فضفض معنا

هههههههههههههههههههههههههههههههههههههههههههههههههههههه

حلوة يا تنين الفضفضة دى

ههههههههههههههههههههههههههههههههههههه

وليته يمر على محلات الكوافير فيفقع كل رجل يعمل هناك علقة محترمة على أم رأسه


وتمنيت أن يطرح في الأسواق لبان سد الحنك وهو نوع رائع يلتصق بفم كل من يمارس الغيبة والنميمة فيلصق الفكين فنرتاح

ويا سلام يا سلام لو في علاج تجميلي لأفكار الشباب بالليزر
ياريت والله يا تنين يكون فية كدا على الاقل الذنوب تقل بدل ما هى فى الزيادة
ربنا يسترها معانا جميعا

شكرا على الموضوع الجميل دا تسلم ايدك

بجد الموضوع دة حلو اوي اوي اوي..

والفضفضة اللي انت نزلتها دة يا تنين جامدة..
خاصة الثانية بجد حلوة اوي..
بس فعلا يكون اجمل لو مبدأنا واخلاقنا هي اللي عملت كدة..



انا عايزة اقول ان الفضفضة اساسها الثقة..
لو حد جة يفضفض معاك دة حاجة كبيرة اوي..
ومعناها كبير..
مش سهل ان حد يثق فيك ويفضفضلك ابدا..


انا مش هقول الجملة المعتادة:
"اسفة طولت عليكوا"
لان الهدف من المواضيع في المنتدي هو النقاش..
وليس المدح في الموضوع فقط..

ولا اية يا تنين؟؟

ماشاء الله هوا انا اول واحدة هتتكلم ...... ربنا يستر احم ....احم بسم الله الرحمن الرحيم

فيه موضوع دايما بفكر فيه او سؤال " احنا عاوزين ايه" ليه بحس اننا فقدنا الثقة بربنا ليه؟ سؤال بيؤلمنى جداااا على الرغم من اننا لو اتعلمنا اننا نثق فيه هنثق فيه وهنعرف قد ايه هوا بيحبنا وقد ايه هوا رحيم بينا والله العظيم احنا ربنا بيحبنا جدااااااا ولو ماكنش بيحبنا كان زمانه انزل علينا غضبه وسخطه من زمان قوى من قبل مانفكر اننا نعصيه احنا بقينا وحشين اوى للدرجة دى انا عارفة اننا فينا خير لاننا امة الرسول الكريم بس ياترى احنا بنحب ربنا زى ماهو بيحبنا ؟ احنا بنقابله بالسيئات وهو بيدينا من فضله وبينعم علينا من نعمه فين الاخلاق والقيم ضاعت ؟ راحت هباءا منثورا ؟ كل اللى احنا بنعمله من ذنوب دى ناتجة من اننا مش بنثق فى الله انا والله جوايا نار وحرقة وغيرة على دينا دينا اللى احنا بقينا مفرطين فيه وبقى مجرد خانة فى البطاقة دينا راح فين؟ عادتنا وتقاليدنا راحت فين ؟ اى دين ده اللى يقول ان البنت تلبس ضيق و و و احنا دينا امرنا بكدا ااااااااه على المرارة والاسى اللى بيتملكنى لما بشوف بنت يقال عليها انها محجبة وهيا لاتمط للاحتشام بأى صلة ولا لما اشوف ولد وبنت ماشيين يتمخطروا وعلى علاقة غير شرعية
انا بقيت اكره الخروج بره البيت لانى زهقت حتى يوم ماقررت اروح مصيف ههههههههههههه كنت بقولهم روحونى رجعونى ماكان ماجبتونى وهذه هيا الاسكندرية عروس البحر هههههههههه كنت بنزل الشارع انقهر واطلع واقول فى نفسى " ياعينى ع الشباب الغلبان الله يكون فى عونه" قضيت 5 ايام مايعلم بيهم الا الله 5 ايام حسرة وغم وكاننا رايحين نعصى ربنا ونرجع اللى واجعنى اكتر واكتر انى بسأل نفسى البنات بتعمل كدا ليه ؟؟؟؟؟؟ بجد سؤال نفسى الاقيله اجابة ؟ انا نفسى اغير انا من تألمى وغيرتى سألت خالتى واحنا هناك " ياخالتى احنا هنتحاسب على الناس دى؟؟؟؟" من خوفى انى اجى يوم القيامة واتحاسب عليهم بس عشان انا شفتهم وماعملتش حاجة انا نفسى اغير ونفسى الاقى اللى زيي اللى نفسه يغير انا عاوزه اسيب بصمة ليا فى الدنيا دى نفسى لما ربنا ييجى يسألنى انتى عملتى ايه لدينك اقوله يارب انا حاولت ويكون ربنا مطلع عليا وواثق انى حاولت نفسى الاقى اللى يشجعنى ويقولى ان فيه امل ان كل البنات تبقى عندها العفة والطهارة اللى هما اساس البنت المسلمة نفسى البنات تخاف على نفسها وتعرف ان ربنا كرمها بالزامها بالحجاب ومش اى حجاب عشان يصونها ويحميها من النفوس الضعيفة بجد لو كل واحدة هنا حاولت مع نفسها ومع اختها وجارتها وكل واحد حاول مع اخته والله العظيم حال البنات هينصلح وبالتالى حال الشباب وانا مش مع الناس اللى بتقول ان الولاد بايظين ماهما باظو لما البنات باظت لانى اثق ان البنت هي المجتمع كله لو هيا صلحت المجتمع هيتصلح ولو فسدت المجتمع هيفسد لانها مسيرها هتبقى ام ازاى يابنوتة ياجميلة هتكونى ام وقدوة لبناتك وانتى مفرطة فى اقل حق من حقوق ربنا عليكى وهيا التزامك بحجابك اللى هوا عفتك ونقائك؟؟؟؟؟؟
انا اسفة لو كنت طولت عليكو بس انا فعلا كنت محتاجة افضفض واتكلم لانى اتخنقت واللى اتخنق اكتر واكتر الشباب ارجوكو ارحموهم لان الشباب دول منهم اخوكى وخطيبك وجوزك وحتى حبيبك ده لو فيه فكرى كدا انتى مابتغيريش على اللى يخصك ؟ ولو بتغيرى يبقى الاولى انك تغيرى نفسك وتخافى عليها ياريت تتقبلى كلامى لانى بغير وبغير على دينى وعلى اى انسان يخصنى ارجوكو اقفو مع نفسكو والولاد اللى ليه اخت ارجوك خلى ليك دور وغير على اختك وصونها وخاف عليها

لو على قد المنتدى بسيطة بكرة تتخرج وتعرف ان فى حاجات اكبر من كده بكتير حتى لو كنت بتشتغل وانتى بتدرس تعرف قيمة اللى بقوله واللى بدعوا ربنا يوفق الجميع من ابغض قبل من احب للمقوله المشهورة حب للناس ماتحبه لنفسك وقدم يد الخير لجميع الناس

صعب اوى انك تتفهم غلط و ينقالك فيما معناه انك دايما بتطلع اللى قدامك غلطان وانك انت الملاك وبالزات لو انقالك كدا من آخر من تتوقع انه يقولك كلمة زى دى وبضحك اوى على نفسى لما ادور جوايا واكتشف انى مش زعلانة وانى مسامحة وكل اللى مزعلنى انى خايفة اكون سبب فى زعل اللى قال الكلام ده على الرغم من انى مااتكلمتش انا مش بقول الكلام ده لانى مسنية اعتذار لاه انا مش مستنية اى اعتذارات بس انا نفسى صعبانة عليا لانى اتعودت على انى اجى على نفسى عشان خاطر اللى قدامى وف اى زعل بزعل اه وبعاتب اه بس ماافتكرش انى قولت ف يوم اشمعنا انا اللى اقول اسفة وانا للى ابدأ بعتذر وانا مبسوطة ان خلاص اللى قدامى مش زعلان وان اهم حاجة عندى انى مااكونش سبب ف زعل اى حد بس كل ده بييجى عليا انا بشيل ف نفسى اوى مش من اللى قدامى لأه بس نفسى بتصعب عليا بينى وبين نفسى بتصعب عليا لانى ماعملتش حاجة ماعملتش حاجة استاهل بيها كل القسوة دى بالعكس انا كل ذنبى انى خايفة على اللى قدامى اكتر ماهو خايف على نفسه ده للاسف كل ذنبى وكل ذنبى انى بحاول اصون عهد اخدته على نفسى وابقى قد الامانة اللى ف رقبتى بس للاسف مااتقدرتش وبقيت حمل زايد
انا مش بقول كدا عشان اصعب على حد او عشان حد يواسينى او حتى اسمع كلمة اعتذارا نا بقول كدا عشان استريح وانا لما بكتب اللى جوايا برتاح وانا عارفة انى وسط ناس انا بحبها وبحترمها وبرتاح وانا معاهم
معلشى طولت ورخمت وقلبتها حزن ودراما انا اسفة