قول بيتقالك ليك اية من الجمل دى ؟؟؟؟؟ وبصراحة

قول بيتقال ليك ايه من الجمل دى؟
اوعى خيالك المريض يهيالك انك ممكن تاخد منى فلوس تانى.

انتا مالك من ساعة ما دخلت البيت و انتا فرحان انتا جاي من انهي غرزة.

ذاكر ياموكوس مش فالح غير فى الهيافه والكلام الفاضى.

خلصي اكلك وناميلك شويه عشان تقومي تزكريلك كلمتين.

ذاكر ساعتين بتركيز كأنك ذكرت اليوم كلو (الغريب اما تقعد تذاكر ساعتين يقولو و هي دي مذكره).

مذاكرة ايه دي اللى على السرير.

يا ابني تعالي اقعد معانا ولا انت ماجر اوضه جوه البيت ......

ابقي نشف الحمام بعد ما تخرج منه.

يا خويا ياريتك حافظ الدروس اللى عندك زى ما انت حافظ الاغانى كده .

اعملى حسابك اول م الدراسه تيجى الرسيفر هيتشال هو والتليفزيون.

قبل الفجر: ارجع بات في المكان اللي انت جاي منه.

لو كانت اللي علي التليفون طنط سلوي قوليلها ماما نايمة .

ابقى قابليني بكرة تاخدي بالجزمة وتاكلي كل حاجة غصب عنك.

امشى جاتك مشش فى ركبك .

جتها نيلة الى عايزة خلف تيجى تشوف .

متحطيش الموبايل جنبك و انت نايمه هيجبلك تخلف عقلي .

متتأخرش وهات عيش وانت جاى .

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجيلك تخلف عقلي منه .

كل يوم هات هات لمة ربيتلى الهتهات (بابا طبعا) مع انى مش عارف اية الهتهات ده بس ماشية مع الجملة.

هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا بابا).

أوعا حد يضحك عليك ويقولك جرب السيجارة دي.

ابقى ورينى مين حينفعك فى الاخر من شوية الصيع الى انت مشيلى معاهم .

وطي المدعوق ده شويه .

مش ملاحقه علي التليفون ولا الموبايل عملالي فيها الست المهمه.

برة البيت بتضحك وجوة البيت لاوى بوزك ............ اما اشوف صحابك الصيع حينفعوك في ايه.

كريم دا عيل بايظ وماتمشيش معاه تاني .

مين منى دي انتى كل يوم تصاحبي واحدة جديدة ؟.

هياا الوزيرة معندهاش وزاره النهارده قومى يا حبيبتى الساعه10 .

انت مبتكلش جزر ليه .. اجيبلك برتقانه. طب كل سلطه .

قومي ساعدي امك ده اللي هيتجوزك أمه داعية عليه.

يا ابني حرام عليك الى بتعمله فينا ده.

لمى هدومك انتى مش عايشة فى زريبة بكرة اشوف بيتك هيبقى عامل ازاي.

ابقي قابليني لو فلحتي ...بس دايما مش بيقولوا نقابلهم فينّ!!! غربيه .

كفايه رغي في التليفونات .

اطفي التلفزيون وقوم ذاكر ولا و خش اوضتك .

بلاش تمشى حافى البس شبشب وانته داخل الحمام .

فلوسك بتروح فين يا هبله انتي بتصرفي عالشلة ؟

مع ان الواحد كل سنة بينجح و رغم كدة يقولولك ابقى تف على وشى لو نجحت .. كل سنة الكلام دة .

ماتتأخرش علشان عندك كلية بكرة بدرى.

انا عارفة ازاى ألمك .

انا : يوووووووو يا ماما بقى؟؟؟
ماما:مووو لمـا يــــــخدك .

ادلعى ياهبة فى ايامك المهببه .

ده منظر اودة بني آدم ، انت عايش فيها ازاي؟.

هو انا الخدامه الى ابوكم جابهلكم .

الى يطلع من الاوضه يطفى النور وراه .

أبوك عندك أهو اتصرف معاه .

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش .

يأبنى المذاكره مابتخلصش .... نفسى اشوفك مره ماسك كتاب.

اعمل حسابك مش حندخلك جامعه خاصه.

قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

مالكش دعوة بالسياسة .. وماتمشيش في مظاهرات .و امشي جنب الحيط .

احمد ربنا الاكل الى مش عجبك ده فى ناس مش لاقينه .

والله لو منضفتي المطبخ ومسحتيه ما فيش نزول النهرده .

قومي سخني الأكل لأخوكي.

ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر كده ؟؟
.
.

ذاكر ساعتين بتركيز كأنك ذكرت اليوم كلو (الغريب اما تقعد تذاكر ساعتين يقولو و هي دي مذكره).

مذاكرة ايه دي اللى على السرير.
بس مبتبقاش على السرير بس بصراحة وبتبقى تحت البطانية كمان

ابقى قابليني بكرة تاخدي بالجزمة وتاكلي كل حاجة غصب عنك.

هياا الوزيرة معندهاش وزاره النهارده قومى يا حبيبتى الساعه10 .
بس مبتبقاش عشرة بالظبط يعنى دايما يقولوا الاستاذة او الوزيرة

قومي ساعدي امك ده اللي هيتجوزك أمه داعية عليه.

والله لو منضفتي المطبخ ومسحتيه ما فيش نزول النهارده .

موضوع لذيذ جداااااااااااا
شكراااااااااااا تنين

انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض. الجملة دى انا الى بقولها لاخواتى

اللي بيشيل قربه مخرومة بتخر عليه لوحده .. دى بقى ماما بتقولهالى

اوعى خيالك المريض يهيالك انك ممكن تاخد منى فلوس تانى. دى اخويا بيقولهالى لما اكون عايزة اضحك علية واخد منة فلوس اصل من يوم ما خلصت وانا مفلسة وطبعا بقيت الجمل كلها بتتقال لاخويا والحمد لله
بس موضوع جميل جدا

( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر كده ؟؟

مالكش دعوة بالسياسة .. وماتمشيش في مظاهرات .و امشي جنب الحيط .

احمد ربنا الاكل الى مش عجبك ده فى ناس مش لاقينه .
الحمد لله

كفايه رغي في التليفونات
قومي سخني الأكل لأخوكي.
والله لو منضفتي المطبخ ومسحتيه ما فيش نزول النهارده .

ذاكر ياموكوس مش فالح غير فى الهيافه والكلام الفاضى.
لما بكون قاعد على الجهاز هههههههه

ده منظر اودة بني آدم ، انت عايش فيها ازاي؟.
دا اكتر جملة امى بتقالهالى

ممكن سؤال ياتنين
هو انت عايش معانا في البيت ولا ايه
كل الجمل دي باللفظ باسمعها
تقريبا كان فيه مدرسة زمان لتحفيظ الجمل دي

يجعله عامر

هههههههههههههههههههههههه
ما المنتدى دا بيتنا التانى يا روميل

ومنور الموضوع

حلو يا تنين الموضوع ده

جتها نيلة الى عايزة خلف تيجى تشوف . بتتقال لعبدو ابن اخويه لانه دايما بيعيط

وطي المدعوق ده شويه .

مذاكرة ايه دي اللى على السرير.

قومي سخني الأكل لأخوكي.

جتها نيلة الى عايزة خلف من عينتكوا

ملكيش دعوه بحد وشوفى مصلحتك

متكلميش حد فى التليفون ومترديش على رقم غريب

sama كتب:: ذاكر ساعتين بتركيز كأنك ذكرت اليوم كلو (الغريب اما تقعد تذاكر ساعتين يقولو و هي دي مذكره).

مذاكرة ايه دي اللى على السرير.

شكراااااااااااا تنين

( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر كده ؟؟

مش ملاحقه علي التليفون ولا الموبايل عملالي فيها الست المهمه

انت مبتكلش جزر ليه .. اجيبلك برتقانه. طب كل سلطه " و اللبن هتشربيه غصب عنك كلى جبنة عشان الكالسيوم ياهبلة يامدوخاااااااااااااااانى والله لو ماشربتى اللبن ماهطلعك للكلية وانا قاعدالك ومش هروح المدرسة يانا ياانتى"

قومي ساعدي امك ده اللي هيتجوزك أمه داعية عليه.

هههههههههههههههههههههههههههههههههههههههههههههههههههه ايوة ايوة دى حفظاها خلاص لدرجة انى صدقة انه ياعينى هيكون من المعذبون فى الارض بسببى
شكرا ليك ياتنين موضوع لذيذ وفيه حاجات تانية كتيرة بتنقال وماخفى كان اعظم ههههههههههههههه بس بجد الحمد لله على نعمة الاهل دى فى حد ذاتها نعمة والله واكيد ده كله ف مصلحتنا ماعدا الفلوس طبعا فى مصلحتهم هههههههههههههه

يا ابني تعالي اقعد معانا ولا انت ماجر اوضه جوه البيت ......
دا عشان انا بحب اعقد فى اوضتى كتير
تقريبا ماما بتغير من اوضتى دى
واحنمال تجبلها قرار ازاله
ههههه

ههههههههههههههههه

نورتوا يا جماعة

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجيلك تخلف عقلي منه .

مذاكرة ايه دي اللى على السرير.

يا ابني تعالي اقعد معانا ولا انت ماجر اوضه جوه البيت ......

موضوع حلو تسلم ايدك

تقريبا الكلام ده كله بيتقالى لغاية ما زهقت من البيت واللى فيه

اعملى حسابك اول م الدراسه تيجى الرسيفر هيتشال هو والتليفزيون
دا لاني اوداموا في الاجازه ليل نهار

كفايه رغي في التليفونات .
صوحابي بئا

قومي سخني الأكل لأخوكي.
دي ديما بابا يقولهالي

عشان كده انا بئا اللى بقول لاخواتي
هو انا الخدامه الى ابوكم جابهلكم

مذاكرة ايه دي اللى على السرير
الجملة دى ماما دايما تقولهالى بس برده بزاكر ع السرير وبعدين هو فى احلى من مزاكرة السرير وياسلام بقى لو تحت الباطنية

الى يطلع من الاوضه يطفى النور وراه
ودى كمان علطول بسمعها من ماما بس برده بطلع واسيب النور والمروحة شغالين

موضوع جميل يا تنين
تسلم ايدك يا باشا

ثانكس اووووووووووووول على مروركم

ودى من الجمل اللى بتتقالى

ابقى ورينى مين حينفعك فى الاخر من شوية الصيع الى انت مشيلى معاهم .

وطي المدعوق ده شويه .
ههههههههههههههههههههه

» اي الجمل ستختا ر ؟؟؟؟؟
» ما هو اكثر ما يؤلمك في الجمل التاليه !!؟؟
» 06 اشهر الجمل اللى بيقولها الابهات والامهات هههههههه