نظرة الى المستقبل

بصوا ياجماعة انا كان الموضوع دة فى دماغى نظرا للتجمع اللذيذ بين البنات والشباب
وان كلنا او معظمنا لسا مش مخطوب او مجوز طبعا فكل واحد نفسة يشوف حاجات فى مراتة
او خطيبتة او ام اولادة حاجات حلوة وحاجات مش عايز يشوفها يعنى وحشة وكذلك البنات
فنفتح الموضوع للنقاش فية لان فى حاجات ممكن تكون فى الانسان هو مش شايفها الا لو حد ادالة اهتمام بيها
وكذلك فى حاجات فى الشباب وحشة البنات هى بس الى شايفها او العكس فكل واحد يدى راية
انا حاسس ان الموضوع هايعجبكوا لانة استفادة فى اسلوب ظريف بس ياريت الاهتمام بية
فمثلا واحد يقول مثلا انا عايز مراتى متسالنيش انا رايح فين او جاى منين والتانى لا واحد يقول انا عايز مراتى تمتص غضبى والفكر مختلف طبعا فارجو الاهتمام



مطولش عليكوا [center]

انا اريد انا تكون زوجتى محترمة ومؤدبة واهم حاجة مطيعة لله وصبورة على المشاكل

جميل كلامكوا ياسما انتى وفيكا

شكرا ليك ياتنين انا لسا مستنى الباقى عشان نفتح باب النقاش

يعنى محترم متدين يراعى ربنا فيا يعامل اهلى كويس ويكون طويل

جميل

طيب ياجماعه نبدأ من مرحله التعارف هل الناس موافقه ان الواحد ممكن يتعرف بالبنت قبل الخطوبه انه يقبلها ويسالها ويتفق معاها ولا يدخل البيت علطول
اعرف وجهه نظركوا وبعدين اقول وجهه نظري

انا من راى الشخصى انه يدخل البيت علطول وبعد ما يخطبها يبقى يخرج معاها براحته
وبعدين هما عملوا فترة الخطوبة علشان يتعرفوا على بعض وكل واحد يعرف شخصية التانى
هى دى وجهة نظرى وكل واحد له وجهة نظر خاصة
وشكرا على الموضوع

شكرا ليكى ياكنزي واستنى الباقى وبعدين اقول وجهه نظري

الشكر لله يا سيمبا
واحنا فى انتظار وجهة نظرك

انا قصدى ياكنزى انهم يشوفوا بعض ويكون فى موافقه مبدأيه بدل ما يدخل البيت ويترفض فى حاله الرفض منه او منها بتسبب ضيق للى اترفض مثلا هتقول شكلى وحش طب معجبوش اهلى طب انا فيا حاجه غلط وكده وهو برده وبعدين المقابله بينهم هتكون الوالده او الاخت وكمقابله عادي
الحاجه التانيه فى أماكن الناس عرفا بعضها فممكن الرفض يسبب المشاكل انا مبمانعش دخول البيت طبعا بس لو اتيحت الفرصه دي لحد ميرفضهاش وتقبلو رأيى وياريت باقى الأعضاء تقول رأيها وشكرا ياكنزي ع الأهتمام

العفو يا سيمبا وشكرا ع وجهة نظرك
بس بردو انا من رايى انه يدخل البيت اولا وبعد كدا يبقى يتعرف عليها
ولو اترفض يبقى دا نصيبة وزى ما بيقولوا كل شئ قسمة ونصيب
ولا ايه ؟؟؟؟؟
وشكرااااااااااااااااااااااااااااااا

انا معاكى فى الرأى يا كنزى
وشكرا ليك يا سمبا

شكرا لمتابعتك يادينا وانا عايز افتح ف مواضيع تانيه مشتقه من الموضوع بس احب اعرف رأيكو الاول وابدأ ف المناقشه

اوكيك يا سيمبا

وياريت علشان نستفاد