جاي مني من الكلية رايح فين علي السويسرية

امعلشي بقا يا جماعه هرزل عليكم شويه بس من اللي بشوفه من كل واحد خريج قسم ملابس ونسيج كل واحد بقا ليه هدف واحد بس الحمد لله ان هو ربنا يوفقه بعد ما يتخرج ويشتغل في مصنع السويسريه كل واحد يتخرج من القسم ياخود ورقه ويشد الرحال علي المصنع اللي فاتح دراعه للكليه بتاعت الاقتصاد المنزلي مش عارف هي مصر ما فيش فيها مصنع غيره بس بصراحه هم مش بيروحوا بمزاجهم هي بس اكمنها بتديق في وشهم قوي ما هو كل دكتور كان يخش يقولهم المصانع يامه وعايزين ناس ورسمين حياه ورديه بلاش ذكر اسامي دكاتره اكيد انتوا عارفنهم لانهم بيتعدوا علي الصوابع زي ما اللي في القسم بيتعدوا علي الصوابع بس الحقيقه بقا الموضوع كله ماشي بالمعارف والوسطه علشان لما تروح اي مصنع من اللي بتسمع عنهم في الكليه وتروح بنفسك يقولك عايزين عمال اما بقا قسم الباترون والعينات تخش فيه وتشوف الناس اللي شغالين فيه تلاقي ناس ملهاش علاقه بالملابس كماان اللي يزعلك ان هم دبلوم صنايع وزراعه بس ربنا كرمه بواحد دخله المصنع واتعلم لكن انت بقا اصبر علي ما تلاقي وسطه وخد دورات زي ما انت عايز برجتك برده هم عايزين عمال مكن ربنا يخلي الدكاتره بتاعت القسم

بص يا استاذنا اولا منور المنتدى بس انا هقول لحضرتك حاجه
السويسريه دى ومن الاخر كدة مصنع الرجال واكيد لو حضرتك عارف السويسريه كويس هتوافقنى فى الراى دة ثانيا معلشى في ناس خريجى الكليه مبداهم ان هما يروحوا السويسريه عشان يتعلم فيها سنه كدا ولا حاجه وبعدين يخلع يروح اى مصنع تانى ماشين بالمثل اللى من وجهة نظرى انا شخصيا فاشل (المصنع اللى اتعلم فيه ما اكملش فيه) بس انا شايف المثل دة(المصنع اللى بتتعلم فيه هتكبر فيه)اه نا معاك ان هما بيكوسوا وناس ملهاش علاقه بالمجال شغاله فيه معاك ومتفق معاك تماما بس طالما انت واى حد من اقتصاد منزلى واثق من قدراته ومحدد اهدافه اكيد والله هينجح وهيوصل

ممكن ادى لحضرتك امثله من الناس دى خريجه اقتصاد منزلى ووجهتها نفس الظروف
اولا_احمد الناظر اكيد حضرتك تعرفه
2_محمد الدكماوى رئيس قسم العينه بالسويسريه
3_اسامه_مدير مركز التدريب فى السويسريه
4_عمر ايمن باترونست الفورمال فى السويسريه
5_استاذ وهبه_مدير مصنع b.t.m
6_محمد عبدالستار_ رئيس قسم التفتيش(قسم اعلى من قسم الجودة) والوحيد فى جمهوريه مصر العربيه اللى بيفتش ويجود على شغل شركه الملابس الرياضيه العالميه (نايك) فى مصنع طاى فى مدينه نصر
7_محمد محمود عبدالستار _رئيس قسم الجربر بمصنع بيبى كوكا بالاسكندريه
8_احمد صابر_ المسؤل عن قسم الباترون بشركه جالك اسكندريه شركه تركيه فى برج العرب بالاسكندريه
يعنى الامثله كتير
معلشى واسف طولت عليك شكرا ليك ومنور المنتدى

الله يكون فى عون شبابنا شباب قسم ملابس ههههههههههههههههههه الحمد لله انا نواياها والنية لله انى ماتعتبش باب مصنع ان شاء الله بس ربنا يعينكو ويقويكو ربنا يرزقو "علمت ان رزقى لن يأخذه غيرى فأطمأن قلبى" بس هتعمل ايه ده حال بلدك كوسة على رأى المثل نهر النيل لو كان انعمل صلصة مش هيكفى الكوسة اللى ف البلد هههههههههههههههه
موضوعك جميل وربنا يرزقك انت وكل الشباب

علشان تعذرينا يا صن بس

والله عذاركو بدون اما تقولها مانا شايفة الحال هنا وفى كل حتة ربنا يقدملكو اللى فيه لخير يالينكس

واقف فى وش الرياح ماوجبش تكتيفك واجب تخلى الزمان يمشى على كيفك

واقف فى وش الرياح ماوجبش تكتيفك واجب تخلى الزمان يمشى على كيفك

واقف فى وش الرياح ماوجبش تكتيفك واجب تخلى الزمان يمشى على كيفك