كسلان ومهيس

موضوع: كسلان ومهيس الثلاثاء مايو 05, 2009 10:01 am

في الأيام المبروكه دي والأمتحانات علي الأبواب والواحد ما فتحش كتاب بقعد اسأل نفسي هو أنا هتنيني قاعد عالنت لحد امتا انا بجد قربت اتجنن مش طايق ابص في الكتاب ولو بصيت فيه بقوم كأني بصيت علي عفريت مخنوق من الكليه اكني رايح المعتقل بقعد في المحاضره مش عارف أركز اسمع كلمتين واكتبهم وانا مش فاهم أي حاجه وأقوم أروح اقعد عالنت طول النهار بسأل نفسي تاني هو ايه اللي بيحصلي أنا عمري ما كنت فاشل كده ايه الكسل ده ايه التهييس اللي انا فيه ده حتي الامتحانات ما بذاكرلهاش الا في لياليها وانا مخنوق برده ومش مركز
أكيد في ناس كتير زيي ولا حتي قليلين ولا ما فيش خالص مش عارف أنا قربت أتجنن حد يقول أي حاجه بئا عشان أتخنقت بجد أي حاجه تصبر قلبي تشجعني عالمذاكره أي تجربه قاسيه حصلتلكو من ورا التهييس ده أي بتنجان بس حد يقوللي إيه الحلللللللللللللللللللللللللللللل؟؟؟؟؟

بصى ياجى جى هاقولك زى ماكنت بعمل
اقنعى نفسك دايما انك مبتذكريش لحاجه يعنى كانك بتضيعى وقت
ابداى بالسهل والحاجه اللى بتحبيها
لما تزهقى حلى اسئله كانك بتعملى مسابقه لنفسك وكمان اقري كانه جرنال واقعدى اشرحى كتير وافصلى من وقت لتانى بحاجه بتحبيها انشاله كل ساعه وربنا يوفقكوا كلكوا انا كنت بعمل كده

عشان كدة انت فلحت بقة
ما انت قاعد عاطل ومش لاقى شغل اهه
وكمان طالع من الكلية بدور تانى

شكرا لاهتمامك يا سيمبا وهعمل كدة ان شاء الله

العفو ياجى جى وقوليلى النتيجه
وان شاء الله ربنا يكرمكوا
وشكرا يافيكا ده من ذوقك

العفو يا سيمبا بية

المشكلة اساسا فى واهمة نفسك بانك مش عايزة تذاكرى
وبعدين كلة بيرجع اكيد فى انك بعيدة شوية عن ربنا الفترة دى استعيزى كدة من الشيطان وادعى ربنا وهوة اكيد هيكرمك علشان هوة اكيد بيحبلك الخير يعنى
وبعدين انتى محسسانى انك دلوقتى مسيرة مش مخيرة لازم تتحكمى شوية فى نفسك ووقتك ومذاكرتك

وبعدين محدش نفسة بتنفتح للمذاكرة من اول ربع ساعة ولا اول نصف ساعة اول المذاكرة شوية بيتعب وبعد كدة الامور بتمشى فى السليم علشان بقالك
كتير بس مفتحتيش كتاب

وبالنسبة للنت بقى ممكن تحددى يعنى ساعتين او تلاتة كفاية واضغطى على نفسك حتى لة كنتى عاوزة تفتحية

اوك يا سما وانا مش بعيدة عن ربنا وانا بزاكر والله بس عادى مش كتير بس هحاول وشكرا

انصحك انك تصلى وتقرئى قران كتير

شكرا ليك

دعاء قبل المذاكرة:

اللهم إني أسألك فهم النبيين و حفظ المرسلين و الملائكة المقربين، اللهم اجعل ألسنتنا عامرة و قلوبنا بخشيتك و أسرارنا بطاعتك إنك على كل شئ قدير و حسبنا الله و نعم الوكيل.

دعاء بعد المذاكرة:

اللهم إني أستودعك ما قرأت و ما حفظت و ما تعلمت فرده عند حاجتي إليه إنك على كل شئ قدير.

عند النسيان:

اللهم يا جامع الناس ليوم لا ريب فيه اجمع علي ضالتي

شكرا يا سما

جميل قوى ياسما
ربنا يوفقك

شكرا للاهتمام

منقول ولا مكتوب

منقول