ممكن اسال شوية اسئلة بس نجاوب بصراحة

كلنا متفقين ان الحب شئ جميل,,
و ان الانسان لما يحب بجد و يلاقي اللي يبادله الحب ده
بيبقى مفيش احسن من كدة،،
بس هنا نيجي للسؤال :
هل نظرة أهلنا للحب هيه نفسها نظرتنا ليه ؟
يعني مثلاً لو حد فينا راح قال لوالده او لوالدته
"انا بحب فلان يا بابا !!!"
تفتكروا ايه هتكون ردة فعل الاب ؟
.::في ناس::.
بتفضل انها تقول الحجات دي للأم اكتر
باعتبارها هتتفهم الموضوع
.::و في ناس::.
والدهم اقرب ليهم من اي حد
و في رأيهم الاب هوه الاقدر على النصيحة في المواضيع دي
.::و في ناس::.
بتفضل انها تخبي الموضوع عن الاتنين
و اعتقد كتييييير مننا كدة
أو أغلبنا
و معظمنا كمان بيفسر حكاية رفض بعض الامهات و الابهات للحب
بانهم مش فاهمينه
او بانهم من جيل قديم
او انهم مش عارفين معنى الحب و مش مقدرينه
مع ان مفيش اب و ام يكرهوا لابنهم الخير
عمرنا فكرنا مرة ان رفض الاب و الام لمبدأ الحب مثلاً
ممكن يكون خوف علينا ؟؟
او ممكن يكون الانسان او الانسانة اللي بنحبهم مش مناسبين لينا ؟؟
عمرنا فكرت ان ابوك و امك شايفين الحياة بعدسة احسن و اكبر من عدستك ؟؟ و يقدروا يحكموا ع الناس و طبائعهم كويس؟؟
عمرنا فكرنا ان ممكن نكون احنا اللي مش فاهمين الحب و فاكرين اننا بنحب بجد .. لكن في الحقيقة احنا عايشين وهم كبير ؟؟
دلوقتي بقى :
عاوزة اسأل شوية أسأله و ياريت تجاوبوا بكل صراحة
هل انت شايف ان انت فاهم معني الحب .. و ان الحب اللي بتحبه مش مجرد فترة وهتعدي ؟؟
هل انت لو حبيت حد هتقول لأهلك و لا هتخبي عنهم ؟؟
طيب لو خبيت عنهم .. هتخبي عنهم ليه ؟؟
و لو صارحتهم .. هتصارحهم ليه ؟؟

موضوع جميل يا جى جى وكلامك رائع
وانا معاكى فى كلامك ان معظم الشباب بيخبواعلي اهلهم موضوع زى ده بس انتى عارفه ليه؟ علشان ده موضوع غلط والغلط الى فيه اختيار الوقت لان معظم الشباب بتجهوا للموضوع ده فى مرحلة الجامعة والمرحلة دى بتكون مرحلة انتقالية للشاب وفيها عدم استقرار وتفكيره وارائه بتتغير فيها اكتر من مرة وبيكون غير قادر على اخذ قرار صائب وده السبب الى بيخلى الاباء يرفضوا الموضوع ده
وبالنسبة لاجابة اسألتك وبالنسبة ليا
من الافضل ابتعاد البنات عن الموضوع ده لغاية ما يكون فى موضوع رسمى ويكون الاهل على علم به
وبالنسبة للاولاد لو اعجبوا فعلا بواحده معينة اعتقد ان احسن حل انه يخلص دراستة ويتقدم لها رسمى وبلاش يكلمها او يعرضها لمشاكل
والله اعلم

شكرا رايك حلو اوى يا دينا

المفروض الولد يخش الباب من بيتة

هههههههههههههههه

اية يا تنين هو انا غلط ؟

لا يا جى جى مش غلط


انا اضطرت اجدد القديم

انا شايفه اننا فاهمين الحب كويس جداااااااا
والدليل على كده ان كل حد لبتسلى عارف انه بيتسلى
واى حد نفسه يكمل ونفسه فعلا يرتبط بيعمل لده
اما لو حبيت هقول او لا؟
فانا فعلا اول ما ارتبطت قلت لماما ولكل اخواتى
بصراحه انا عندى ام واب واخوات ربنا يخليهم ليا يارب
والانسان اللى كنت مرتبطه بيه ذيهم بردوا
وقلت ليه؟
والله انا مبعرفش اخبى عنهم حاجه
وغير كده مكنتش عاوزه يبقى عندى حاجه اخاف منها
طولت معلش
بس موضوع جامد جى جى

مبقاش فى حب اليومين دول على فكرة يا جى جى وعلى فكرة من الصعب ان الواحد يلاقى واحدة تحبه وهو يحبها ويكون بيلعب عليها بس بامانه انا اول ما احب بقول لاختى لانها الوحيدة اللى بتسمع ليا فى البيت يخلاف امى وابويا وربنا يخليلك بابا وماما يا ايوتا


تقبلوا مرورى

بصى يا جيجى انا معاكى ومع دينا فى رأيكوا
والكلام الى قالته دينا كلام منطقى و عقلانى
بس فى ناس تقدر مصرحش بمشاعرها و فى ناس
لا ممكن تصرح كنوع من الراحة النفسية على الاقل
و مفيش مشكلة انه يصارح اهله لانه فى الاول و الاخر هيقولهم
ايوه هيحصل مشاكل بس لازم هو قبل ميكلم اهله يكون قد
المسؤلية و يكون قادر على تحملها مش فترة وهتعدى
لانه لو حبها بجد لازم يحافظ عليها
وقبل ده كله اهم حاجة هى الصراحة فى العلاقة و انا الشخص ده
ميرسمش من البحر طحينة.
معلش انا طولت عليكوا بس ديه وجهة نظر مش اكتر
و تقبلى مرورى و موضوع جميل

الله عليك يا كرستيانوا وانتى يا سما انتوا عاملين شوية ردود ذى الفل وعلى فكرة انا ردودكم عجبانى جداا والموضوع بردوا عاجبنى جدا جدا