هااااااااا هتعملوا ايه؟؟؟؟؟؟؟؟؟؟؟

ايه ياجماعه فين رأيكم وفين دوركم فى الازمه اللى حصلت دى ؟؟؟؟
ارتفاع الاسعار والغلاء
والمقاطعه بتاعت اللحم
ربنا هيورينا اه اكنر من كده
عشان نفوق بقى
تفتكروا ده غضب من ربنا ؟؟؟؟؟؟
ولا تهاون من شعب غلبنا منساق ورا اداره فاسده
سايقاه ؟؟؟؟؟؟؟؟؟
ادفع يدفع 000هنغلى الاسعار ماشى
هنشيل الدعم ومش هيبقى فى تامين صحى ماشى
حددوا الانجاب ماشى
شويه ويقولوا
موتوا ياشعب 000واحنا بردوا هنقول مااااااااااااااشى
وشباب معظمه ضايع ومعدوم المسؤليه
ومفيش اى حاجه ايجابيه بنعملها
ادونى ارأكم !!!!!!!!!

انا مش هقولك غير كلمةو احدة احنا شعب خد على انه ينضرب باللى اختها دابت ومايتكلمش وهوا انتى مفركانا عدلين اوى عشان ربنا يولى علينا ادارة عدلة ده الواحدة والله العظيم جالها عقدة من كل برامج التوك شو اللى بتجيب البلاوى اللى عندنا هنا سواء كان برنامج واحد من الناس ولا العاشرة مساءا ولا ولا ولا وبقت حاجة تحزن وتقصر العمر وكل واحد بيقول ياحرااااااااااااااااااااام ومش عارف يعمل ايه
ربنا يهدينا ويصلح حالنا الناس دالوقتى لو هتاكل بعض هتعمل كدا ولا ليه ماهما بياكلو ف بعض من غير حاجة

بصى يا ايوتا احنا لو كنا شعب واحد وايد واحدة كان ممكن اننا نعمل حاجات كتير انما احنا شعب خد على الضرب بالقديمة واللى اليومين دول ييجى يتكلم فى السياسة انتى مش محتاجة انى اقولك هو بيتعمله ايه ومش هو لوحده وانا على فكرة عمرى ما خفت من اللى باسمع انه بيحصل الواحد بس فى انتظار التشجيع
اما احنا فى دولة كانت مطمع ولغاية دلوقت وهى مطمع للى حوالينا والدولة عليا مليارات الجنيهات ديووووووووووووووون والريس الله يكرمه زى ما كرم غيره رايح يتعالج بره والشعب مش لاقى ياكل
وقبل كده بردوا عادل امام قال انا ممكن اسد الديون وحطوا صورتى على الجنيه ليه الريس مش موافق انا مش عارف صورة الفراعنة عاملة ايه يعنى الجنية من ساعة ما ضرب الغطس ما قبش منه تانى والحمد لله دخل قناة السويس اللى ممكن يخلينا اغنى شعب فى العالم معلش فى جيب سيادة الريس هو والحوش اللى حواليه بس هنعمل ايه دى ديون على الدولة يا جماعة ................ الخ

ادعوا للريس ربنا يكرمه زى ما كرم غيره

التطبيع
واحنا اطبعنا

ولو تفتكرى ايام السادات لما الاسعار ارتفاعت

الناس عملت اية

الناس دلوقتى اختلفت عن زمان
زمان كانوا ناس بجد
دلوقتى الله اعلم بينا

شكرا لكى على المواضيع المهمة دة
ان شاء هنبقى سوا فى ابو زعبل
هههههههههههههه

اتكلموا بس ما تعلوش صوتكم
دى نصيحة

عشان فى مخبر فى المنتدى اللى جنبنا ايدة عاملة زاى فردة الكويتش
هههههههههههههههه

قد اعزر من بنجر

لا تعليق احنا اللى وافقنا واطبعنا فعلا واللى ما معاهوش ما يلزموش ده القانون اللى ماشى واللى هيمشى

الواحد مش ناقص اصلى لو انقتحت مش هتعرفوا تسكتونى

بس انا اعتقد ياتنين
ان الناس اللى كانت ايان السادات دول اجددنا
معقول مفيش جين مشترك بنا وبنهم
ولا مفيش حد منهم لسه عايش عشان يفوقنا
المهم ان البلد دى مليان رجاله
بس يتحطوا فى اماكنهم الصح
مش اللى يتكلم صح ويقول بجد يشيلوا من المكان بتاعه
ذى ما حصل فى احد المفتين
لما لقوه يحكم بشرع ربنا شالوه
وغيره كتير
وذى وزير الماليه
اللى مينفعش يمسك ميزانيه بيت حتى
وبعدين وزاره الماليه من انشط الوزرات واهمها
والمفروض مايمسكهاش غير راجل مسلم
انا خلاص زهقت من اللى بيحصل
وعارفه انى مهما اتكلم مفيش حاجه هتحصل
بس ادينا بفرغ طاقتنا فى الكلام

نورتوا بارأكم يا صن انتى وbmwوالتنين
بس تفتكروا حلها ازاى ؟؟؟؟؟؟؟؟
وامتى ؟؟؟؟؟؟؟؟؟

نورتوا بارأكم يا صن انتى وbmwوالتنين
بس تفتكروا حلها ازاى ؟؟؟؟؟؟؟؟
وامتى ؟؟؟؟؟؟؟؟؟

لما ييجى سادات تاااااااااااااااااااااااااااااااااااااااااااااااااااااااااااااااانى اما امتى دى فهى فى علم الغيب او عند ربنا

اين انت يا سادات مصر العربية من تانى انت صاحب اكبر الامجاد التى عاش فيها شعبك شعب مصر الذى عاش اجمل فترات حياته فى عهدك وفى عهد ولاياتك انت فقط وليس غيرك

الـــــــــــــــــــــــــــــــــــــــــــــــــــــــســـــــــــــــــــــــــــــــــــــــــــــــــــــــــــادات

واحـــــــــــــــــــــــــــــــــــــــــــــــــد بــــــــــــــــــــــــــــــــــــــــــــــــــــــــــس

الـــــــــــــــــــــــــــــــــــــــــــــــــــــــســـــــــــــــــــــــــــــــــــــــــــــــــــــــــــادات

هو الاصل شكرا ولا تعليق على السادات لان الراجل ده كان مهنى الشعب بجد والشعب من بعده يتمنى يوم من ايامه اللى كان معيشهم فيها الله يرحمك يا سادات

الله يرحمه فعلا
وان مكنش اللى هيجى سادات تانى
فااحنا نتمنى انه يكون كمان احسن من السادات
اهى احلام يا bm

ان شاء الله اللى جااااااااااااااااااااااااااااااى هيكون احسن ويارب يكون احسن

علشان الشعب تعب وزهق من العيشة فى البلد اللى زى الفل دى

وطول ما احنا ساكتين والله ما هيحصل انى سنج

شكرا على موضوعك يا ايوتا

حسبى الله ونعم الوكيل

دا الى اقدر اقولة

ياريت قولنا حسبى الله ونعم الوكيل يكفى
بس هنقول ايه؟؟؟؟؟؟؟

نورتى ياهدى

بصي يا ايوتا ان الحمد لله زي الفل واهدي شوية عشان كل دة ملوش لزمة والله احنا احسن من غيرنا كتير بس دة ميمنعش انها بايظة ومشى هتتعدل ادعوا بس انها تفضل زي مهي لأني اتوقع الاسوء

هههههههههههههه
اية التشاؤم دا

غير اللى جواك يتغير اللى حواليك

بلاش التشاؤم دا
خالى املكم فى ربنا كبير

واولا واخير دا اختبار من ربنا عشان يعرف مين فين اللى هيعمل الصح ومين اللى هيكبر دماغة

واغلبية بيكبر دماغة

كبر تعيش

غير ما بنفسك تلاقى اللى حواليك اتغيروا
ابتدى انت وسيب الباقى على الله

التغيير ياتى مننا مش من حاولينا

غيروا افكاركم وطريقة تفكيركم
دا الحل

تقيلو مرورى

ان شاء الله رب العالمين يا معلم

ان شاء الله نغير من نفسنا الاول علشان الدنيا تتغير من حوالينا

وعلى العموم رب العباد عمره ما هينساهم ولا تعليق

ayota el3sl كتب:

بس انا اعتقد ياتنين
ان الناس اللى كانت ايان السادات دول اجددنا
معقول مفيش جين مشترك بنا وبنهم
ولا مفيش حد منهم لسه عايش عشان يفوقنا
المهم ان البلد دى مليان رجاله
بس يتحطوا فى اماكنهم الصح
مش اللى يتكلم صح ويقول بجد يشيلوا من المكان بتاعه
ذى ما حصل فى احد المفتين
لما لقوه يحكم بشرع ربنا شالوه
وغيره كتير
وذى وزير الماليه
اللى مينفعش يمسك ميزانيه بيت حتى
وبعدين وزاره الماليه من انشط الوزرات واهمها
والمفروض مايمسكهاش غير راجل مسلم
انا خلاص زهقت من اللى بيحصل
وعارفه انى مهما اتكلم مفيش حاجه هتحصل
بس ادينا بفرغ طاقتنا فى الكلام

بخصوص الجين يا ايوتة .. طبعا فى جين وهوة جين الوطنية
ان احنا كلنا مصريين ودى حاجة بتنتقل من جيل لجيل من غير ما نحس
والوطنية صفة من صفات الشعب المصرى مهم اختلف الزمان والاشخاص

اما بخصوص الرجالة ... فى رجالة فى مصر كتير بس الرجالة دى عايزة اللى يشجعها
عشان تقوم وتتكلم
لان هوة بيتكلم لوحدة ما فيش حد بيساندة
عشان كدة لو هوة قام لوحدة واتكلم بيعتقل زاى ما احنا بنشوف ونسمع

اما لو فى ناس بتساندة وتشجعة والناس دى مش هتسكت
اكيد الوضع هيختلف والحكومة او الجهة المختصة هتعمل الف حساب بعد كدة لة او لغيرة
لانهم عارفين ان الناس مش هتسكت وهيحصل حاجة لو هما اعتقلوة
دى حاجة

اما بقى وزير المالية ... يبقى مسلم او مسحى
المفروض يبقى مسلم بما انا احنا (المسلمين) النسبة الاغلبية
بس اللى عايز اقولهولك انك دولة مدنية ... والقانون اللى فيها فرنسى
فعشان كدة سواء مسلم او مسيحى مش هتفرق لان ( الدستور )القانون قانون فرنسى

وفى حاجة انتى مش واخدة بالك منها
انا المشكلة مش فى وزير المالية لوحدة او لشخصة هوة
المشكلة فى النظام ككل
وطبعا انتى عارفة النظام مش محتاج اقولك علية

اما الحل بقى
مش مشكلة الشعب كلة بالعكس مشكلتنا احنا
كمتعلمين وفاهمين ومش عايزين نعمل ولا عايزين نبتدى فى اول خطوة ايجابية
لية ؟؟؟؟

لان احنا عقولنا مشغولة بحاجات تانية كتيرة اهم من الكلام فى السياسة
اللى هى اية ؟؟؟ الاكل والشرب والمسكن
لان 60 % من الشعب المصرى فقير
و 40 % منهم تحت خط الفقر الشديد (شبة مجاعة )
وبجانب الفقر ....... الجهل
هيتعلموا ازاى طالما ما فيش فلوس
وطالما بيفكر فى الاكل مش هيفكر فى العلم
صح ولا اية

الحل فى المتعلمين زاى
الدكاترة و المهندسين والمحامين و دكاترة الجامعة والطلبة
اللى جزء من الحل والتغيير دا علينا

وفى حاجات كتيرة لازم احنا نغيرها فى نفسنا قبل ما نجيب اللوم على اللى حوالينا
بس كفاية كدة
ومعلشى طولت عليكم مع انى كنت عايز اقول اكتر من كدة

وتقبلوا مرورى ورائى المتواضع
هااااااااا هتعملوا ايه؟؟؟؟؟؟؟؟؟؟؟ 778763

هااااااااا هتعملوا ايه؟؟؟؟؟؟؟؟؟؟؟ 778763

والله عندك حق ياتنين
بس قولى انت واحد اهو من الشباب شايف كام حد عنده استعداد يعمل حاجه
انا بتكلم عن الفئه المتعلمه اللى احنا منها
قولى كام واحد بيفكر فى حال البلد دى حتى مع نفسه
ااقولك انا
انا شايفه جيل مش عاوز يفكر اصلا ولا عاوز يتعب دماغه
يدوب بيفكر ازاى يعدى صافى
وازاى يقضى وقته وانت عارف ازاى طبعااااااااااا
ويااااا السجاير خلصت الواحد مخنوق والله
بيتخنقوا لما السجاير تخلص
هما بيولعوا فى الفلوس ويشتكوا من الفقر
انت طبعا عارف كام مليار بيتصرف على السجاير
امه عاوزه النصر اعتقد تنصر نفسها الاول

وفى حاجه كمان عاوزه اقولهالك ياتنين
انا كنت اتكلمت عن الانتخابات الرئاسيه
وكنت معاك فى ترشيح البرادعى
يس دلوقتى انا مش معاك
لان انت اكيد عارف السبب
لو متابع اخر اخباره

انا طولت بس اتمنى اعرف رأيك فى موضوع البرادعى
ونورتوا والله
انت وبى ام ونومى

بصى يا ايوتا انا اصلا مش برشح البرادعى لان اللى هيترشح لرئاسة الشعب لازم يكون عايش وسطهم اما البرادعى فهو دلوقت اصلا من يوم ما مسك الشغل اللى هو فيه فى النووية وهو عايش فى امريكا ازاى هيعرف يحكمنا

هو ده الكلام كله ان اللى لازم انه يحكم الشعب لازم ولابد انه يكون واحد منهم علشان يعرف هما بيشتكوا من ايه ويغيره

ومعلش طولت عليكى تقبلى مرورى

هااااااااا هتعملوا ايه؟؟؟؟؟؟؟؟؟؟؟ Mubarak_elbradei

مع اقتراب موسم الامتحانات سؤال في التربية الوطنية:– قارن بين البرادعي وجمال مبارك مع رسم خريطة لمصر؟

23-04-2010

كتب – علاء البنا

الإجابة

فارق كبير بين الدكتور محمد البرادعي – الرئيس السابق لوكالة الطاقة الذرية – و المحاسب جمال مبارك أمين سياسات الحزب الوطن

فرق كبير بين صاحب الخبرة وصاحب الحظوة

بين العالم والسياسي و خبير الصرف

بين الرجل الذي يشعر بالفقراء والشاب الذي يعيش في قصر الرئاسة منذ 30 عاما

بين من يعتمد علي فكره ومن يعتمد علي «جدو» ولاعبي المنتخب القومي

بين من يعمل بمفرده ومن تعمل دولة بأكملها لتسويقه

بين من يريد تعديل الدستور من أجل مصر ومن عدَّل الدستور من أجل نفسه،

باختصار ليس فارقا واحدا بل هناك عشرة فروق بين الدكتور البرادعي ونجل الرئيس.

الشرح بالتفصيل مع الخريطة

1- الكاريزما

لا تحتاج سوي أن تشاهده لمدة لا تزيد علي
عشر دقائق في برنامج تليفزيوني لتدرك أن الدكتور محمد البرادعي يحمل
كاريزما خاصة لم نرها منذ سنوات في مصر فهو يشبه الزعيم الهندي غاندي في
ملامحه ويذكرنا بالزعيم سعد زغلول في إيمانه بأهمية الشعب وبالرئيس جمال
عبد الناصر عند حديثه عن الفقراء، مما يجعله مؤهلا لأن يصبح رمزا لشعب
يبحث عن ملهم وينتظر قدومه منذ سنوات من أجل تحفيزهم علي المشاركة في
الحياة السياسية بينما نجد أن السيد جمال مبارك – أمين السياسات في الحزب
الحاكم – لم يستطع حتي الآن أن يجذب إليه ملايين البسطاء رغم كثرة حواراته
التي تؤكد أنه مازال أمامه وقت طويل ليستطيع التأثير في الناس بكاريزماته
وليس بنفوذه .

2- الخبرة

البرادعي يعمل منذ أكثر من 40 عاما في
الخارجية والعلاقات الدولية وجلس 12 عاما علي مقعد يرأس من خلاله 150 دولة
كرئيس لهيئة الطاقة الذرية وبالتالي ليس من الوارد مقارنته بشاب كل خبرته
أنه عمل في عدة بنوك وترأس أحدها ثم دخل إلي الحياة السياسية من أوسع
أبوابها عن طريق والده ليصبح في سنوات قليلة الرجل الثاني في مصر ويسعي كل
الوزراء لكسب وده وبالتالي كل خبراته السياسية تتلخص في أن كل الوزراء
يسمعون كلامه ويطلقون عليه لقب «الأستاذ» دون أن نري له رؤية تعكس هذه
الأستاذية سوي أنه ابن السيد الرئيس حسني مبارك.

3- كرة القدم

لا يحتاج الدكتور البرادعي الذي تعرفه
الدنيا بأسرها ويذهب لكل دول العالم باعتباره رمزا مهما أن يذهب لمباريات
كرة القدم من أجل أن يخطف فوزا من اللاعبين ومدربهم ويترك الخطط السياسية
ويتفرغ للحديث عن خطط اللعب مثلما يفعل جمال مبارك الذي أصبح ضيفا علي كل
مباريات المنتخب القومي لكرة القدم وهو يمسك علم مصر ويهتف «زي ما قال
الريس منتخب مصر كويس» ولم يكتف بكرة القدم التي يلعبها علي طريقة «ابن
الناظر» ويتحدث عنها باعتباره مديرا فنيا لكنه انتقل إلي ملعب كرة اليد
وبمجرد ذهابه وجلوسه في المقصورة في نهائي كأس أفريقيا بين المنتخبين
المصري والتونسي ففرح الشعب التونسي بحصول فريقه علي كأس أفريقيا من
القاهرة لأول مرة في تاريخ اللعبة التي تعد مصر من أفضل دول العالم فيها..
ولو كانت مصر فازت لكانت نقلت لنا وقائع أن نجل الرئيس والسادة الوزراء
الذين يجلسون بجواره في المقصورة المخصصة لكبار رجال الدولة مجرد مواطنين
مصريين بسطاء يفرحون لفرحة منتخبهم وكأن هناك من شكك في وطنيتهم (رغم أن
الوطنية لا علاقة لها باللعب سواء كان يد أو قدم وإلا أصبح عدد كبير من
العلماء والمفكرين خونة) لكن في الوقت نفسه الدكتور البرادعي كرجل له ثقل
دولي لا يسعي لكسب شعبية وهمية علي حساب لاعبي الكرة.

4- العلم

في أحاديث الدكتور البرادعي لفت انتباه
الجميع بأرقامه التي يحملها في رأسه ولا يكتبها في ورقة أمامه ، تلك
الأرقام تجعلك تشعر أن هذا الرجل لم يغادر مصر ويعرف كل ما يحدث فيها رغم
مشاغله الدولية خاصة أنه يدرك أن الأرقام الحقيقية لا يمكن أن تحصل عليها
إلا من خارجها عن طريق الأمم المتحدة لتكون معبرة عن الواقع علي عكس
الأرقام التي ينقلها لنا أمين سياسات الحزب الحاكم والتي لا نعرف من أين
يأتي بها والغريب أنه لو نظر نظرة واحدة من سيارة سيادته لميدان العتبة
وقت الذروة سيخرج بعدها ببيان يعتذر فيه للشعب المصري عن أرقامه الحكومية .

5- الشعور بالفقراء

كل من سمع محمد البرادعي أو شاهده أو قرأ
له حوارًا أدرك منذ اللحظة الأولي أنه يضع الفقراء علي رأس أولوياته ويعرف
أعدادهم وأماكنهم ولديه تصور لحل مشاكلهم بل إنه يراهن عليهم ويشعر
بأهميتهم وقدرتهم علي تغيير الأوضاع القائمة والنهوض بالبلد في حين أن نجل
الرئيس مبارك لم ير الفقراء سوي من خلال الأشخاص الذين تقوم أجهزة الأمن
بإعدادهم لمقابلة سيادته في زياراته الميدانية ولم نسمع في حواراته – ولو
صدفة- سيرة هؤلاء الفقراء الذين ينتمي إليهم أغلب الشعب المصري – وإحنا
معاهم – وإن جاءت سيرة الفقراء نجد أنه يتعامل معهم باعتبارهم عبئا علي
الحكومة .

6- الشعبية

أربعة أيام منذ حضور الدكتور البرادعي
إلي مطار القاهرة يوم الجمعة الماضية ولم يظهر سوي في برنامجين فقط لكنه
استطاع تغيير مفاهيم كثيرة لدي المصريين بإجاباته الواضحة والرائعة علي
المذيعين ليكسب عدد ًا كبيرًا من المصريين دون أن يعتمد علي شيء سوي فكره
مما يؤكد أن هذا الرجل يمكن أن يكسب كل فئات الشعب في شهور قليلة وتوحيدهم
خلفه لكن علي الجانب الآخر نجد أن جمال مبارك لم يستطع كسب الناس في عدة
سنوات رغم تسخير كل وسائل الإعلام لخدمته وحديثهم عنه ليل نهار باعتباره
ملهما لكن شعبيته لم تتجاوز حدود مبني التليفزيون المصري الذي يخرج وزير
الإعلام بنفسه لاستقباله أمامه ويفرش له السجادة الحمراء .

7- الدستور

كلاهما يري أهمية تعديل الدستور وضرورته
ويعتبره علامة فارقة لا يمكن أن تستقر الأوضاع بدونه لكن فارق مذهل بين
الدكتور البرادعي الذي يريد تغيير الدستور من أجل مصر ونجل الرئيس الذي
قام حزبه بتعديل الدستور من أجله لذلك شعرت الناس بمصداقية البرادعي في
كلامه وتفاعلت معه وخرجت لاستقباله في المطار لترسل رسالة للنظام الحاكم
بضرورة التغيير وفي الوقت نفسه بعدم مصداقية جمال والتعامل معه باعتباره
وريثا

8- العلاقة بأمريكا

أمريكا تعرف البرادعي كرئيس لوكالة دولية
لها تأثيرها وتدرك قيمته كرجل يحظي بمكانة عالمية بارزة علي مدار سنوات
طويلة بينما تري جمال مجرد شاب يسعي لخلافة والده علي كرسي الحكم و ترحب
به إسرائيل وتري أنه الأنسب للمرحلة المقبلة في الوقت نفسه الذي تكره
البرادعي وظلت تحاربه طوال فترة رئاسته للوكالة الدولية للطاقة الذرية ،
وهي الدولة الوحيدة التي رفضت ترشيحه لولاية ثانية للوكالة .

9- الإعلام

وسائل إعلام دولة بأكملها لا تفعل شيئًا
سوي تلميع صورة جمال مبارك وإظهار إنجازات أمانة السياسات وقدرتها الخارقة
علي حل مشاكل المصريين بل إن كتبة الصحف الحكومية لا يكتفون بالتمجيد في
نجل الرئيس بل إنهم أيضا يسعون بكل الطرق لتشويه صورة الدكتور محمد
البرادعي الحاصل علي جائزة نوبل في السلام بعد أن كانوا يرفعون اسمه إلي
عنان السماء ويعتبرونه بطلا قوميا عندما كرمه الرئيس مبارك لكن – سبحان
مغير الأحوال- فجأة أصبح عميلا يحمل جنسية نمساوية لمجرد أنه فكر في ترشيح
نفسه لرئاسة الجمهورية.

10- الفكر

لا نشعر أن جمال يمتلك حاسة المفكر الذي
يضع يده علي أوجاع الناس وفي الوقت نفسه ليس خطيبا مفوها يستطيع جذب الناس
أما البرادعي فمن اللحظة الأولي تتأكد أنه ليس خطيبا بارعا لكنه في الوقت
نفسه مؤثرا بشكل لا مثيل له لأنه عقلية المفكر لا تحتاج إلي خطب تدافع
عنها فأفكاره تكفي وما خرج من القلب يصل إلي القلب أما جمال فمن الطبيعي
أن يحصل علي دروس في الخطابة لأنه من الممكن صناعة خطيب لكن من المستحيل
صناعة مفكر

دى حاجة بسيطة ... من اللى انا عايز اقولة
بس دا مقال قولت اعرضة عشان تبقى كل حاجة واضحة كويس

اما بخصوص اللى انتى بتقولى علية
( ان انتى مش معاية فانا مش فاهم بصراحة ) ممكن توضحى اكتر
لانى الفترة اللى فاتت ما كنتيش متابع لانى كنت مشغول بمشروع التخرج

وانا منتظر ردك ؟؟؟

بصوا انا اصلا مليش في السياسة ومش بحب اتكلم فيها لأني مقتنعة تماما ان مش اي حد يتكلم فيها.. بس انت بجد استفزتني بكلامك.. احنا بندور علي التغيير وخلاص مش مهم مين بس المهم نتغير زي بالظبط اللي حصل في الموضوع بتاع وزير التربية والتعليم قعدنا نقول الحمدلله ولما جه كلنا دعينا عليه..
يا تنين الموضوع مش سهل وبالنسبة للنظرة التشاؤمية اللي بتقول عليها دة الحقيقة والواقع وانا مش ضد التغيير لا بالعكس انا اتمني ان واحد زي عمرو موسي يتولي الرئاسة..

وحاليا من وجهة نظري اذا مكنش عمرو موسي يبقي جمال اولي لأنه شرب كتير من ابوه وفاهم برده كتير ومش لسة هيبدأ من جديد يفهم ويتخبط بينا ومازلت بقول ادعوا انها تفضل زي ماهيا ومتبوظش اكتر من كدة..

علي فكرة انا مع بي ام مهما اتكلم عن الفقر والفقراء فهو عمره مهيحس بيهم

وبالنسبة للخبرة فهو خبير بس في مجاله اللي هو العلم حتي لو ليه في السياسة مش قد السياسيين

اما كرة القدم فأنا مش شايفة ان دة حاجة وحشة ابدا يعني هو لو نزل الشارع يبقي فاضي وتافة وسايب السياسة ولو منزلش يبقي ميعرفش الشعب ولا ليه علاقه بيه.

اما العلم فانا معرفش درجة علمه بالظبط لكن اعرف ان جمال مثقف جدا جدا.

اما الشعبية بالنسبة للبرادعي كان لازم تبقي الشعبية كبيرة حد ناوي او بيفكر او او يدخل الانتخابات فالشعبية اكيد هتكون موجودة؟

اما الدستور انت معاك حق فية..

وعن العلاقة بامريكا فالكلام اللي ايوتا قصدها عليه يكفي ..

والاعلام معاك حق..

بالنسبة للفكر اعتقد برده ان جمال مش غبي..

اسفه لو كنت طولت و تقبلوا مروري..

يا عيونى دى هتولع

الله عليكوا انطلقوا نحو السياسة انطلقوا وعلى فكرة لازم يكون هناك صحوة سياسية

الله عليكم "منورين الموضوع والله

وعندك حق يابى ام لازم يكون فى صحوه وتفاعل ولو بالكلام
واشكرك على الرد ياتنين

وعن اخر الاخبار اللى انا اقصدها
ان امريكا مهدده الرئيس مبارك
لو اى حد اتعرض للبرادعى
معنى كده انك لما تبقى بلد ذى امريكا سندك للدرجه دى
يبقى انت اكيد هتنفذ حاجه هى عاوزها
انا كنت فاكره ان البرادعى جاى بامل استقلال
وخروج من تحت القبضه الامريكيه
مش جاى ادخل بمساندتها
انا كنت شايفه انه عنده جراه اكتر من عمرو موسى
مع علمى التام ان عمرو موسى سياسى لا يقدر
وكنت حاطه امل النهضه العلميه والحريه الفكريه بالبرادعى
بس بصراحه الامل ده راح
ولك ان تقنعى بالعكس
او توضح رأيك فى كلامى

ونورت انت وبى ام ونومى

بصى انا اصلا مش مرشح البرادعى من الاول

وعلى العموم جمال ممكن يبقى احسن علشان هو لو هيسرقهخا مش هييجى زى اللى هيبقى اول مرة يسرف طبعا انتى فاهمة

لان اللى هييجى هيعبى فى جيوب جيوب العيلة بتاعتهم والحمد لله الشعب بردوا مفحوت زى ما هو ويعانى بردوا بل ممكن يعانى اكتر من الاول

شكرا انا مش عاوز اطول عليكوا