الخميس الساعة 3 صباحا
وانا راجع بالليل وداخل الشقة يادوبك لقيت صويت فوق السطح
طلعت جري علي فوق والعمارة كلها خرجت ودخلنا السطح وعينك ماتشوف الا النور الله يسامحها الدراع اليمين بعد مانفذت كلامها وعملت عشة للفراخ فوق السطح لقيناها واقفة وماسكه عصاية الغلية بايدها اليمين وفي الايد التانية عينك ماتشوف الا النور ماسكة رقبة واحد راجل علي السطح وبتقول حراميييييييييييييييييييييييييييييييي
والشاب ياعيني ماسك دماغة وايديه مليانة دم
بنت الايه المفترية ادتو علي دماغة خبطة بالعصاية سيحت دمه
انا مفاصلي سابت واكيد الناس كلها
اتلفت ابص حوالي اشوف اسامة ولا جاسر ولقيتهم زي مندهشين من اللي بيحصل اما بقية المفتريات فكان منظهرهم عجيب يخرب عقلهم ميتين من الضحك
وكر كر كر كر
مش ممكن
هب هب لمينا الموضوع وسلكناه من ايديها بالعافية وقلنا خلاص ياواد مش هتسرق تاني ؟؟؟
قال خلاص حرمت والله يابهوات
قلناله خلاص ياويلك لو جيت هنا تاني
ونزلت انام وقلت ربنا يعديها علي خير من بيت المفتريات ده
الساعة 9 صباح الجمعة
اتفزعت وصحيت مفزوع من كابوس كنت بحلمه بس المرة دي صحيت علي صوت خبط علي الباب
بس اقولكم الكابوس عبارة عن ايه بالضبط خير اللهم اجعله خير العمارة بتقع وانا جريت بسرعة علي السطح الحق الفراخ الغلابة اللي فوق قبل ماتموت
انا طالع علي السلم قفشتني المفترية الدراع اليمين
وكلبشت في لياقة القميص
راح فين ياض؟؟؟ ايه ياستي رايح الحق الفراخ
فراخ مين ياواد تعالي حول معانا العفش قبل ماالعمارة ماتقع
قلت لها ياستي انا مالي انا مش شيال عندكم
شدت زيادة علي اللياقة وقالت هتشيل يعني هتشيل الحق الميكرويف والدش والغسالة الاوتوتوماتيك
بصراحة استسلمت وقلت مفيش مشكلة جايز احتاج لقفاها بكرة ودخلت ولقيت المفاجاة؟؟؟؟؟؟ البيت مافيهوش غير كنبتين بلدي وباجور جاز
جريت وقلت لنا ماشيلش كنب
مسكت رقبتي زيادة ومش عاوزة تسيب
والحمد لله صحيت من النوم في الوقت اللي كانت روحي هاتطلع فيه
بخبخت علي الشمال واستعذت بالله من الشيطان وشربت بق ميه وفتحت الباب
لقيت جاسر ادامي بيعزمني علي السبوع النهاردة بالليل
المهم هناته وقلت ان شاء الله اكون موجود
الساعة 7 مساء الجمعة
بسم الله ماشاء الله العمارة كلها كانت موجودة عند جاسر وبداو المفتريات يغنوا ومسكوا الهون وبداو يدقوا فيه وفي دماغنا والله يسامحها امل
قعدت ترش ملح لحد ماغرقت هدومنا وبهدتنا غير اللي عينه انطرفت منه وقعد طول الليل يحط كمدات ميه دافيه
الاغرب بقي بركة البيت خديجة
قعدت تطلع من ايدها البخور وترشه علي النار والدنيا تدخن وهم يضحكوا واحنا نتخنق ونكح وكل شوية تزود والدخان يزيد والصوت يعلو طش طش طش طش
انا حسيت انهم متعودين علي الموضوع ده
بصراحة قلقت زي مايكون متعودين علي حلقات الزار
ربنا يستر
بعد ماالدنيا سكتت قعدنا كلنا الازواج والزوجات الكل بيتكلم وبيهزر وفتحنا موضوع الرومانسية سوا كلنا وازاي ان الرومانسية ممكن تكون موجودة في اي بيت وباي شكل ولاني المفروض رومانسي البيت فاخدوا راي
وان كان لي وجهة نظر عملية قبل وااقول راي فقلت لهم انا هاكتب 3 ورقات كل ورقة فيها جملة رومانسية ونشوف هل ياتري الجمل دي ممكن لو حد قالها لزوجته هترضي غرورها وتقول ان الرومانسية موجودة
و3 اتقدموا
صاحبة البيت بلبسها الغريب اللي كله فراعنة ده
ونعنوشة البيت اللي كل مااشوفها احس انها هاتزغرد وهتطلع بالونات من جيبها
والدراع اليمين
وعملت الورق فعلا وكل واحدة منهم اختارت ورقة
تقدمت صاحبة البيت ولانها صاحبة البيت فكان التقدير واجب من اخمص قدميها حتي ام راسها وفي الورقة استعرت جملة الرومانسي الاول في مصر عبد المنعم مدبولي في فيلم مطار الحب لما زحف علي بطنة تحت رجل الست وقال::
مدام جمال جزمتك يدل علي انوثة طاغية
الكل بدا يضحك
بعد كده تقدمت نعنوشة البيت ولانها نعنوشة فقلت لازم يكون في الجملة تناغم موسيقي فاستعرت جملة الدون جوان فؤاد المهندس في فيلم عائلة زيزي لمل قابل خطبته وقال::
اول ماشفتك حبيتك .. لهاليب الغرام قادت في قلبي
والحال من بعضه الكل ضحك
اما الدراع اليمين لما اتقدمت فكان لازم اهدي الجو معاها فكتبت ليها قصيدة بجد وقلت في الورقة
هاانا اقف الان سيدتي امام بابك
علي المح من شباكك عينيك
فادرك ان النهار قد حل
وان النور قد لمس عيني
واي نور انها الشمس بذاتها
ماهذا اين اقف انا
لقد كنت ادرك انني اقف امام باب بشر
لكني اقف امام باب حورية من الجنة
اهذه الجنة؟
لا انها الحورية
تقف خلف الشباك
تنظر الي تتملقني
ولماذا اتريد ان تقرر ااستحق النظرة ام لا؟
لا انا استحق
واكثر من النظرة
فانا فارس
امامها عبد
لكني امام غرورها فارس
ارتدي كل دروعي
وامتطي فرسي
الذي طالما خضت به المعارك
ستفتح شباكها نعم ستفتح
وستنزل
وتقول لي انا لك
بقلب وعقلي
بروحي نعم
وانا انتظرها الان
فانا مازلت فارس
ومع اخر كلمة من كلماتي انقطع النور
وسمعنا صوت في العمارة اللي جنبنا
حرامييييييييييييييييييييييييييييييييي
في النهاية
هل معاني الكلمات بتفرق بين الرجل والست في التعامل
هل الرومانسية لها شكل معين بتحبه الست من الرجل علشان يرضي غرورها
ولو كنت غير قادر ان اقول شعر فمن الممكن ان تقبلني الست بدون اي مقارنات مع ناس تانية بيعبروا عن رومانسيتهم بشكل جميل؟؟
اكيد بتفرق بينا كافراد لاننا مش زي بعض اكيد
لكن رايكم هو اللي هيبين
