اتفرج ياسلام ....... بيع الضمائر بكام

مــــا وراء الشــاشــــــه

يلا يا شباب
بصوا معايا اوى
كلنا بعد ما صحينا وغسلنا وشوشنا اللى تقطع الخميره مالبيت بالتكشيره المرسومه عليها دى
ياريت بقى نربع عالارض ونمسك اللابتوب
او حتى الكيبورد بتاع الجهاز اللى مطلعيين عينه
.............
قعدتوا وظبطوا القعده؟؟؟

طيب يلا معايا بقى ابتسامه حلوه كده يا جميله انتى وهو
هاهاهاهاهاهاهاااااا

بس ياريت ابتسامه صافيا علشان كل ما تضحك كل ما الشاشه هتبقى احلى

بعد ما ضحكنا يلا عالشغل
كله يمسك الميل بتاعه او الموقع المفضل لديه
سواء كان الفيسفوك
او تحيه شوك
او عبده بوك
كل واحد وواحده على حسب ميوله
والبنات بقى ما ننساش الطرحه والايشارب ابو اويه علشان الدماغ تبقى متظبطه وانتى عالشات

ابتسامه خفيفه يا شباب
وضحك متواصل
وياريت تلبسوا الماسك كويس
وتحاولوا تبينوا افضل حاجه عندكوا.....

ده لو كان عندكوا حاجه حلوه اصلا

وطبعا سيبكوا من الزعيق والنطر والشخط اللى بيحصل فى البيت
وخليك عسووووول وهادى
ورقيقه وبسكوته عالنت

اصل محدش شايفك
انتى بتتكلمى من ورا جهااااااااااااااااز
محدش واخد باله

يلا يلا هتكسبى وهتبقى ممثله فى اكاديميه الحياه
وانت اكيد هتبقى مخرج فى مسلسل فاشل اسمه مصالح الناس

خليكى بنت روشه

خليك شاب كوووووووووووووول

فى بجد ناس كده
اول ما تقعد ورا الشاشه تلبس الماسك
وتبدأ تمثل
وتضحك وتكتب
هههههههااااا
محدش شايفها بس هيا غير كده
تقول رأى وتحل مشاكل وتكتب وتكتب
تعيش دنيا غير الدنيا
وهيا اصلا مش كده فى الحقيقه

...............

بجد الناس دى مريضه وعيانه فى عقولها

وكل يوم بماسك
زى ناس كتير بنقابلهم فى حياتنا
ماسك ماااااااااااااسك

كل الماسكات بتتغير

هما مش بيزهقوا مالماسكات؟؟

وآسفه طولت عليكوا بس بجد موضوع يخنق

ليه الناس مش تبقى على طبيعتها

وتبقى قدام الشاشه

زى ورا الشاشه؟؟

ماسكااااااااااااااااات للبيع

وضماير للبيع

فى بجد ناس كده
اول ما تقعد ورا الشاشه تلبس الماسك
وتبدأ تمثل
وتضحك وتكتب
هههههههااااا
محدش شايفها بس هيا غير كده
تقول رأى وتحل مشاكل وتكتب وتكتب
تعيش دنيا غير الدنيا
وهيا اصلا مش كده فى الحقيقه

فى كتير كدة
كلامك جميل شكر لكى

شكرا ياتين علي مرورك

والله هو دا الى بيحصل فعلا مش عارفة لية الناس مش حبة تكون على طبيعتها هيخسروا حاجة بالعكس دا محدش شايفهم بس هما اتعودوا على كدا وشكرا على الموضوع

شكرا علي مرورك
ياهدي
وشكرا علي كلامك
عندك حق
مرسي

تين تين ما كلة بيتاكل فى الاخر

انا عمرى ما شفت كده
طب ما انتو اهو بتتكلموا وانا مش شايفاكوا
انتو كمان كده؟
وانا قاعده وماسكه اللاب بتاعى وبشوف حاجات تضحك واضحك
وقريت موضوعك واستغربت
وده تعبير صادق نكذب فيه ازاى؟
لان والله عمرى ما عملت حد بنيه صافيه وعاملنى غير كده
الناس اللى انتى بتتكلمى عنها
مش موجوده كتير
بس لو وجدت اثرها بيوجع
اسفه انى طولت
وشكرا هالموضوع

الله يكرمك

لا موطولتيش
عندك حق
الناس دي مع انها قليله بس احنا مش بنعرفها
او مش بناخد بالنا منها
وشكرا جزيلا علي ردكم

أسفة جدا ياتنين
وشكرا علي ردك

الموضوع بجد مثيروهو حال الخلق دلوقتى و انتى معاك حق والناس كلها بقيت كدة بس احنا منقدرش نغير طبيعة كل الناس بس نقدر نغير نفسا وبس هو دة حال الدنيا وربنا يبعدنا عن الشاشة من اساسة وشكرا

عندك حق ياروني
شكرا علي ردك
جزاك الله كل خير

بجد موضوع حلو وده ممكن اكون بشوفه كتير فى الحياه الطبيعية اللى انا عايشها
بجد الناس دى مريضه وعيانه فى عقولها

وكل يوم بماسك
زى ناس كتير بنقابلهم فى حياتنا
ماسك ماااااااااااااسك

كل الماسكات بتتغير

هما مش بيزهقوا مالماسكات؟؟

وآسفه طولت عليكوا بس بجد موضوع يخنق

ليه الناس مش تبقى على طبيعتها

وتبقى قدام الشاشه

زى ورا الشاشه؟؟ تقبلى مرورى

شكرا علي مرورك bmw
اتمني ان الناس تتغير
بس مش كل الا بنقابلهم كدا
فيهم ناس كويسين جدا ومن غير ماسك
مش ل الا بنقابلهم وحشين بل العكس
نحن نقابل من لا نتوقع منه شيئا ونراه يقف بجانبنا من دون طلب منه
ولو قابلنا ناس لابسين ماسك
من الممكن من خلال تعاملنا معهم نخليهم يشيلو الماسك ويتعاملوا معانا علي طبيعتهم

اولا كدا شكرا يا مشتاقة على الموضوع الجامد ده

بس بختلف معاكو شوية

انا راى ان الناس دى مش قليلة ولا حاجة

الناس دى فعلا كتير ومش بيلبسو الماسك ورا الشاشة بس

لا دول بيلبسوة كمان قدام الشاشة ققصد فى الحياة والتعاملات مع الناس

والناس دول فعلا بيبقو مرضى او خدو على كدا

بس مش حلو خالص ان الانسان يتصرف على غير طبيعتة

المفروض ان الانسان يتصرف عادى خالص بطبيعتة فى جميع الظروف

ماشى ممكن الانسان ميتصرفشى على طبيعتة فى ظروف معينة بس من غير ميكون للكلام ده ضرر او نفاق على حد يعنى يتصرف على غير طبيعتة فى سلوك معين

مثلا حد متعود ياكل عادى ودخل مطعم شيك الاكل فية بالشوكة والسكينة وحاول يتصرف على غير طبيعتة وياكل زى الناس الى حولة

اعتقد دا مش غلط بدام دا مش بياذى حد واعتقد ان دا تغير من سلوكياتة وممكن للاحسن

دا مجرد مثال مش اكتر

انما النوع الى انتى تقصدية ده دول مرضى وفعلا لازم يتعالجو وبيبقى عنهد احساس بالنقص بيعوضوه من خلال الماسكات الى بيلبسوها

وشكرا ليكى على الموضوع الجميل ده

أولا شكرا ليك جدا يابرنس علي كلامك الهايل ورأيك العظيم
وعندك حق
اكتشفت فعلا ان الناس الا بيلبسوا ماسكات مش من ورا الشاشة وبس دا يمكن قدامك كمان
ودا حال كثير من الناس
وربنا يستر علينا
وبتمني ان كل الناس تتعامل علي طبيعتها
وجزاك الله كل خير
شكرا علي ردك الرائع

» اتفرج على استادات مصر
» اتفرج ياعم على مشى البنات