انا خريجه 2003

مبسوطه جدا انى معاكم فى منتدى كليه الاقتصاد المنزلى بس ليه المنتدى مش نشيط نفسى اشوف الدكاتره اللى كانوا بيدرسولى
د .ايهاب
د.اسلام
د.نشات
د.مدحت

ياااااااااااااااااااااااااااااااااه خريجة 2003 يعنى انا كنت فى سنة 3 اعدادى بسم الله ماشاء الله حضرتك ادتينى الامل انى هتخرج الحمد لله بجد انتى شرفتينا بوجودك معانا وعلى فكرة المنتدى نشيط جداااااا وده رأيى بس تنويه بسيط لحضرتك ان فيه منتدى تانى للكلية وده هوا المنتدى الفعلى وده كوبى من التانى بس ده انشط من التانى واحسن منه وافيد منه
ان شاء الله تستمعى معانا هنا

متشكره جدا ياشموسه
وان شاء الله اتجول كده فى المنتدى واتصفح الموضوعات

وعلى فكره الكليه بتاعتنا جميله بس الخريج فيه مش واخد فرصته

ولا انت عايزة تتخرجى وخلاص

كليتنا جميلة جدا وقسمنا اجمل بس تقيل وشغله بعد كدا تقيل اذا كنتى هتشتغلى فى مصنع او شركة وانا مش حمل كدا فبالتالى انا هدفى حاليا منصب على انى اتخرج الاول وبعدين ابقى افكر هعمل ايه طبعا هيبقى فيه كذا حاجة انتى مرتبطة بيهم والتفكير فى الشغل ساعتها مش هتبقى انتى لواحدك اللى بتاخدى القرار فيه

اكيد
كلامك صح
انا اشتغلت فتره فى العاشر من رمضان
فعلا مينفعش الشغل للبنات فى المجال ده
مصانع وعمال ومكن
وخصوصا بعد الارتباط والجواز والاطفال
بس ممكن مشروع اتلييه او ورشه تديرها الخريجه
انت فاهمه قصدى
ربنا يوفقك وبتقدير كويس

بصى انا نزلت تدريب وشوفت البهدلة اللى العمال والمهندسين بيشوفوها ده غير حااجات تانية انا مااقبلش انها تحصل معايا ماعلينا فانا كدا كدا من هوات القاعدة فى المنزل اربى عيالى احسن من تربية المهنة و و و و بيتى اولى بيا انا ممكن افكر افتح اتلييه صغير او ورشة صغننة كدا بس برضه ارجع واقول انا هبقى ان شاء الله مرتبطة بزوج ليا وساعتها هوا اللى يحدد انا اعمل ايه ومااعملش ايه
شكرا ليكى

مش شرط أنك تكونى مشرفة جوده أو إنتاج ممكن أنك تشتغلى فى الباترون أو التخطيط والمتابعه وغالبا تنجحى فى هذه الأقسام لأنها ملائمه للبنت وأيضا قسم التطريز الآلى وشكرا