هعيش بيك او من غيرك

هعيش بيك او من غيرك انا هعيش

واو كان قلبى فى الحب عندك ما يساويش

وهداوى بايدى جرحى وما يهمنيش

هعيش

وهكون اقوى انا من اى ظروف

ولا يوم هسمح يبقى فى قلبى مكان للخوف

ولا هرجع لما اشوف عنيك وابقى ملهوف

وهعيش بيك او من غيرك انا هعيش

وهنسى الجرح اللى سبته زمان ومشيت

ولا عمرى ما هفتكر حد ما حبنيش

اه هعيش وهنسى ولا هرجع لو حتى شكيت

للناس ولكل واحد شاف عنيك

اه ما هى ديه النهايه مخلاص نسيت

وهعيش

اثير وسفير الغرام

اه هعيش وهنسى ولا هرجع لو حتى شكيت

للناس ولكل واحد شاف عنيك

اه ما هى ديه النهايه مخلاص نسيت

ملهاش حل تحفة تسلم ايدك

جميله اوى يا سفير تسلم ايدك

هو انت سفير ولا اثير

شكرا جى جى وانت يا شاعر

وعلى فكره انا سفير واثير الغرام وكل اللى اتكتب باسم اثير انا اللى كاتبه

وشكرا ليكم

بقولك ايه يا سفير

انت بتكتب كويس

تحب تشترك معايا فى نقابه المنسيين العرب

ولا اقولك نقابه المظلومين العرب

ولا نقابه اللى بختهم قليل

ولا تشترك فى نقابه المحرومين من الابداع

ماشى يا شاعر انا معاك بس انا عايز نتعرف اكتر

ولا نقابه اللى بختهم قليل هترفض تعرفنا هههههههههه

بص يا شاعر احنا ممكن نكون بنكتب ومفيش حد بيبص لينا بس احنا بكره واحنا المستقبل

وعلى فكره انا فى الاول كنت بخاف اكتب حاجه فى المنتدى وما زلت بخاف انت طبعا عارف ليه

علشان كده احنا لازم نعمل حاجه ويمكن ده اللى انا بحاول اعمله دالوقتى

وما دام فيه امل يبقى بكره احلى وانا متفائل دايما والحمد لله

وشكرا على الدعوه هههههههههه

امل

امل ايه يا بنى ده ولا فى امل ولا سعاد ولا سوسن حتى

احنا عايشين فى ميه البطيخ

او الكوسه مغرقانا

سعد زغلول قال.. مفيش فايده....

صفيه قالت له....نحاول يا سعد... بس الكلام ده امتى مكنتش الكوسه لسه طلعت زهرها

انما دلوقتى الكوسه مغرقه الاسواق

فهمتنى يا سفير

اقولك نصيحه خليك متفائل زى حضرتى كده

بص انا هقولك على حاجة يا شاعر الغرام ... مع انى معرفكش

انت شكلك الدنيا عمالة تشيل وترزع فيك

معلشى هى دى الدنيا ومافيش جديد وهتفضل كدة طول عمرك
وعايز اقولك على حاجة كمان لو انت معاك فلوس مش هتبقى مرتاح
ولو مش معاك فلوس بردة مش هتكون مرتاح بردة
وطبعا انت فاهم الكلام دا

كلنا بنسعى وراء السعادة
اى شخص فى العالم بيسعى وراء السعادة
وعلشان تبقى سعيد لازم تكون متقبل الوضع اللى انت فية اى كان الوضع دا

وبردة عايز اقولك خاليك متفائل علشان تتطور من نفسك
وحاول تحقق احلامك وطوحاتك
وقسم طموحاتك على فترة من الزمان وحاول تحققها جزء جزء وفى الاخر ان شاء الله هتوصل للى انت عايزة

ومتزعلشى لو ان الناس مش مقدرك دلوقتى و ومتزعلشى بردة لو محققتيش حاجة دلوقتى ... لسة ربنا ما شاء شى

بس قبل دا كلة لزمان تكون انت متمكن من الموهبة اللى ربنا ادهالك وتنميها كويس
ولازم تجتهد وتكتب الحاجة الهادفة
وقبل دا كلة ترضى ربنا ويفيد الناس والامة الاسلامية

انا عارف انى طولت عليك و هتزهق من الكلام الطويل اللى انا كاتبة
على العموم .... الدين النصيحة

ويا رب اكون غيرت فكرة من افكارك التشاؤمية
وسورى على ان كانت اللغة مش قد كدة
على ادنا بقى

كلمة اخيرة
أن البدايات تحتاج إلى عزيمة وهمة وقوة إرادة ثم تتيسر الأمور بأذن الله وتجري كما تجري الأنهار بسهولة وسلاسة ..

شكرا

ليك يا تنين

على كلامك وعلى روحك الطيبه دى

ان شاء الله هنحاول انا والقاضى نشوف لينا اى مصلحه وهو عارف كده كويس

والحكايه كلها بالنسبه لى مش حكايه فلوس

انا نفسى الناس تقدر موهبتى

او تعرفنى

مش شرط انهم يمشوا يشورو على ويقولوا محمد اهو دى مش عايزها خالص

انما انا بدور على حاجه أكبر من كده بكتيييييييييييييير

ان شاء الله ربنا هيقف جنبى

ان شاء الله ربنا يوفقك انت والقاضى

كلام جميل اوووووووووى يا سفير
بجد انت شاعر محصلتش
ربنا يوفقك يا سفير
انا بجد اول مرة اعرف ان احنا معانا ف الكلية شاعر زيك
شكراااااااااااا سفير

شكرا ليكى يا كنزى ويارب اكون استاهل الكلام الجميل ده

على فكره يل تنين انت ما تعرفشى حاجه انى انا ومحمد اصدقاء من زمان وطريقنا واحد بس هو كان بيرخم شويه وعلى العموم شكرا ليكم بجد ببقى سعيد لما الاقى ردودكم اللى دايما بتخلينى اكتب كمان وكمان شكرا ليكم

شكرا ليك يا سفير