ما هو الحب الحقيقى.........؟

هل هو الحب الأول ؟
بالطبع لا لأن الحب الأول قد يكون حب مراهقة
يشوبة تغيرات المراقه عقليا وفكريا.
هل هو بالزواج ؟
بالطبع لا لأن الزواج قد يكون تقليدى وقد يأتى الحب
بعد الزواج وقد لايأتى ووقتها يكون حب عشرة وتعود
لابد منه وليس الحب الحقيقى.
هل هو الحب المنتهى بالزواج ؟
بالطبع لا لانه ممكن مينتهيش بالزواج لأى سبب ما
عادتنا ، تقاليدنا ، دينا .
فما هو الحب الحقيقى :-
هو الحب التى يولد بين طرفين.
هو الحب التى لا يموت.
هو الحب التى لا يتم نسيانه مهما طال العمر.
هو الحب التى يغير الأنسان للاحسن.
هو الحب التى لا تلوثة الشهوانية.
هو الحب التى لا تؤثر به ظروف.
هو الحب التى لا يقهر.
هو الحب التى لا يوجد به كرامه ولا يوجد به إيهانه.
هو الحب التى لا يوجد به كبرياء ولا يوجد به تنازل.
هو الحب التى لا يوجد التى لا يوجد بة امتلاك والأسم حب.
هو الحب التى لا يوجد به تصلت فى الرأى .

هل مر احد منا بهذا الحب يوما ؟
منتظرة ردودكم

ههههههههههههه
صح يا تنين

الحب الحقيقي هو كل دة!!!!

ومن رأيي ان الحب الحقيقي هو الاول

موضوع جامد يا رويدا,,
ثانكس,,

حلو أوى يارويدا
تسلمى بجد

أنا رأيى ان فى ناس تقضى عمرها كل تدور على الحب الحقيقى

وناس تعيش وتموت من غير ما تلاقيه

وناس مفروض عليها الطرف التانى

وناس محظوظه بتلاقيه بسهوله اتمنى انى اكون منهم

صح كلامك يا تنين,,
انا معاك..

هل هو الحب المنتهى بالزواج ؟
بالطبع لا لانه ممكن مينتهيش بالزواج لأى سبب ما
عادتنا ، تقاليدنا ، دينا .
انا مش معاكى فى الجملة دى يارويدا لن المفروض النهاية اللى بتأكد الحب دى هوا الزواج وده دينا وعادتنا وتقليدنا عمرهم مامنعو كدا بالعكس الدين والعرف والتقاليد بيمنعو الحب اللى ف الضلمة ومش معنى انه ف الضلمة انه مش حب لأه هوا حب بس جه بطريقة غلط والغلط بيتصحح ده لو كان الطرفين عاوزين كدا وبعدين لو ديننا ضد الزواج عن طريق الحب مكانش الرسول صلى الله عليه وسلم قال " لم أرى للمتحابين سوى النكاح" يعنى الرسول هنا بيأكد ان المفروض ان تكون النهاية الحتمية للحب ده هوا الزوااااج بس انا من رأيى بقى ان الاهالى هنا هما اللى بيقفوا فى طريق الحب ده انه يكمل بحجة المستوى و المعيشة والنسب وحاجات فى نظرى انا تحكمات ساعات بتكون فى غير مصلحتنا وبدمرنا اى نعم هما بيكونو خايفين علينا ودى حاجة لاشك فيها بس هما للاسف ساعات مش بيبقوا مدركين اننا طالما وصلنا للمرحلة دى يبقى حق لينا اننا نختار شريك حياتنا بعقولنا احنا وبتفكيرنا احنا مش عهقولهم ولا تفكيرهم لان انا اللى هعيش معاه مش هما يبقى ده هيكون اختيارى انا وهما ماهم الا ناصحين ناصحين فقط ولكن الاختيار باكمله يكون ليا انا ودى حاجة انا اتربيت عليها واهلى دايما بيقولولى كدا احنا مجرد ناصحين ودى حياتك وانتى حرة ومش هنغصبك على حاجة انتى مش عاوزاها عشان كدا انا بحمد ربنا عليهم
يعنى انا كل اللى اقصد اقوله ان الحب نهايته الحتمية هيا الزواج وانما فيه تعقدات ومشاكل هيا اللى بتتحكم ف النهاية دى يااما تحصل يااما لأه وفى الاخر كل شئ قسمة ونصيب وقدر لازم هنعيشه وهنشوفه وماحدش غيرنا هيعيش نصيبنا احنا اللى هنعيشه واحنا اللى مكتوب علينا نشوفه
شكرا ليكى يارويدا تقبلى مرورى

شكرا يا صن على تعليقك

بس انا حبيت اقول ان الحب الحقيقى مش شرط ينتهى بالزواج مش معنى كلامى انهم لو كان كل شىء متاح ميتجوزوش لا طبعا
انا قصدت ان ممكن حاجات تحصل وتمنع اتمام الزواج بس بكده الحب مش هيموت.

وكمان قصدت ان فيه زيجات كتير بس مش بيكون فيه حب قبل الزواج ولا بيجى بعده
بس طبعا بالعشره والوفاء الحياه بتدوم ده قصدى.