بسم الله الرحمن الرحيم
الحقيقة اللي بيحصل في فلسطين كتير واعتقد ان من حقنا كشباب نعبر عن رأينا.. من حق بلادنا علينا اننا نتحرك مع ان تحركنا دة ممكن ميغيرش كتير لأن احنا فعلا مش حاسين بحاجة احنا بنتفرج وبس يمكن نتأثر شوية بالموقف لكن بيبقي تأثير مؤقت وبيروح بمنتهي السرعة..
انا مش بقلل من احساس اي حد لكن دة طبيعي لأننا بعيد عن الاحداث مش بس بعد المكان لكن احنا بعيد حتي بقلوبنا يعني احنا بنتأثر شوية ويمكن نبكي من اللي بنشوفه وبنرجع نعيش حياتنا عادي جدا ونكملها لكن في حياة ناس كتير بتوقف وتنتهي بمنتهي البساطة..
المشكلة ان الناس بتنسي بسرعة جدا يا جماعة.. عشان كدة احنا لازم نفضل نفكرهم باللي بيحصل خاصة وان المرة دة ظابطين معادهم جايين يعملوا عملتهم قبل كاس العالم باسبوعين عشان يضمنوا 100% اننا ننسي. لازم نوري العالم مدي بشاعة سرائيل.. اظن كلكوا سمعتوا عن اسطول الحرية وعرفتوا كويس اوي ان اسرائيل اتعدت حقوق الانسان بمراحل كتيرة جدا..
واللي انا عرفتوه كمان ان بعض الشباب جزاهم الله خير حاولوا يعملوا اللي يقدروا عليه عن طريق نشر فيديو عن اللي حصل علي اليوتيوب والفيس بوك عشان يفرجوا العالم علي المأساة والجبروت.. لكن طبعا اسرائيل رفضت دة وبشدة وخصصوا شباب يكون كل شغلهم انهم يعملوا رفض للفيديو او تقييم سئ علي اليوتيوب لأن لو نسبة الرفض لأي فيديو زادت بنسبة معينة الفيديو بيتشال اوتوماتيك ودة اللي عاوزين يوصلوله.. عاوزين يخفوا الحقيقة.. عاوزين يزيفوا الواقع.. عاوزينا ننسي.. ولو حد منكم متابع هيلاقي ان الفيديو فعلا بيتشال شوية ويتحط شوية..
اصلا خوفهم من العواقب ومننا كعرب لو اتحدنا هو اللي مخليهم كدة.. هو اللي مخليهم خايفين.. هو اللي مخليهم يدوا اهمية للموضوع ويعينوا ناس مخصوص لكدة..
انا مش طالبة منكم كتير.. انا طالبة ان اي حد ليه اكونت علي اليوتيوب او الفيس بوك يعمل شير للفيديو وينزله علي كل المنتديات اللي يعرفها وطبعا اكتر موقع تعتبر الدنيا كلها فيه هو الفيس..
يا جماعة انا طلبي مش صعب ابدا.. احنا كدة كدة قاعدين علي النت.. فخلينا نعمل حاجة مفيدة.. يمكن اثرها مش كبير لكن يبقي اسمنا بنساهم في القضية..
يا ريت اللي يقدر ينشر الفيديو.. ينشر بجد.. القضية مش محتاجة تعاطفك وانت بتقرا وبس.. لا دة محتاجه فعل
جزاكم الله خير..
يا كريزي بجد ربنا ينتقم منهم..
