السلام عليكم و رحمة الله و بركاته
اولا فكرة الموضوع جميله لانها بقت مشكله معاصره و منتشره جدا فى مجتمعتنا العربيه و بالذات العربيه .
لانها منتشره ف الغالب ف الوطن العربى .
لو كل واحد فكر ايه هى اسباب المشكله دى هنلاقى ان السبب الرئيسى هو غياب الوازع الدينى من البدايه يعنى غياب الوازع الدينى عند الاباء و الامهات و اللى بالطبع بيتنقل للاولاد و لكن غلط الاب و الام بيبقى لفتره معينه لان بعد سن معين كل واحد بيعرف يقيم نفسه و يحدد اخطائه و القصور اللى ف شخصيته و يقدر يعدل من نفسه و مش معنى كلامى انى بشيل الغلط من ع الاسره انا متفقه مع الجميع ان الغلط الاكبر بيبقى ع الاسره بس بعد سن معين جزء من الغلط ده بيبقى ع الشخص نفسه .
خلينا نتفق ان كل واحد فينا بيقدر يقيم نفسه و يعدل فيها و اللى يقول انه مبيعرفش يعمل ده يبقى لسه فاكر نفسه طفل و
محتاج حد وراه يقيمه ف كل تصرف .
و المشكله ف البدايه و بتكون ع الاسرة و بتتمثل فى اسلوب التربيه لو كل ام من البدايه غرزت ف طفلها انه يحب ربنا و ان ربنا شايفنا ف كل تصرفاتنا و هيحاسبنا ع كل تصرفاتنا و ان اللى عمله كويس هيدخل الجنه هيكبر الطفل بيحب ربنا و بيخاف يعمل الغلط عشان خايف من ربنا و خايف يغضب عليه ... لو كل ام غرزت ف طفلها يصلى شويه بشويه و تعاقبه بعد ما يوصل 10 سنين هيكبر بيحب الصلاه و ميسبش و لا فرض .. لو كل ام غرزت ف طفلها يحترم مامته و باباه هيكبر بيبرهم ... و هكذا ف كل حاجه ف حياتنا ... لكن الام تسيب ابنها و تقول اصله طفل و لما يكبر هيتعلم هيتعلم منين لما يكبر الطفل عقله صفحه بيضا اكتبى فيها اللى انتى عاوزاه مش لما يكبر لسه هنعلمه لاننا محتاجين نمسح الاول اللى اتكتب فيها .
المشكلة التانيه بتتمثل فى غياب الاب ف معظم الاوقات عن البيت لانه بيعمل توكيل للام عشان تربى و تاكل و تشرب و تابع و تقيم و هو بيشتغل عشان يصرف عليهم و طبعا فى حاجات مينفعش فيها الام لوحدها بالذات مع الاود يمكن البنات ف احيان كتير ممكن نكتفى ف تربيتها بالام لكن الاود صعب نكتفى بالام لانه بيبقى محتاج شده .
المشكله اللى عند اغلب الشعب المصرى التفريق بين الولد و البنت اكيد فيه فرق بين الولد و البنت بس الاب و الام استخدموه غلط ده ولد يبقى يعمل اللى هو عاوزه مهو هيكبر بيعمل اللى هو عاوزه و محدش هيعرف يسيطر عليه ياريت يفهمو صح الفرق .
الجزء اللى انا بقول انه ع الانسان نفسه كل واحد فينا لما بيوصل 19 و 20 سنه يعرف الصح من الغلط لان عقله يقدر بالمنطق يشوف كل تصرف بيعمله صح و لا غلط كل واحد فينا جواه جهاز انذار لما بيعمل الغلط بيبقى حاسس ان فى حاجه مش مظبوطه عارفين الجهاز ده ايه ... ضمير كل واحد هو ده انذاره للغلط .
ياريت كل واحد فينا يحاول يعدل من نفسه و يقيم شخصيته و يصلح عيوبه خلينا نرضى ربنا عشان ربنا يصلح حالنا ... اسفه لو طولت عليكم بس فعلا الموضوع كبير و انا حاولت اذكر الاسباب الرئيسيه .
