قولوا رائيكم لو سمحتم

مش عارفة بس اعتقد كدا قليل جدا اللى ليه فى السياسة هنا واللى ليه اعتقد انه هيخاف انه يقول رأيه بصراحه فى اللى بيحصل " العمر واحد والرب واحد" فيه ناس ماشية بالمبدأ ده ولو فيه حد شايف نفسه مؤهل انه يتكلم عن الاوضاع السياسية يتكلم ومايخافش ههههههههههههههههه بس صراحة ياayota هتبقى عملتى انجاز لو حد قال رأيه بكل شجاعة وماهموش حد وانا احب ان التنين هوا اللى يتكلم ويبدأ يشجع وانا وراه والله بس حد يقول حاجة
وشكر ليكى يا ayota على الموضوع اللى هيخلى كل المنتدى يهج ويسيبه من الخوف من زوار الليل ههههههههههههههههههههههههههه

بمناسبة الاوضاع السياسية الحالية انا عارفة ان الدكتور محمد البرادعى مرشح نفسه للدخول فى انتخابات الرآسة القادمة وكنت بتفرج على اللقاء اللى الصحافية منى الشاذلى اجرته معاه وانصدمت من كلام الناس هم يبكى وهم يضحك فعلا الناس ماهياش عارفة مين الراجل ده وكان فيه واحد بيسألوه تعرف البرادعى قالهم ده مسلسل زى ذئاب الجبل كدا وكتير غيره ربنا يهدينا كلنا انا قصدى اقول ان الناس مغيبة عن دينها وعن حالها وعن سياستها كمان الشعب زااااااااااااااااااايط على الاخر

انا شايفه ان مؤهلات عمرو موسى افضل
لان بصرلحه انا معجبه جدا بيه من الثانوى
اما البردعى فهيحسن الناحيه العلميه
وينمى عقول كتيره ناجحه ويديهم مساحه للتنميه والنهوض
وكمان هو اشجع شويه من عمرو موسى
يبس مش سياسى ذيه


شكرااااااااااا ليكى
ويارب كله بقول رائيه بصراحه

بصى الحتة هنا مش حتة اعجاب هو راجل كويس ومكانته كويسة بصفته الامين العام للجامعة العربية بس مين اللى هيفيدنا اكتر ولو انتى تابعتى الحوار مع د احمد زويل كنتى هتعرفى اننا فعلا محتاجين دماغ علمية عشان بلدنا دى تتقدم واعتقد ان البرادعى هوا اللى هيكون الافضل والاحسن وربنا يولى علينا من يصلح

بصراحه شكرا ليكى انتى طرحتى موضوع جميل جدا وياريت يتنفذ فعلا هنا فى منتدنا

اما بقى بالنسبه للحديث عن الدكتور البرادعى فتواجهه معوقات كثيرة للترشيح للرئاسه المصريه وضعها امامه من يريدون ان يبقون على عرش مصر مهما طال العمر

اولا : المادة 76 من الدستور التى تم تعديلها على هواهم وتضع شروطا اشبه بالمستحيله لا بل هى مستحيله لمن يرشح نفسه للرئاسه بل ان النظام يريد ان يلعب ببعض الاشخاص ويجلعهم ايضا اضحوكه ليبين للعالم ان فى مصر ديمقراطيه

والدليل على ذلك الانتخابات الرئاسيه السابقه والتى كان يخوضها بعض المرشحين لايصلحون لتولى منصب رئيس مجلس محلى لقريه اساسا ولا يعرفهم الشعب فكيف ينتخبهم

ثانيا:الضغط الخارجى على مصر هل ترون ان العالم الغربى يريد اى تقدم للبلاد العربيه ..... هل ترون ان من مصلحه اسرائيل ان ترى ان رئيس مصر القادم يهتم بالتعليم وشعبه ويريد ان يضع مصر فى مصاف الدول المتقدمه ولا بلاش المتقدمه خليها الدول التى تسعى للتقدم

اعتقد بل متاكد ان الاجابه لالالالالالالالالالالالالالالالالالا

ثالثا : وهى اخطر شىء

ممكن نتجاوز عن اولا وثانيا
لكن ان نتجاوز عن عدم وعى وثقافه سياسيه للشعب المصرى بم يدور على الساحه الان .....................هذة هى ثالثا

كم من الشعب يعرف دكتور محمد البرادعى ...................................؟؟؟؟؟؟؟

كم من الشعب لديه بطاقه انتخابيه ؟؟؟؟؟؟؟؟؟؟؟؟؟؟؟؟؟؟؟؟؟؟

واسئله كثيرة تطرح نفسها؟؟؟؟؟؟؟ ولكن الاجابات صادمه للاسف


وبالمناسبه كنت اريد طرح سؤال سياسى معين على الرغم ان يخرج قليلا عن صلب الموضوع؟؟؟
(بما ان جماعه الاخوان المسلمين جماعه محظورة سياسيا واعمالها او الاشتراك فيها يعاقب عليها القانون لانها محظورة .....................فكيف ان النظام كله يعرف من هم اعضاء الجماعه بل من هو مرشدها ومخخطين سياستها ولا يريدون قمعهم مثلا _بعد الشر_

هل ترون اجابه لهذا السوال ............................... اننى ارى له اجابه

بما ان اى نظام سياسى فى اى بلد فى العالم له معارضه

فمن ترون المعارضه المؤثرة والاكثر نفوذا فى الشارع المصرى..............

بلا شك انها الاخوان الملسمين اما باقى الاحزاب فهم دمى فى مسرح عرائس يحركهم النظام

وبما ان العالم الغربى يخشى من سيطرة الحكم الاسلامى والشريعيه الاسلاميه على البلاد العربيه اجمع ومصر بصفه خاصه

فانهم لايريدون الاخوان الملسمين ان يصعدوا الى الحكم

وهنا تبدا اللعبه التى تحدث عنها الصحفى القدير والذى اقدرة جدا_ وكنت اتابع مقالته من ايام المدينه الجامعيه بشبين_

وهذة اللعبه التى يتبعها النظام

عندما يريد انا يعلم العالم ان هناك معارضه قويه فى الشارع المصرى وديمقراطيه يرخى الحبل للاخوان المسلمين ولا يضيق عليه الخناق ولكن عندما تستفحل الامور ويرى ان الاخوان وصلوا الى مرحله لايجب ان ياخذوا خطوة اخرى تليها يضيق عليهم الخناق ويعتقلهم مثلا حدث فى الايام الماضيه عندما اعتلقوا نائب المرشد لعام

فهكذ تظهر الصور للعالم ان مصر بها ديمقراطيه ولكن ديمقراطيه ينتج عنها بعبع الغرب هم الاخوان الملسمين والشريعه الاسلاميه

يعنى بالبلدى :عازين ياغرب تعرفوا ان فى مصر ديمقراطيه اه فيه بس خلى بالكم الديمقراطيه دى عملت الاخوان الملسمين ايه رايكم نكمل ولا.............................

ودا تعليقى واسف انى طولت

بس ادعلولى انى ما يمسكونيش بعد راى دة هههههههههههههههههه

مية مية يالينكس لا كمل وعلى صوتك ولا يهمك معااااااااااااااااااااااك
بس المشكلة اللى انا شايفاها حتى جماعة الاخوان المسلمين اتسيسوا بمعنى انها مابقتش زى الاول ونشاطتها قلت ده على الجانب اللى انا شايفاه وان كان ليها اثرها فى الشباب بس مابقوش زى الاول يعنى مثلا ابسط حاجة المجمع بتاع شبين ده كان مكان من الاماكن اللى كانت جماعة الاخوان ليها صوتها فيه وشغالين فيها شغل مية مية الكلام ده كان من حوالى 3 سنين كدا ونشاطات طلابية ومظاهرات اذا كان فيه داعى اما دالوقتى فبالبلدى " بخ" مابقتش اسمع عن اى حاجة بيعملوها خالص يااما انا اللى سمعى بقى تقيل وانا من اشد المعجبين لفكر الجماعة دى وان كان فيه بعض العيوب اللى فيهم بس ده مش معناه انها جماعة يستهان بيها على الصعيد المحلى والدولى واى نعم هيا جماعة محظورة بس حكومتنا مش هبلة عشان تعملها قمع انت عاوزهم يروحو فى داهية وامريكا تدخل وتقول مصر ماعندهاش ديموقراطية يللا ندخل نعرفهم الديموقراطية اللى على حق؟؟؟؟؟؟؟؟؟؟؟؟؟ وبصفة عامة انا مع اى حزب معارض بموت فى المعارضة وربنا يسترها علينا هههههههههههه
يااريت نتناقش ياجماعة فى الموضوع دا .....................................

elprince كتب:

اولا يا جماعة احنا عندنا نشرة الاخبار بتاعتنا

وبتعرفنا اول باول بالاحداث السياسية

يعنى احنا لينا كيانا السياسى من البداية

و كمان انتخابات اية الى بتقولو عليها

هوة البرادعى مرشح نفسة فى انتخابات مجلس الشعب !!!!!!

فلة يابرنس انت شكلك لسه ماصحتش من النوم وبعدين فين دى نشرة الاخبار

الله ينور عالساسه الصغار
احب اقولك ياصن ان اعجابى بعمرو موسى ناتج عن متبعتى ليه ولنشاطه واعماله من زمان
وحتى وقفاته فى جامعه الدول
بجد وقفات راجل مصرى بجد
وعن البرادعى انا من اشد معجبينوا وعارفه ازاى دماغه دماغ عالم مواطن مصرى
احنا من ابهر العالم واسدى له اعظم الاختراعات
ووهب للغرب اعظم العقول التى ساهمت فى نهضته
واما عن الاخوان فانا شفت فيهم الفتره اللى فاتت تضائل لدورهم
وانشغال معظمهم بالوصول للمناصب


بس والله نورتوا التوبيك
وشكرا ليك يا لينكس انت ومن اقدرها صن شاين
بس خلينا نقول
بكره احسن ان شاء الله

تقريبا اخر حاجه وصلها البرنس
انتخابات مجلس الشعب
عقبال مايوصل لانتخابات رئيس الفصل


نورت يابرنس

ayota el3sl كتب:

تقريبا اخر حاجه وصلها البرنس
انتخابات مجلس الشعب
عقبال مايوصل لانتخابات رئيس الفصل


نورت يابرنس

:55:55:

ayota el3sl كتب:

تقريبا اخر حاجه وصلها البرنس
انتخابات مجلس الشعب
عقبال مايوصل لانتخابات رئيس الفصل


نورت يابرنس

والله فى ابتدائى كنت علطول ببقى رائد الفصل يا ايوتة يا عسل

sunshine كتب:

elprince كتب:

اولا يا جماعة احنا عندنا نشرة الاخبار بتاعتنا

وبتعرفنا اول باول بالاحداث السياسية

يعنى احنا لينا كيانا السياسى من البداية

و كمان انتخابات اية الى بتقولو عليها

هوة البرادعى مرشح نفسة فى انتخابات مجلس الشعب !!!!!!

فلة يابرنس انت شكلك لسه ماصحتش من النوم وبعدين فين دى نشرة الاخبار

هوة انا لسة صاحى يا سان شاين بس هيا الانتخابات امتى علشان ابقى اروح اصوت


يوووووووووووووووووووووووووووووة



ابسطهالك




لا مش اصوت يعنى اصرخ لا يعنى اروح انتخب

بس ابقى قوليلى انتخب مين ورمزة اية

[quote="ayota el3sl"]الله ينور عالساسه الصغار
احب اقولك ياصن ان اعجابى بعمرو موسى ناتج عن متبعتى ليه ولنشاطه واعماله من زمان
وحتى وقفاته فى جامعه الدول
بجد وقفات راجل مصرى بجد
وعن البرادعى انا من اشد معجبينوا وعارفه ازاى دماغه دماغ عالم مواطن مصرى
احنا من ابهر العالم واسدى له اعظم الاختراعات
ووهب للغرب اعظم العقول التى ساهمت فى نهضته
واما عن الاخوان فانا شفت فيهم الفتره اللى فاتت تضائل لدورهم
وانشغال معظمهم بالوصول للمناصب

[/b][/quote
كلامك جميل يا ayota بس انا اعترض معاكى فى حاجتين اول حاجة مصر ماتوهبش علماء مصر للاسف الشديد بتتنازل عن ادمغة العلماء اللى فيها عن طريق حاجات كتير اولهم عدم اعطاء التعليم الحق الكافى من ميزانية الدولة كل العقول اللى شغاله فى مصر بتاخد باللى اختها دابت وتضطر تطلع برا عشان تلاقى اللى يوجها ويفيدها وعنك امثلة كتييييييييرة جدا مصر لا بتوهب ولا بتصدر اللى بيوهب ويصدر ده بيكون عنده فائض ومش محتاجله فبيقول اصدره واوهبه لغيرى يستفيد بيه وفى المقابل اانا هاخد من الاخر ده حاجة بس احنا للاسف عاملين زى " القارعة اللى بتتباها بشعر بنت اختها " قاعدين نقولى مصر عندها وفلان وفلان وفلان من ولادها وبنتباها انهم مصريين زينا بس للاسف ماقدمنلهومش اللى يخليهم هما كمان عاوزينه من اهتمام وعلم وفرص يقدرو يسبتوا بيها نفسهم هنا وسيبناهم يتلطمو برا دى اولا
اما الثانية
الاخوان نشاطتهم ماقلتش عشان اشغالهم بالمناصب لالالالالا خالص دول لو كانو اهتمو بالمناصب كان هيبقى على قلب الشعب زى العسل وانا مااسمعتش ان فيه عضو منهم مثلا عنده شاليهين فى مارينا ولا يملك فلل فى التجمع الخامس ولا الرحاب ولا مثلا واحد فيهم متحول للتحقيق عشان موضوع العلاج على نفقة الدولة ولا ولا ولا بالعكس انا بحس انهم بسطاء جدا جدا جدا حتى فى عيشتهم وان كان يوجد بعض الاشخاص اللى ليهم انتمائهم للجماعة دى زو سيط وشهرة وغنى وده مايعبهومش احنا دينا واسلامنا مش بيشجع على الفقر ولا بيحبه
بس انا شايفة ان الحكومة فعلا بدأت تشل حركتهم وتخليهم مقيدين بحركات الاعتقال والسجن وكمان المحاكمات العسكرية اللى طبقت على العديد من قيادتها هوا ده السبب اللى انا شايفاه ورا قلة حركة الاخوان المسلمين فى الفترة السابقة لكن سلطة وفلوس والكلام ده ف لآه خااااااااااااالص

elprince كتب:

sunshine كتب:

elprince كتب:

اولا يا جماعة احنا عندنا نشرة الاخبار بتاعتنا

وبتعرفنا اول باول بالاحداث السياسية

يعنى احنا لينا كيانا السياسى من البداية

و كمان انتخابات اية الى بتقولو عليها

هوة البرادعى مرشح نفسة فى انتخابات مجلس الشعب !!!!!!

فلة يابرنس انت شكلك لسه ماصحتش من النوم وبعدين فين دى نشرة الاخبار

هوة انا لسة صاحى يا سان شاين بس هيا الانتخابات امتى علشان ابقى اروح اصوت


يوووووووووووووووووووووووووووووة



ابسطهالك




لا مش اصوت يعنى اصرخ لا يعنى اروح انتخب

بس ابقى قوليلى انتخب مين ورمزة اية

باذن الله يا كمال فى شهر سبتمبر 2011 وياريت تبقى تعلى صوتك فى الصويت ساعتها ههههههههههههههه عشان اسمعك بس طبعا انت هتصوت من كتر الفرحة ؟؟؟؟؟؟؟؟؟؟؟؟ظ

اى خدمة يابرنس انت تأمر ولو تحب كمان اطلعلك بطاقة انتخابية ههههههههههههههههههههه بس انت ماقولتش رأيك ولا انت خايف ؟

انا قصدى المناصب داخل الجماعه
مش فى الحياه العامه
وعمتا انتى منوره برأيك فى كل الاحوال

وانت كمان نورت يابرنس
بس معرفتش كنت فى الاعدادى والثانوى أه؟

الله يسامحك يا أيوته انتى فتحت الموضوع ده عالمنتدى انشاء الله انشاء اللة رايحيين فى داهية بسببك
انا لسه عند رأى ياعمنا حسنى مبارك ياعمنا جمال ابنه ليه بقى ياأختى عشان اللى نعرفه أحسن من اللى منعرفوش ومش محتاجين حد يجى من الأول يمص دم الشعب من الاول وجديد كدا يبقى الشعب هيقول عفوا لقد نفذ دمنا أدى حسنى وعرفنا سياستة واطبعنا عليها الله أعلم باللى هيجى غيره حلو ولا وحش
وربنا يستر ياأيوتة ياعسل

ياااااااااااااااااااااااااااااااااااااااااااااااااااااا جماعة خلااااااااااااااااصة الموضوع


2الدولة هترجع بالنظاااااااااااااااااااااااااااااام الملكى من تااااااااااااااااااااانى والبركة فى الريس


اللى مش هيسيبها وجمااااااااااااااااااااااااال من بعده


وان شاء الله ابن جمال من بعده وعلى راى المثل جمااااااااااااااااال لو مسكها هيخربها

تقبلى مرورى

بيقولوا جمال السما انك قمرها


جمال العين انك نظرها


جمال لو مسكها هيجيب خبرها

وعلى فكرة الريس محمد حسنى مبارك ربنا يكرمه هيرجع النظام الملكى من تانى هو يسيب جمال يمسك جمال يسيب ابنه يمسك واحنى يا برنسيسة هنقعد نقول اللى نعرفه احسن من اللى ما نعرفهوش هههههههههههههه حلوة الكلمة دى اوى وعلى فكرة انتى بتقولى انك اتطبعتى على سياسة حسنى اللى هيا ايه اسرق الكبير يخاف الصغير زى ما احنا عارفين ان الجمهورية او المملكة منهوبة وساكتين ومش عارفين نتكلم وفى الاخر يرفع عنكوا الدعم وانتوا ولله الحمد تقعدوا تعملوا مظاهرات شوية والحمد لله رب العالمين ولا كأن كان فيه حاجه وفى الاخر تقولى اللى نعرفه احسن من اللى منعرفهوش والله احنا اللى نستاهل اللى ممكن يحصل لنا مهما ان كان ما احنا لو لينا راى كنا احنا اللى مشيناها كشعب مش كافراد وشكرا على الموضوع ده يا ايوتا وان شاء الله انا معاكى قولى وانا هرد باللى جوه القلب على فكرة انا مش بخاف

بس مين يسمع الردود دى
ومن يقدر يوصل ياbmw
ولو ان انا واثق ان الكل عارف الحقيقه والكل سلكت ومريح دماغه
واتمنى لوعندك اى موضوع عاوزنا نشارك فى قول
عاوزين نرتقى شويه بافكارنا
ونورت الموضوع