة وحاجات كتيرة جرحت فيهم وعلى قد ماكانت بتجرح فيهم

كانت بتقطع فيا وللاسف كنت بقول " اننا مانستهلش وااننا شعب مش كويس شعب اخد على الزل والهوان

لدرجة ان بقى الصح غلط والغلط صح "

حاجة غريبة انى اشوف مصرى متأجر عشان يقتل ف اخوه المصرى وحاجات تانية كتيرة

بس بعد ده كله وبعد المعاناة اللى كنا بنعانيها خلاص الظلمة انقشعت والنور بدأ يطلع من جديد النور اللى

كنت فقدت الامل فى وجوده


ها ياترى احنا دورنا ايه بعد كدا او بنفكر فى ايه او ازاى ؟فينا حد هيخاف تانى انه يقول رأية بحرية ؟ فينا واحد

هيخاف من بطش سيف السلطان بعد كدا ؟هيكون فينا حد ضعيف او مستضعف؟ حد واكل حقك وخايف

تواجه اتعلم بقى تواجه اللى ظلمك ازاى الثورة اللى المفروض تكون اديتنا دروس وعبر نعلمها لوالدنا بعد كدا

خلاص الطريق انفتح قدامك انك تقول لأه لكل بطش وكل ظلم هتقول رأيك بدون ماتحس انك مراقب وبكل

حرية خلاص اللى فات فات وبقى ف مزبلة التاريخ يللا بينا نصنع تاريخنا احنا الشباب بنفسنا عشان نقدر

نقول احنا ساعدنا فى عمار مصر

يللا نضف مصر ياجماعة يللا كل واحد يبدأ ينضف نفسه من جوه الاول ولما ننضف من جوانا هنضف اللى

حوالينا ومصر هتكون نضيفة يللا كلنا نتعلم نقول لا للمحسوبية ولا للواسطة ونتعامل مع نفسنا اننا احرار وان

مافيش اى انسان هيزلنا تانى او يستضعفنا عشان احنا شبعنا وشربنا من كيعنا

sunshine

البرنس:ههههههههههههههههههههههههههههههههههههههه لا يابرنس الكلام ده كان زمان النهاردة حدث ولا خوف ولا حرج



التنين: شكرا ليك وفعلا الشباب دى تستحق مليون سلام وتحية

الى يخاااااااااااااااااااااااااف يطلع برة قعلا يستحقوا منا الف تحية وسلام وربنا يرحم الشهداء

خلاص مبقاش فية حاجة اسمها خوف كل حاجة هتتغير للاحسن ان شاء الله