تناقضات يقع فيها الشباب للايضاح ادخل و اقرا

السلام عليكم ورحمة الله وبركاته
(المقالة دى مستوحاة من حياتى وحياة غيرى وارجو اللى يقراها يستفيد)
1-امتى بتصلى الفجر= لما اصحى من النوم حوالى الساعة 10
وبتصلى الظهر امتى = بعد الادان!عشان ما يروحش علياواصليه قضا!



2-ايه هو الحجاب بالنسبة ليكى =انى مغطية شعرى وبلبس اللى انا عايزاه بعد كدةبدى وبنتاكور عادى يعنى اصل الشعر هو اللى فتنة!



3-انتا متدين؟اه طبعا وملتحى كمان
طب ايه رايك ف الصحوبية ؟ عادى امال اعرف ازاى البنت اللى هتجوزها اتجوزها كدة وخلاص!


4-انتى متدينة؟اه طبعا مش شايفانى لابسة نقاب
امال كنتى قاعدة بتتصنتى ليه على الحوار اللى بيدور بين البنتين اللى وراكى انتى ما تعرفيش ان ده تجسس؟
تجسس ايه هو احنا ف حرب!

5-انتى المفروض ما تحطيش ميك اب وانتى محجبة دا تبرج وربنا نهانا عنه=معلش كل سن وله احكامه اصل دا عادى للى ف سننا(بعد اسبوعين) ايه دا مش حاطة ميك اب ليه؟اصلى اتخطبت وخطيبى منعنى من الميك اب!


6- انتى بتتخانقى مع مامتك؟ اه طبعا اصلها بتكلمنى دايما بنرفزة وانا عصبية وما اطيقش حد يتعصب عليا
بس فلانة صاحبتك مرة شتمتك؟اصلها عشرة عمر ولازم استحملها!


7-انتى مؤمنة ان الجواز قسمة ونصيب وان كل شئ بايد ربنا؟ اه طبعا والنماذج كتير
امال مين الى كان بيرنلك من شوية؟ده صاحبى
امال بتصاحبى ليه ما دام الجواز قسمة ونصيب؟يا سلام هوفى ولد دلوقتى هيفكر يرتبط ببنت ما عرفهاش!


8-انتى مش شايفة ان شغلك بيأثر على اهتمامك ببيتك وحياتك الزوجية ؟
لا ده تحقيق لذاتى وكمان امان مادى
ولو اتسبب ف طلاقك؟
ابقى مطلقة بس غنية!








كدة كفاية ويا رب كلامى يفيد الناس

جزاك الله خير يا ايوتا..
فعلا الاجابات دة موجودة وكتيرة كمان..

ربنا يهدينا جميعا..

نورتوا الموضوع
نومى وسما



ربنا يعنا عالصح

7-انتى مؤمنة ان الجواز قسمة ونصيب وان كل شئ بايد ربنا؟ اه طبعا والنماذج كتير
امال مين الى كان بيرنلك من شوية؟ده صاحبى
امال بتصاحبى ليه ما دام الجواز قسمة ونصيب؟يا سلام هوفى ولد دلوقتى هيفكر يرتبط ببنت ما عرفهاش!

مفيش ولد بيفكر يرتبط بواحدة عرفها لانة ساعتها بيقولو زى ما عرفتنى اكيد عرفت غيرى دا رايى وربنا يهدى الكل

تسلم ايدك

موضوع جميل يا ايوتا
وفعلا في كتيير كده
ثانكس

نورتوا الموضوع
ياقطتى
وشكرا ياهدى وسما على الاضافه